სამთო-სათხილამურო კურორტების მაშველები პირველად სამედიცინო დახმარების აღმოჩენაში უკვე გადამზადდნენ.
სწავლებას საგანგებო სიტუაციების კოორდინაციისა და გადაუდებელი დახმარების ცენტრი უზრუნველყოფდა და კურსი როგორც თეორიულ, ასევე პრაქტიკულ მეცადინეობებს მოიცავდა.
მთის კურორტების განვითარების კომპანიის 84-მა მაშველმა ინტენსიურ მომზადება სეზონის დაწყებამდე გაიარა და ახლა მათი ნაწილი გადანაწილებულია იმ ზამთრის კურორტებზე, რომლებიც უკვე გაიხსნა.
22 დეკემბერს, სეზონის გახსნისთანავე გადამზადებული მაშველები სვანეთის სათხილამურო კურორტებზეც იქნებიან, სადაც საჭიროების შემთხვევაში დაშავებულისთვის პირველადი სამედიცინო დახმარების აღმოჩენას შეძლებენ.
სამთო მაშველების პირველადი სამედიცინო დახმარების მიმართულებით გადამზადების პროექტი პერმანენტული ხასიათისაა და საკურორტო ზონების უსაფრთხოების ზრდას ემსახურება.
