გამარჯობა,
მე გახლავართ სერგო არჯევანიძე, ცაგერის რაიონის სოფელ ოყურეშიდან, პროფესიით ფინანსისტი და ამჟამად მოქმედი მევენახე-მეღვინე. ჩვენი რეგიონი მიუხედავად მაღთალმთიანი რელიეფისა მევენახეობითაა განთქმული და არც მე ვარ გამონაკლისი და ჩემს გამოცდილებას გაგიზიარებთ, რომლის ერთ-ერთი საკვანძო მომენტი საერთაშორისო პროგრამაში მონაწილეობის გამოცდილებაა. კერძოდ კი ეს არის ევროკავშირის შვედეთის და ავსტრიის ხელშეწყობით განხორციელებულ პროექტ GRETA-სთან თანამშრომლობა.
GRETA-ს შესახებ ინტერნეტის მეშვეობით შევიტყვე, გავეცანი დეტალურად პირობებს და რადგან ჩვენი რეგიონიც შედიოდა პროექტის დაფარვის ზონაში და რადგან ასევე ბიო ორგანული პროდუქტების წარმოებაც პრიორიტეტული იყო, გადავწყვიტე მონაწილეობა მიმეღო. დავწერე ბიზნეს გეგმა, წარმატებით გავიარე ეტაპები და გავხდი ბენეფიციარი.
დონორების ხელშეწყობით გაწეულმა დახმარებამ ჩემს საქმიანობას, მარტივად რომ ვთქვა მყარი განვითარების საფუძვლები გაუჩინა. უფრო დეტალურად კი ეს იყო მოტო ბლოკი ანუ მინი ტრაქტორი თავის ჩასაბმელით, რომელიც მიწის დასამუშავებლად გამოიყენება. ჩვენნაირი რელიეფის მქონე რეგიონში, სადაც მიწის სიმწირის გამო ვენახები სხვადასხვა ადგილას გვაქვს, ტრაქტორს მიუდგომელ ადგილებში საჭირო აღჭურვილობის გადასატანად ვიყენებთ, ასევე მოსავლის გამოსატანად ვენახიდან და ორგანული სასუქის შესატანად. ამან რა თქმა უნდა პირველ რიგში შრომა გაგვიადვილა. აგრეთვე უნდა ვახსენო რკინის ბოძები ვაზის მწკრივებისთვის, რომლებმაც ხის ბოძები ჩაანაცვლეს და ბევრად გამძლეა და შესაწამლი აპარატი 100 მეტრიან შლანგთან ერთად.
მინდა ხაზი გავუსვა ბიო მიმართულებაზე ჩატარებული ტრენინგების შედეგად მიღებული გამოცდილების მნიშვნელობას. მინდა შეგახსენოთ რომ ჩვენ 2014 წლიდან გვაქვს „კავასსერტის“ მიერ ბიო სერტიფიცირებული ვენახები. შესაბამისად ფასდაუდებელი იყო იმ ახალი ბიო პრეპარატების გაცნობა-მოხმარების წესი, რომელიც ყოველწლიურად შემოდის. ამ ყველაფრის გაზიარება სწორედაც რომ ტრენინგეებზე მოხდა, მცირე მარნებში ყურძნის გადამუშავებიდან-ღვინის ჩამოსხმის პროცესამდე თუ რამე იყო ყველაფერისაფეხური გავიარეთ.
GRETA-ს მიერ განხორციელებულ ბენეფიტებზე ვიტყვი ორიოდე სიტყვას, მე მაგალითად რაც ზემოთ ჩამოვთვალე, ამ ყველაფრის შესაძენად დამჭირდებოდა რამდენიმე წლის მოსავალი, ანუ მოსავლის რეალიზაცია. ხოლო ახლა, გამოთავისუფლებული თანხით შევიძინე მიწის ნაკვეთები, სადაც ისევ ახალი ნერგები ჩავყარე, ასევე ვაშენებ მარანს და შეიძლება ითქვას რომ ნამდვილად გადავდგი ნაბიჯები წარმოების გაფართოებისკენ. აქვე გაგიმხელთ ჩვენს სამომავლო გეგმებს, რომელიც ნამდვილად გამოიწვია მიღებულმა დახმარებამ. ჩევნი სოფლის თავზე არის ცნობილი ხვამლის მთა, მისასვლელი გზა კი ჩვენს სოფელზე გადის და სამომავლოდ ვგეგმავთ რომ ტურისტული მიმართულებით დავტვირთოთ ეს ყველაფერი, გავაკეთოთ საოჯახო სასტუმრო და მარანი.
ბოლოსკენ ჩემს პატარა გამოცდილებაზე დაყრდნობით მინდა ერთი რჩევა გავუზიარო სხვა მეწარმეებს და ვუთხრა რომ უფრო მეტი ყურადღება მიაქციონ ბიო წარმოებას. ერთ მაგალითს მოვიყვან, შხამ-ქიმიკატების გამოყენების შემთხვევაში ვენახს მართალია მსხმოიარობა მეტი აქვს მაგრამ მოსავალი ნაკელბად ხარისხიანია და ასვე მთლიანად ვენახი მალე იფიტება და იცლება რესურსისგან და უკვე 20 წლის თავზე დაღარიბებულია და არაა რენტაბელური. არადა ჩვენი წინაპრები მინიმუმ 50 წელი იღებდნენ ხარისხიან მოსავალს მხოლოდ ორგანული სასუქის მოხმარების შემთხვევაში.
აქედან გამომდინარე, ჩვენ მართალია როგორც ღვინის ქვეყანა ასე ვპოზიციონირებთ და ეს ჩვენი ისტორიული საქმიანობაა, მაინც ვერავის გავაკვირვებთ დიდი წარმოებით, მაგრამ ბიო მიმართულებით ჩვენ შეგვიძლია ჩვენი ადგილი დავიკავოთ.
ახალი საინტერესო გამოწვევებისა და საქმიანი კავშირების დამყარების მხრივ მზად და ღია ვართ და დაინტერესების შემთხვევაში ხელმისაწვდომები ვართ ტელეფონისა და ელ-ფოსტის საშუალებით.
---
ევროკავშირის, შვედეთის და ავსტრიის მხარდაჭერით საქართველოს მაღალმთიან რეგიონში, მცირე და საშუალო მეწარმეები, რომლებმაც მიიღეს მნიშვნელოვანი მხარდაჭერა ბიზნესის განვითარებისთვის, ჯამში 68 მეწარმეს ითვლის.
თვალი ადევნეთ წარმატების შემდეგ ისტორიებს, სადაც საოცრად საინტერესო ხალხი გვიამბობს საკუთარ გამოცდილებებზე.
პროექტი GRETA | „მწვანე ეკონომიკა: მდგრადი სამთო ტურიზმი და ორგანული სოფლის მეურნეობა“ ევროკავშირის, ავსტრიისა და შვედეთის მხარდაჭერით, საქართველოში ავსტრიის განვითარების სააგენტო ახორციელებს. პროექტი მიზნად ისახავს ბიზნეს-გარემოს გაუმჯობესების ხელშეწყობას და დამატებითი შემოსავლის შექმნის შესაძლებლობის გაზრდას საქართველოს ეკონომიკის ორ ისეთ მნიშვნელოვან სექტორში, როგორიცაა სამთო ტურიზმი და ორგანული სოფლის მეურნეობა.
ეს მასალა მომზადებულია ევროკავშირის, შვედეთის და ავსტრიის თანადაფინანსებით, პროექტ GRETA-ს ფარგლებში. მის შინაარსზე სრულად პასუხისმგებელია ავსტრიის განვითარების სააგენტო/პროექტი GRETA და შესაძლოა, რომ იგი არ გამოხატავდეს ევროკავშირის, შვედეთის და ავსტრიის შეხედულებებს.
#68წარმატებისისტორია
#ევროკავშირი #შვედეთი #ავსტრია
#პროექტიGRETA #მთისეკონომიკისგანვითარებისთვის