ეკონომიკისა და მდგრადი განვითარების სამინისტროს „მთის კურორტების განვითარების კომპანიამ“ თეთნულდზე ზაფხულის სეზონი გახსნა.

ზაფხულში კურორტი თეთნულდი პირველად უმასპინძლებს ვიზიტორებს. საბაგიროები ყოველდღიურ რეჟიმში 10:00 საათიდან 16:30 საათამდე იმუშავებს.

კურორტი თეთნულდი ზღვის დონიდან 2200 მეტრზე, მესტიიდან კი 15 კმ-ში მდებარეობს. დამსვენებლებს თეთნულდზე სავარძლის ტიპის ოთხი საბაგირო დახვდებათ. საბაგიროს მეშვეობით კი შესაძლებელია ზღვის დონიდან უმაღლეს წერტილზე 3160 მეტრის სიმაღლეზე მოხვედრა, სადაც თეთნულდისა და უშბის ულამაზესი ხედებია.

კურორტი ჰაწვალი კი ორი თვეა მასპინძლობს ვიზიტორებს. ჰაწვალი მესტიიდან რვა კმ-ში მდებარეობს, სადაც დამსვენებლებს ორი საბაგირო ემსახურება. თვითონ საბაგირო კი მესტიაშია-მიზეუმთან ახლოს.

საბაგიროები ყოველ დღე (უამინდობის გარდა) 10:00 საათიდან 17:30 საათამდე მუშაობს.