"სვანეთში, გუდაურში, ბაკურიანსა და ზემო აჭარაში გვყავს ახლად ეკიპირებული პატრულის შემადგენლობა, სულ 82 ადამიანი, - ამის შესახებ პრემიერ-მინისტრმა მამუკა ბახტაძემ გუდაურში, ზამთრის სეზონის გახსნაზე სიტყვით გამოსვლისას განაცხადა.
„ჩვენ გავითვალისწინეთ წარსული წლების გამოცდილება. წელს, პატრულში დასაქმებულ მოქალაქეებს ტრენინგი ჩაუტარდათ და საქართველოს ზამთრის ყველა კურორტზე - სვანეთში, გუდაურში, ბაკურიანსა და ზემო აჭარაში გვყავს ახლად ეკიპირებული პატრულის შემადგენლობა- 82 ადამიანი. მინდა, მათ მივესალმო და განსაკუთრებული მადლობა გადავუხადო.დარწმუნებული ვარ, მსგავსი ინფრასტრუქტურული პროექტების მეშვეობით საქართველო მართლა დაიკვიდრებს მსოფლიო რუკაზე ადგილს“, - განაცხადა ბახტაძემ.
