5 სექტემბერს, დასრულდა "მუხრან შუკვანის სახელობის გარდამავალი თასის ტურნირი" მინი ფეხბურთში, სადაც პირველი ადგილი მოიპოვა ლენჯერის გუნდმა (ანგარიში 1:0), მეორე ადგილზე გავიდა თავდაცვის ძალების გუნდი „არმია“, მესამე ადგილი მიიღო მესტიის №1 ნაკრებმა გუნდმა. საფინალო შეხვედრის მსაჯი გახლდათ პოლკოვნიკი, მალხაზ მერლანი, რომლის დიდი მონდომებით და ჩართულობით დაინერგა „მუხოს“ ტურნირი
შეგახსენებთ, რომ 31 აგვისტოდან, დაბა მესტიაში მიმდინარეობდა უკვე ტრადიციად ქცეული ISAF-ის მისიაში 2010 წლის 5 სექტემბერს გმირულად დაღუპული მე-3 ქვეითი ბრიგადის 31-ე ქვეითი ბატალიონის, სამხედრო მოსამსახურის, უფროსი ლეიტენანტის, მუხრან შუკვანის სახელობის გარდამავალი თასის ტურნირი მინი ფეხბურთში.
ტურნირის დახურვის ცერემონიალს ესწრებოდნენ: დასავლეთის სარდალი, ბრიგადის გენერალი-კობა გრიგოლია, პოლკოვნიკი-მალხაზ მერლანი, პოლკოვნიკი-ნიკოლოზ აგლაძე, სამხედრო გაწვევებისა და რეკრუტირების ეროვნული სააგენტოს სამეგრელოსა და ზემო სვანეთის მესტიის განყოფილების უფროსი, მანუჩარ რატიანი! ვიცე პოლკოვნიკი-მანუჩარ ბარბქაძე, ვიცე პოლკოვნიკი-დავით ჩარქსელიანი, მაიორი-რობერტი დუმბაძე, მაიორი-გიორგი მენაღარიშვვილი, მთავარი სერჟანტი-ავთო ახვლედიანი, მასტერ სერჟანტი-მალხაზ კოპალიანი, მასტერ სერჟანტი-გენო სიმსივე, უფროსი სერჟანტი- მეულუდ კვასტიანი, თავდაცვის სამინისტროს თავდაცვის ძალების ადმინისტრაციის თანამშრომელი-გიორგი ბეჟანიშვილი, მამა გობრონი - მე-3 ბრიგდის კაპელანი. ცერემონიალს ასევე ესწრებოდა ვიცე პოლკოვნიკი, გოდერძი აფრასიძის მეუღლე, მადონა ცინდელიანი.
ღონისძიების საზეიმო გახნის და დახურვის ცერემონიალზე მესტიის ადგილობრივმა ანსამლმა „რიჰო“-მ წარმოადგინა ფოლკლორული ნომრები.
ტურნირის შესარჩევ ეტაპზე 16-მა გუნდმა მიიღო მონაწილეობა, აქედან 6 გუნდს საქართველოს თავდავის ძალების გუნდები წარმოადგენდნენ, 10 გუნდი კი გახლდათ მესტიის მუნიციპალიტეტის საფეხბურთო გუნდები სხვადასხვა ტერიტორიული ერთეულებიდან.
●საუკეთესო თავდამსხმელი - დავით კოხრეიძე (თავდაცვის ძალების გუნდი „არმია“);
●საუკეთესო უნივერსალი ფეხბურთელი - ნიკოლოზ უგრეხელიძე (თავდაცვის ძალების გუნდი „არმია“);
●ტურნირის საუკეთესო ფეხბურთელი-ვაკო ქსოვრელიშვილი (ლენჯერის გუნდი);
●ტურნირის ბომბარდირი-დავით გამხიტაშვილი (ლენჯერის გუნდი);
●საუკეთესო მეკარე - ნიკოლოზ უდესიანი (ლენჯერის გუნდი);
●საუკეთესო მცველი - ბესო ჯაფარიძე (მესტიის №1 გუნდი);
●ტურნირის საუკეთესო ახალგაზრდა ფეხბურთელი - ჯემალ გირგვლიანი (ლატალის გუნდი);
●ტურნირის უხუცესი მონაწილე - ლევან კოხრეიძე (თავდაცვის ძალების გუნდი „არმია“).
გამარჯვებულ გუნდს გარდამავალი თასი გადასცა, უფროსი ლეიტენანტის, მუხრან შუკვანის დედამ, კლარისა გულედანმა.
უკვე მესამე წელია დაარსდა ვიცე-პოლკოვნიკ, გოდერძი აფრასიძის სახელობის სპეციალური თასი, რომელიც გოდერძი აფრასიძის მეუღლემ, მადონა ცინდელიანმა ტურნირის საუკეთესო ბომბარდირს გადასცა.
გამარჯვებული გუნდის ყველა წევრს გადაეცა მედლები, სიგელები და სვანეთის თემატიკის ფასიანი საჩუქრები, მეორე და მესამე ადგილზე გასულ გუნდებს გადაეცათ მედლები და სიგელები. საქართველოს თავდაცვის ძალების წარმომადგენლებს მესტიის მუნიციპალიტეტისგან გადაეცათ ასევე ფასიანი საჩუქრები. საქართველოს თავდაცვის ძალების დასავლეთ სარდლობის გენერალმა, კობა გრიგოლიამ, მესტიის მუნიციპალიტეტის მერს, მერიის წარმომადგენლებს და ტურნირის ორგანიზატორებს სახელობითი მადლობის სიგელები (დაფა) გადასცა.
დაჯილდოების შემდეგ სტუმრები, მეგობრები და ადგილობრივი თვითმმართველობის წარმომადგენლები ISAF-ის მისიაში გმირულად დაღუპული უფროსი ლეიტენანტის, მუხრან შუკვანის საფლავზე მივიდნენ და პატივი მიაგეს მის ხსოვნას.