გამარჯობა,
მე გახლავართ ნაზიბროლა ბაბუნაშვილი, ლეჩხუმიდან, ცაგერის რაიონის სოფელ წიფერჩიდან. პროფესიით პედაგოგი ვარ, ვასწავლი ცაგერის გიმნაზიაში და ასევე ვმუშაობ სოფლის მეურნეობაში, კერძოდ ვაწარმოებ ვაშლის ძმარს, „ხილი პირველი“ -ასე ქვია ჩვენს პროდუქტს. დღესდღეობით რომ ბრენდირება გვაქვს და შეფუთვა, ამაში ევროკავშირის, შვედეთის და ავსტრიის მხარდაჭერით პროექტ GRETA-ს ფარგლებში მიღებულ დახმარებას დიდი წვლილი მიუძღვის.
პროექტის შესახებ ინტერნეტის მეშვეობით შევიტყვე, მეგობარმა გამომიგზავნა ბმული და ზოგადი ინფორმაციაც მომაწოდა რომ მაღალმთიან რეგიონებზეც ვრცელდება ეს პროგრამა. გავეცანით, დავინტერესდით და გადავწყვიტეთ მონაწილეობაც მიგვეღო, რამაც შეიძლება ითქვას გარდამტეხი როლი ითამაშა ჩვენს სამეწარმეო საქმიანობაში.
GRETA-ს დახმარებით შევიძინეთ უჟანგავი ავზები ძმრის შესანახად, შევიძინეთ ჩამოსასხმელი აპარატი, რომელიც ერთ დონეზე აყენებს ბოთლში ძმარს, შევიძინეთ ჩაჩის აპარატი, ასევე ძრავი რომელიც მასალის დიდი რაოდენობის გადატანაში გვეხმარება, ძმრის გადატანას ვგულისხმობ. უფრო დეტალურად რომ ავხსნა გაგვიადვილდა სამუშაო პროცესი და ხელით მუშაობა აღარ გვიწევს მაგალითად თუნდაც ეტიკეტის დაკვრის ნაწილში.
ასევე მნიშვენლოვანი იყო ჩატარებული ტრენინგები, რომელზე მიღებულ ცოდნას წარმატებით ვიყენებთ პრაქტიკაში და რაც ყველაზე მნიშვენელოვანია ეს იყო მარტკეტინგული კუთხით გაწეული დამხარება, გადაგვიღეს ვიდეო რგოლები, გაგვიკეთეს ლოგოს დიზაინი, თვითონ ეტიკეტი, რამაც სრულყოფილი გახადა ჩვენი პროდუქცია, მიუხედავად იმისა რომ ეტიკეტი მანამდეც გქვონდა. თუმცა ვიტყვი რომ გრეტას დახმარებით გაკეთებულმა დახვეწილმა დიზაინმა წარმატებით იმუშავა გაყიდვებზე და შემიძლია თამამად გავაცხადო რომ 5 ჯერ გაიზარდა პროდუქციის რეალიზაცია.
მიღებულმა დახმარებამ გაამარტივა სამუშაო პროცესი, ხელით მუშაობა ჩაანაცვალა დანადგარებმა და გააჩინა პერსპექტივა კიდევ სხვა სამეწარმეო იდეების განხორციელების და ერთ-ერთი ასეთია ბიო ვაშლის ჯემი, რომელსაც უახლოეს მომავალში გამოვუშვებთ. მიუხედავად ბევრი წინააღმდეგობისა, ჩვენ შევძელით და წარმატების მაგალითი შევქმენით და გვინდა ჩვენმა პროდუქციამ უცხოეთის ბაზარზეც შეაბიჯოს. ამიტომ სხვებსაც ვურჩევთ რომ დაბრკოლებებს არ შეუშინდნენ, ბოლომდე იბრძოლონ მიზნის მისაღწევად და წინააღმდეგობას როგორც გამოცდილებას ისე შეხედონ.
ჩვენი მეწარმეობა მზარდია და ამიტომაც გაფართოების და განბვითარების მხრივ მზად ვართ ახალი საქმიანი კავშირებისთვის და ახალ პორექტებში მონაწილეობის მისაღებად. ჩვენ ღია ვართ საკომუნიკაციოდ ჯერჯერობით მხიოლოდ ელ ფოსტის და ტელეფონის საშუალებით.
---
ევროკავშირის, შვედეთის და ავსტრიის მხარდაჭერით საქართველოს მაღალმთიან რეგიონში, მცირე და საშუალო მეწარმეები, რომლებმაც მიიღეს მნიშვნელოვანი მხარდაჭერა ბიზნესის განვითარებისთვის, ჯამში 68 მეწარმეს ითვლის.
თვალი ადევნეთ წარმატების შემდეგ ისტორიებს, სადაც საოცრად საინტერესო ხალხი გვიამბობს საკუთარ გამოცდილებებზე.
პროექტი GRETA | „მწვანე ეკონომიკა: მდგრადი სამთო ტურიზმი და ორგანული სოფლის მეურნეობა“ ევროკავშირის, ავსტრიისა და შვედეთის მხარდაჭერით, საქართველოში ავსტრიის განვითარების სააგენტო ახორციელებს. პროექტი მიზნად ისახავს ბიზნეს-გარემოს გაუმჯობესების ხელშეწყობას და დამატებითი შემოსავლის შექმნის შესაძლებლობის გაზრდას საქართველოს ეკონომიკის ორ ისეთ მნიშვნელოვან სექტორში, როგორიცაა სამთო ტურიზმი და ორგანული სოფლის მეურნეობა.
ეს მასალა მომზადებულია ევროკავშირის, შვედეთის და ავსტრიის თანადაფინანსებით, პროექტ GRETA-ს ფარგლებში. მის შინაარსზე სრულად პასუხისმგებელია ავსტრიის განვითარების სააგენტო/პროექტი GRETA და შესაძლოა, რომ იგი არ გამოხატავდეს ევროკავშირის, შვედეთის და ავსტრიის შეხედულებებს.
#68წარმატებისისტორია
#ევროკავშირი #შვედეთი #ავსტრია
#პროექტიGRETA #მთისეკონომიკისგანვითარებისთვის