მასალა:
1 კილო საქონლის ან ღორის (გაუყინავი) ახალი, უმი ხორცი. (უფრო კარგია შერეულიც-ღორის და საქონლის ერთად)..ხორცის დაახლოებით 80%მჭლე უნდა იყოს დანარჩენი ქონი.უფრო კარგი გამოვა თუ ქონი საქონლის მუცლის ქონი იქნება.
4 საშუალო ზომის ხახვი
2 თავი ნიორი
1 სუფრის კოვზი_ხმელი დაფქვილი უცხოსუნელი,ძირა,ქინძი...
1 ჩაის კოვზი_ხმელი,დაფქვილი ყვითელი ყვავილი,კამა,წიწაკა
მარილი 1 ჩაის კოვზი
ცომი
უმაღლესი ხარისხის ფქვილისგან გავაკეთოთ ცომი საფუარით და მარილით, როცა ამოფუვდება უკანვე ჩაზილეთ და ხელახლა რომ ამოვა ცომიც მზადაა.
შიგთავსის მომზადება:
წვრილად ვჭრით ხორცს. ვუმატებთ ძალიან წვრილად დაჭრილ ხახვს,დაჭყლეტილ ნიორს,ზემოთ მოცემულ ხმელ და კარგად დაფქვილ სუნელებს..მარილს.. კარგად ავზილოთ ერთმანეთში ხელით. გავყოთ 6 ნაწილად და როგორც ხაჭაპურის შიგთავსს ვაგუნდავებთ ისე დავამრგვალოთ საშუალო ზომის ბურთებად. სულ 6 გუნდა გამოდის.
ისე,როგორც იმერული ან მეგრული ხაჭაპურისთვის დებთ გუნდას ცომში, ჩადებთ ხორცის ბუნდასაც, კრავთ და აბრტყელებთ. ფრთხილად გააბრტყელეთ, რომ ბოლომდე გავიდეს ხორცი და არ დარჩეს მხოლოდ შუაგულში. შევდოთ ღუმელში,როგორც ხაჭაპურს აცხობთ,ისე გამოაცხვეთ.კუბდრის ცომი არ იჭრება ზემოდან,როგორც ხაჭაპურის,როცა უკვე შიგთავსი შიგნითაა.ამიტომ კუბდარი ხანდახან სკდება და იქიდან შიგთავსის წვენი ოდნავ ჟონავს.არ შეგეშინდეთ!
აცხვეთ 20_30 წუთი.ეს დრო ჰყოდფნის,რადგან ხორცი წვრილადაა დაჭრილი. ზემოდან რომ დაიბრაწება კუბდარი მზადაა! 
P.s სვანები ხინკალს კუბდარის ნაბიჭვარს ეძახიან 