სვანეთინიუსი 18.08.2019

მესტიის მუნიციპალიტეტის დელეგაცია ლიეტუვას ოფიციალური ვიზიტის ფარგლებში ეწვია

01.06.2018 14:26

06-დან 1 ივნისის ჩათვლით  მესტიის მუნიციპალიტეტის მერი  კაპიტონ ჟორჟოლიანი ქვეყნის დელეგაციასთან ერთად ოფიციალური ვიზიტით ლიეტუვას რესპუბლიკის, ტელშაის მუნიციპალიტეტშიი მყოფებოდა. ვიზიტის ფარგლებში ხელი მოეწერა ურთიერთთანამშრომლობის მემორანდუმს- მესტიის მუნიციპალიტეტსა და ტელშაის მუნიციპალიტეტს შორის, რაც ტურიზმის, ბიზნესის, კულტურის, განათლებისა და სპორტის სფეროებში თანამშრომლობას გულისხმობს.

მემორანდუმს ხელი  ყოველწლიური ფესტივალის ფარგლებში საზეიმოდ მოეწერა, რომელიც წელს ლიეტუვას დამოუკიდებლობის გამოცხადებიდან 100 წლის იუბილეს ეძღვნებოდა.

მესტიის მუნიციპალიტეტის ოფიციალურ დელეგაციას თან ახლდა მესტიის მუნიციპალიტეტის ანსამბლის „რიჰო“, რომელთა შემოქმედებამ დიდი მოწონება დაიმსახურა როგორც ლიეტუვას, ასევე 10 სხვადასხვა ქვეყნის დელეგაციას შორის.

მესტიის მუნიციპალიტეტის მერმა საფრანგეთის, გერმანიის, ავსტრიის, ჩეხეთის, ბელორუსიის, პოლონეთის, მოლდოვეთის და შვედეთის დელეგაციის ლიდერებს საჩუქრად გადასცა სვანეთის ისტორიისა და ეთნოგრაფიის მუზეუმში დაცული ექსპონატების ამსახველი წიგნები, რამაც დამსწრე საზოგადოებაში დიდი აღფრთოვანება და მოწონება დაიმსახურა.

შეგახსენებთ, რომ ლიეტუვა (ლიეტუვა) ქართულ ენაში ლიტვის ავთენტური დასახელებაა, რომელიც ქართულ ენაში წელს დამკვიდრდა. რეკომენდაცია კი სახელმწიფო ენის დეპარტამენტმა გასცა.

საგარეო საქმეთა სამინისტროს ინფორმაციით, აღნიშნული გადაწყვეტილება მეგობრულ ჟესტს წარმოადგენს, რადგან მიმდინარე წლის სამ მაისს, ლიტვური ენის სახელმწიფო კომისიამ, ლიტვურ ენაში "საქართველოს" ავთენტური დასახელების დამკვიდრების გადაწყვეტილება მიიღო.

GE EN RU