გამარჯობა,
მე როსტომ გაგოშიძე გახლავართ, რაჭიდან, კერძოდ, ამბროლაურის მუნიციპალიტეტის სოფელ პირველი ტოლადან. პროფესიით ინჟინერ-მექანიკოსი ვარ და ასევე მაქვს საოჯახო სასტუმრო და მევენახეობა, სადაც ვაწარმოებ ალქსანდროულ-მუჯურეთულ და ცოლიკოური სახეობის ღვინოს. რაც შეეხება საოჯახო სასტუმროს, ეს ჩემი და ჩემი მეუღლის, ლალი გაგოშიძის ერთობლივი იდეა იყო, ვინაიდან ვენახი და ღვინო აქვე გვქონდა, ვიფიქრეთ რომ მოგვეწყო სტუმრების მისაღებად რამდენიმე ოთახი და მათთვის შეგვეთავაზებინა ავთენტური ოჯახური გარემო, ჩვენივე მოყვანილი ბიო ოგანული ღვინო და ნატურალური პროდუქტები.
იდეის განხორციელება ორი ოთახით დავიწყეთ, ხელი შევავლეთ ოთახებს, დავიწყეთ მოწყობა, თუმცა გზადაგზა ბევრი რამ გახდა საჭირო, რომ ბოლომდე მზად ყოფლიყო ჩვენი სივრცე სტუმრების მისაღებად. სწორედ ამ დროს შევიტყვეთ ევროკავშირის, შვედეთის და ავსტრიის მხარდაჭერით დაფინანსებულ პროექტ GRETA-ს შესახებ, თუ სწორად მახსოვს სოციალური ქსელის მეშვეობით გავიგეთ, ადგილობრივ მუნიციპალიტეტს ქონდა გაზიარებული ინფორმაცია, დავინტერესდით, გავერკვიეთ და რადგან ლოკაციურად აკმაყოფილებდა ჩვენი რეგიონი და ასევე შესაძლებელი იყო სხვადასხვა მიმართულების ერთად დაფინანსება, ვიფიქრეთ რომ ეს იყო დიდი შესაძლებლობა ჩვენთვის და გადავწყვიტეთ პროექტში ჩართვა. უფრო კონკრეტულად ეს ორი სხვადასხვა მიმართულება ჩვენს შემთხვევაში იყო მეღვინეობა და საოჯახო სასტუმრო.
როდესაც დადებითი პასუხი მოგვივიდა და გავხდით ბენეფიციარები, დავრწმუნდით რომ ნამდვილად სწორი არჩევანი გავაკეთეთ. დონორების დაფინანსებით ჩვენ შევძელით შეგვეძინა საოჯახო ტექნიკა სასტუმროს გასამართად, კონდიციონერები, მაცივარი, სარეცხის მანქანა, ტელევიზორები, ეზოს ავეჯი და აქსესუარები, ეზოს განათება, ბაღის ნივთები, ასევე მარნისთვის ბოთლების საწრეტი, ეტიკეტის დამკვრელი და ჩაჩის გამკეთებელი.
ამ ინვენტარმა როგორც სასტუმროსთვის, ისე მარნისთვის, განაპირობა ჩვენი იდეის უკვე რეალურ შეთავაზებად გარდაქმნა და მყარი საფუძველი გააჩინა პირველი სტუმრების მიღებისთვის. ფაქტიურად გადამწყვეტი მომენტი იყო გრეტას დახმარება, რომელმაც ასევე კიდევ ერთი მთავარი რამ გამოიწვია, ეს იყო მოტივაცია, მოტივაცია და განვითარების სურვილი, რადგან ამ დახმარებამ ჩვენ გვანახა რომ მსგავსი პროექტები მითი ნამდვილად არაა და ეს რეალური შესაძლებლობაა ჩვენნაირი მცირე მეწარმეებისთვის.
ჩვენ რეალურად წელს დავიწყეთ, წელს გავიხსენით და ამას თავისი ობიექტური მიზეზიც ქონდა, პირველი შეფერხება იყო პანდემია და მეორე ის, რომ მე მოვყევი ავარიაში და ჯანმრთელობის გამო ვერ ვახერხებდი საქმეში ჩართვას. GRETA-ს ასევე დიდი მადლობა მინდა გადავუხადო რომ გაიზიარა ჩემი მდგომარეობა და პროექტის ვადები გადაგვიწია. ეს ყველაფერი დასაფასებელია და იმედის მომცემია, ჩვენც შესაბამისად უკვე ვაპირებთ გაფათოებას და 2 ოთახის ნაცვლად მთლიანად მეორე სართულის მოწყობას სტუმრების მისაღებად. რაც შეეხება ღვინოს აქაც დახმარების შედეგი საკმაოდ თვალსაჩინო იყო, შრომა გაგვიადვილდა, ხელით შრომა ჩაანაცვლა ეტიკეტების დამკვრელმა და ჩაჩის გამკეთებელმა, რამაც პროცესი დააჩქარა და მოიმატა წარმადობამ.
ჩვენი პატარა წარმატების მაგალითზე შემილია თავს უფლება მივცე და სხვა დამწყებ მეწარმეებს ვურჩიო რომ არასდროს გაჩერდნენ, ქონდეთ მოტივაცია და უსმინონ საკუთარ სურვილებს, რაც მართლა უნდათ ის აუცილებლად გამოუვათ. ასევე თვალი ადევნონ საგრანტო კონკურსებს რომელიც არის დიდი შესაძლებლობა, რომელსაც მოყვება მოტივაცია და ახალი გეგმებიც.
გეგმები გვაქვს, თანამშრომლობის სურვილი გვაქვს და მზად ვართ ახალი საქმიანი კავშირებისთვის, რომლების ჩვენს განვითარებას გააგრძელებს. საკონტაქტოდ ხელმისაწვდომები ვართ ელ-ფოსტის და ფბ გვერდის მეშვეობით.
---
ევროკავშირის, შვედეთის და ავსტრიის მხარდაჭერით საქართველოს მაღალმთიან რეგიონში, მცირე და საშუალო მეწარმეები, რომლებმაც მიიღეს მნიშვნელოვანი მხარდაჭერა ბიზნესის განვითარებისთვის, ჯამში 68 მეწარმეს ითვლის.
თვალი ადევნეთ წარმატების შემდეგ ისტორიებს, სადაც საოცრად საინტერესო ხალხი გვიამბობს საკუთარ გამოცდილებებზე.
პროექტი GRETA | „მწვანე ეკონომიკა: მდგრადი სამთო ტურიზმი და ორგანული სოფლის მეურნეობა“ ევროკავშირის, ავსტრიისა და შვედეთის მხარდაჭერით, საქართველოში ავსტრიის განვითარების სააგენტო ახორციელებს. პროექტი მიზნად ისახავს ბიზნეს-გარემოს გაუმჯობესების ხელშეწყობას და დამატებითი შემოსავლის შექმნის შესაძლებლობის გაზრდას საქართველოს ეკონომიკის ორ ისეთ მნიშვნელოვან სექტორში, როგორიცაა სამთო ტურიზმი და ორგანული სოფლის მეურნეობა.
ეს მასალა მომზადებულია ევროკავშირის, შვედეთის და ავსტრიის თანადაფინანსებით, პროექტ GRETA-ს ფარგლებში. მის შინაარსზე სრულად პასუხისმგებელია ავსტრიის განვითარების სააგენტო/პროექტი GRETA და შესაძლოა, რომ იგი არ გამოხატავდეს ევროკავშირის, შვედეთის და ავსტრიის შეხედულებებს.
#68წარმატებისისტორია
#ევროკავშირი #შვედეთი #ავსტრია
#პროექტიGRETA #მთისეკონომიკისგანვითარებისთვის