გამარჯობა,
მე ოლეგ გურული ვარ, ჭიათურის მუნიციპალიტეტის სოფელ წირქვალიდან, პროფესიით ფინანსისტი და ამჟამინდელი საქმიანობა გახლავთ მევენახეობა-მეღვინეობა. ჩვენს მხარეში ვენახი და ყურძენი ოდითგანვე ტრადიცული მიმართულება იყო, შეიძლება არც გსმენიათ მაგრამ გეტყვით რომ ჩვენს სოფელში მოდის უნიკალური ჯიში „წირქვალის თეთრი“, მეც მაქვს გაშენებული ამ ჯიშის ყურძენი და ასევე სხვა ჯიშებიც და ვაწარმოებ ეკოლოგიურად სუფთა პროდუქტს.
სწორედ ამ ნაწილში მოხდა ჩემი და პროექტ გრეტას საქმიანი კონტაქტი, რომლის შესახებაც მეგობრსგან შევიტყვეთ და მან მირჩია ჩავრთულიყავი პროექტში რადგან სწორედ ჩემზე იყო მორგებული და თან რაც მთავარია ზემო იმერეთის რეგიონსაც ფარავდა, ჩვენი რეგიონი არაა განაბივრებეული მსგავსი პროექტებით მინდა გითხრათ. დავწერეთ პროექტი, გავიარეთ ეტაპები, დავაკმაყოფილეთ პროექტის პიროებები, გავხდით ბენეფიციარები და მივიღეთ ის დახმარებები რამაც ჩვენი შრომა გაამარტივა და ახალი გამოწვევებისკენ სვლის მყარი საფუძველი გააჩინა.
ევროკავშირის, შვედეთის და ავსტრიის ხელშეწყობით პროეექტ GRETA-ს ფარგლებში ჩვენ კონკრეტულად მივიღეთ უჟანგავი ცისტერნები, სარეცხი კერხერი ამ ცისტერნებისთვის, მოტობლოკი ანუ მინი ტრაქტორი , კლერტსაცლელი, ღვინის საბეჭდი, ღვინის ჩამოსასხმელი. ამ ყველაფერმა ჩვენს საქმიანობა მნიშვნელოვნად შეცვალა და უფრო მეტად გამართული გახადა. ასევე უნდა ხაზი გავუსვა ტრენინგებზე მიღებულ ცოდნას, რომელიც სოფლის მეურნეობის და ბიო პროდუქტის წარმოების მიმართულებით ძალიან გამოგვადგა. მიუხედავად იმისა რომ ჩვენი ვაზის მოვლის გამოცდილება 20 წელზე მეტს ითვლის, ტრენინგებზე გაზიარებული ინფორმაციისა და მიღებული აღჭურვილობების შედეგად მოვლაც და შენახვაც უფრო გაგვიმარტივდა.
პარადოქსულია როდესაც ჩვენ ვსაუბრობთ ბიო პროდუქციაზე და ჯერ ბიო სერტიფიცირება არ გავქვს მიღებული. არადა რეალურად ბიოპროდუქციას ვაწარმეობთ, უბრალოდ ოფიციალური საბუთი არ გვაქვს. გარდა იმისა რომ ეკოლოგიურად სუფთად მოგვყავს ყურძენი, მეტი სიცხადისთვის ერთ მარტივ მაგალითს გეტყვით: აქ ჩვენთან, კონკრეტულად ჩვენს ვენახში ბუფერული ზონაა და აქ ახლომახლო სხვა ვაზი არაა, რომ დავუშვათ იმის შეწამლული მოხვდეს ჩვენს ნაყოფთან და ასე შემდეგ. ამიტომაც ჩვენი უახლოესი და პრიორიტეტული გეგმაა რომ ჩავერთოთ და მივიღოთ სერტიფიკატი.
რადგან გეგმები ვახსენეთ, ასევე გეტყვით რომ ჩვენი კუთხის უნიკალური ვაზის ჯიშის „წირქვალის თეთრის“ გაშენება და მომრავლებაც გვაქვს გეგმაში. გვქონდა მცდელობაც, მიწაც მოვამზადეთ, მაგრამ სამწუხაროდ მოხდა გაუთვალისწინებელი შემთხვევა დამყნობის ნაწილში და შემდეგი წლისთვის გადაიდო ვენახის გაფართოება, როდესაც ახალ ნერგებს ჩავყრით.
ჩვენი პატარა გამოცდილებიდან გამომდინარე შეგვიძლია ვთქვათ რომ წინააღმდეგობების მიუხედავად დიდი შრომის და თავდადების შედეგად მიზანი აუცილებლად მიღწევადია და ჩვენი მიზანიც ჩვენი ბიო ორგანულად სუფთა ღვინის გატანაა დასავლეთის ბაზარზე, რადგან ბიო პროდუქციის მიმართ მოთხოვნა დღითიდღე იზრდება.
ვიდრე ბრენდირების და შეფუთვის პროცესი არ გვაქვს დასრულებული, ახალი საქმიანი კონტაქტებისთვის და ახალი თანამშრომლობებისთვის მზად ვართ და ჯერჯერობით საკონტაქტოდ მხოლოდ მეილის და ტელეფონის საშუალებით ვართ ხელმისაწვდომები, თუმცა უახლოეს მომავალში დაგვემატება როგორც ვებ საიტი ასევე სხვა საკომუნიკაციო არხები.
---
ევროკავშირის, შვედეთის და ავსტრიის მხარდაჭერით საქართველოს მაღალმთიან რეგიონში, მცირე და საშუალო მეწარმეები, რომლებმაც მიიღეს მნიშვნელოვანი მხარდაჭერა ბიზნესის განვითარებისთვის, ჯამში 68 მეწარმეს ითვლის.
თვალი ადევნეთ წარმატების შემდეგ ისტორიებს, სადაც საოცრად საინტერესო ხალხი გვიამბობს საკუთარ გამოცდილებებზე.
პროექტი GRETA | „მწვანე ეკონომიკა: მდგრადი სამთო ტურიზმი და ორგანული სოფლის მეურნეობა“ ევროკავშირის, ავსტრიისა და შვედეთის მხარდაჭერით, საქართველოში ავსტრიის განვითარების სააგენტო ახორციელებს. პროექტი მიზნად ისახავს ბიზნეს-გარემოს გაუმჯობესების ხელშეწყობას და დამატებითი შემოსავლის შექმნის შესაძლებლობის გაზრდას საქართველოს ეკონომიკის ორ ისეთ მნიშვნელოვან სექტორში, როგორიცაა სამთო ტურიზმი და ორგანული სოფლის მეურნეობა.
ეს მასალა მომზადებულია ევროკავშირის, შვედეთის და ავსტრიის თანადაფინანსებით, პროექტ GRETA-ს ფარგლებში. მის შინაარსზე სრულად პასუხისმგებელია ავსტრიის განვითარების სააგენტო/პროექტი GRETA და შესაძლოა, რომ იგი არ გამოხატავდეს ევროკავშირის, შვედეთის და ავსტრიის შეხედულებებს.
#68წარმატებისისტორია
#ევროკავშირი #შვედეთი #ავსტრია
#პროექტიGRETA #მთისეკონომიკისგანვითარებისთვის