გამარჯობა,
მე სარდიონ (კახა) ქურასბედიანი ვარ, საქართველოს უმშვენიერესი კუთხე სვანეთიდან, კერძოდ ლენტეხიდან. პროფესიით ინჟინერ-გეოდეზისტი თუმცა არ გაგიკვირდებათ თუ გეტყვით რომ ამჟამად სხვა, დამატებითი საქმიანობა დავიწყე და ესაა მევენახეობა-მეღვინეობა. ამაში კი თავისი ადგილი და წვლილი ევროკავშირის, შვედეთის და ავსტრიის ხელშეწყობით განხორციელებულმა პროექტმა GRETA-მ საკმაოდ მნიშვნელოვანი როლი შეასრულა.
პროექტის შესახებ ტელევიზორიდან შეიტყო ჩემმა შვილმა და მან მირჩია რომ სანტერესო პროექტი იწყებოდა და ბედი მეცადა, თან ჩვენი რეგიონიც რაჭა-ლეჩხუმი და ქვემო სვანეთიც შედიოდა პროექტის დაფარვის ზონაში. დავწერეთ პროექტი და მალევე გავხდი ბენეფიციარი. მინიმალური ბიუჯეტით მინიმალური მოთხოვნა გავაკეთე, ეს იყო მოტო ბლოკი ანუ მინი ტრაქტორი და 200 ძირი ნერგი. ჩემს ვენახებს რომელიც ცაგერის რაიონის სოფელ ოფიტარაში მაქვს, GRETA-ს დახმარებით ფაქტიურად ახალი ვენახი დავამატე, ხოლო ტრაქტორი მოგეხსენებათ მთიანი რეგიონში მოღვაწე მეწარმისთვის რამხელა შვებაა.
არ მომერიდება და ვიტყვი რომ დონორების მეშვეობით მიღებულმა ერთი შეხედვით თითქოს მცირედმა დახმარებამ ახალი მოტივაცია მომცა და როგორც გითხარით სულ სხვა სფეროში მუშაობის მიუხედავად მიბიძგა უფრო აქტიურად განვავითარო ჩემი სამეწარმეო საქმიანობა. ტრაქტორი მიწის კულტივაციასა და სასუქის შეტანაში, ასევე მოსავლის გამოტანაში გვეხმარება, გაგვიადვილდა შრომა სად ხელით რომ მუშაქობ და სად ტექნიკის მეშვეობით. ამან განაპირობა ჩემი სამევენახეო საქმიანობის განვითარების საფუძველი.
სხვა მხრივაც საინტერესო გამოცდილებაა ჩემთვის ეს პროექტი, რადგან მის ფარგლებში საინეტერესო ტრენინგებს დავესსწარი, ჩვენთანაც იყო ლენტეხში ტრენიუნგები და მე როგორც სხვა პროფესიის ადამიანს რომელსაც ვენახთან შეხება არ ქონია, თამამად ვიტყვი რომ საჭირო გამოცდილება გამიზიარეს. აუცილებლად მინდა ვახსენო რომ უშუალოდ ვენახის მოვლის საკითხებში მერაბ მანაგაძე არის ჩემი პარტნიორი, რომელიც შეიძლება ითქვას რომ მთელს აგრონონომიულ პროცესს თვითონ უძღვება.
რაც შეეხება ბიო მიმართულებას, ჩვენი მიზანი რასაკვირველია ბიო სერტიფიცირების მიღებაა, ჩვენ ელკანასთან ვთანამშრომლობთ და დაყებული გვაქვს ეს პროცესი და გვინდა მაღალი ხარისხი უკვე ოფიციალურად აღიარებული და დადასტურებული გვქონდეს.
საერთოდაც, ვაზის გაშენება და მეღვინეობის მიმართულების გაძლიერება, რომელიც ჩვენი საუკუნოვანი ტრადიციაა, განაპირობებს როგორც მეწარმეების-ასევე ქვეყნის ეკონიმიკის გაძლიერებას, ეს ქვეყნის სახელია, ჩვენი ღვინოა ჩვენი სავიზიტო ბარათი ევროპის ქვეყნებში და რატომ არ უნდა მოვაშენოთ და მოვამრავლოთ?!
სამომავლო გეგმებს რაც შეეხება დიდი სურვილი გვაქვს ბიო სერტიფიცირების შემდეგ უკვე ბრენდირებაც გვქონდეს, სახელიც კი გვაქვს უკვე მოფიქრებული „ოფიტარა უსახელაური“ და ძალიან გვინდა ჩვენივე ძალებით დავიწყოთ ღვინის წარმოება-ჩამოსხმა, მცირემასშტაბიანი ღვინის ქარხანაა ჩვენი ოცნება.
ჩვენი იდეებისთვის ხორცის შესასხმელად მზად ვართ ახალ პროექტებთან სათანამშრომლოდ, თან ზურგს გვიმაგრებს გრეტასთან თანამშრომლობის გამოცდილება რომელმაც დაგვანახა რომ უცხოურ პროექტთან საქმიანი კავშირი საერთოდ არაა მითი და რეალობაა. დაინტერესების შემთხვევაში ხელმისაწვდომები ვართ ელ-ფოსტის და ტელეფონის საშუალებით.
---
ევროკავშირის, შვედეთის და ავსტრიის მხარდაჭერით საქართველოს მაღალმთიან რეგიონში, მცირე და საშუალო მეწარმეები, რომლებმაც მიიღეს მნიშვნელოვანი მხარდაჭერა ბიზნესის განვითარებისთვის, ჯამში 68 მეწარმეს ითვლის.
თვალი ადევნეთ წარმატების შემდეგ ისტორიებს, სადაც საოცრად საინტერესო ხალხი გვიამბობს საკუთარ გამოცდილებებზე.
პროექტი GRETA | „მწვანე ეკონომიკა: მდგრადი სამთო ტურიზმი და ორგანული სოფლის მეურნეობა“ ევროკავშირის, ავსტრიისა და შვედეთის მხარდაჭერით, საქართველოში ავსტრიის განვითარების სააგენტო ახორციელებს. პროექტი მიზნად ისახავს ბიზნეს-გარემოს გაუმჯობესების ხელშეწყობას და დამატებითი შემოსავლის შექმნის შესაძლებლობის გაზრდას საქართველოს ეკონომიკის ორ ისეთ მნიშვნელოვან სექტორში, როგორიცაა სამთო ტურიზმი და ორგანული სოფლის მეურნეობა.
ეს მასალა მომზადებულია ევროკავშირის, შვედეთის და ავსტრიის თანადაფინანსებით, პროექტ GRETA-ს ფარგლებში. მის შინაარსზე სრულად პასუხისმგებელია ავსტრიის განვითარების სააგენტო/პროექტი GRETA და შესაძლოა, რომ იგი არ გამოხატავდეს ევროკავშირის, შვედეთის და ავსტრიის შეხედულებებს.
#68წარმატებისისტორია
#ევროკავშირი #შვედეთი #ავსტრია
#პროექტიGRETA #მთისეკონომიკისგანვითარებისთვის