გამარჯობა,
მე მირზა დევიძე ვარ, ჭიათურის რაიონის სოფელ პერევისადან, პროფესიით იურისტი, ამჟამად მეღვინეობაში გახლავართ ჩართული, მცირე საოჯახო მარანში ვაწარმოებთ მთის ღვინოს. “PEREVISA WINERY” ასე ქვია ჩვენს საოჯახო მეღვინეობას. სახელი მართლაც რომ კარგად ჟღერს დამეთანხმებით და ამაში ევროკავშირის, შვედეთის და ავსტრიის დაფინანსებით მნხარდაჭერილ პროექტ GRETA-ს მიუძღვის გარდამტეხი წვლილი.
მოდით დასაწყისიდან მოვყვეთ თუ როგორ მოხდა აღნიშნულ პროექტში ჩემი ჩართვა; 2020 წელს შევიტყვე ინტერნეტის საშუალებით, პანდემიის დროს და თუ არ ვცდები გრეტას მიერ იყო გამოცხადებული საგრანტო კონკურსი რომელიც აფინანსებდა მცირე საოჯახო მარნებს და მოიცავდა მაღალმთიან რეგიონებს. ასეთ საინტერესო წამოწყებაზე უარს ვერ ვიტყოდი და საინფორმაციო მოსამზადებელი შეხვედრების შემდეგ დავწერე პროექტი და გავხდი კიდეც ბენეფიციარი.
საგრანტო კონკურსში გამარჯვების შემდეგ მივიღეთ ღვინის წარმოების და ჩამოსხმის საშუალებები: ყურძნის საწნეხი (იგივე საწური), ლითონის უჟანგავი ავზი, ეტიკეტის დასაკრავი დანადგარი, ჩაჩის გასაკეთებლი დანადგარი, ასევე ბოთლის დასალაგებელი თაროები. ამ ყველაფერმა კი გააჩინა უკვე ღვინის წარმოების მყარი საფუძველი. მანამდე თუ ღვინოს მხოლოდ ოჯახში მოხმარების მიზნის ვწურავდით, ახლა უკვე შეგვიძლია უჟანგავ ავზში შევინახოთ და ჩამოვასხათ. ფაქტიურად აღარ გვიწევს ეგრევე გაყიდვა, რამაც განაპირობა წარმოების დაწყება და გეტყვით რომ პროექტის ფარგლებში გაწეული დახმარების შედეგად ყოველწლიურად შეგვიძლია 500 ბოთლი ჩამოვასხათ.
ასევე მნიშვენლოვანი იყო გრეტას დახმარება ბიოსერტიფიცირების ნაწილშიც, ამ პროცესის ერთი წლის ხარჯი დაგვიფარეს და წელს ველოდებით ბიოსერტიფიცირებას. აქვე უნდა ვახსენო ბრენდინგის კუთხით გაწეული დახმარება, რომლის დროს დაგვიმზადეს ეტიკეტის დიზაინი.
GRETA-ს ფარგლებში გავაკეთეთ სასიამოვნო სიახლე რეგიონში, 150 ძირი ძელშავის ჯიშის ვაზით გავამდიდრე ვენახი და სხვათაშორის ამ ყველაფერში ისევ და ისევ გრეტას მიერ დაორგანიზებულ ტრენინგებზე მიღებული ცოდნა დამეხმარა პრაქტიკული საქმიანობის ამ ნაწილში.
გადავიდეთ მარკეტინგულ ნაწილზე, რომელიც ვთვლი რომ ამ პროექტთან თანამშრომლობის საუკეთესო გამოცდილებაა. წელს მონაწილოება მივიღე ლონდონის ღვინის საერთაშორისო გამოფენაზე, რომელიც იყო დიდი შესაძლებლობა და დიდი გამოცდილება ჩვენნაირი მცირე მეწარმეებისთვის და რომელმაც შეიძლება ითქვას დასავლური ბაზრის ათვისების მოკრძალებული კონტურები გამოაჩინა.
ამ ყველაფერმა უკვე განაპირობა უახლოეს გეგმებზე თამამად საუბარი, ვენახის ბიო მიმართულებით დაჩქარებული ტრანსფორმაცია ანუ ბიოსერტიფიცირება, წარმოების გაზრდა და უკვე შესაძლებელი იქნება შემდეგ წელს 500 ბოთლიდან 700 ბოთლის ჩამოსხმაზე გადასვლა, აგრეთვე ხარისხის შეანრჩუნება და უცხოეთის ბაზრის ათვისება. სწორედ აქედან გამომდინარე მინდა ვთქვა რომ არასდროს უარი არ ვთქვათ საკუთარი იდეების განხორციელებაზე და დიდი შრომის შედეგად მიზანი აუცილებლად მიიღწევა.
ახალი გამოწვევებისა და საინტერესო იდეების განხორციელებაში თანამშრომლობისთვის მზად ვართ და საკონტაქტოდ ჯერჯერობით ელექტრონული ფოსტის და ტელეფონის მეშვეობით ვართ ხელმისაწვდომები.
---
ევროკავშირის, შვედეთის და ავსტრიის მხარდაჭერით საქართველოს მაღალმთიან რეგიონში, მცირე და საშუალო მეწარმეები, რომლებმაც მიიღეს მნიშვნელოვანი მხარდაჭერა ბიზნესის განვითარებისთვის, ჯამში 68 მეწარმეს ითვლის.
თვალი ადევნეთ წარმატების შემდეგ ისტორიებს, სადაც საოცრად საინტერესო ხალხი გვიამბობს საკუთარ გამოცდილებებზე.
პროექტი GRETA | „მწვანე ეკონომიკა: მდგრადი სამთო ტურიზმი და ორგანული სოფლის მეურნეობა“ ევროკავშირის, ავსტრიისა და შვედეთის მხარდაჭერით, საქართველოში ავსტრიის განვითარების სააგენტო ახორციელებს. პროექტი მიზნად ისახავს ბიზნეს-გარემოს გაუმჯობესების ხელშეწყობას და დამატებითი შემოსავლის შექმნის შესაძლებლობის გაზრდას საქართველოს ეკონომიკის ორ ისეთ მნიშვნელოვან სექტორში, როგორიცაა სამთო ტურიზმი და ორგანული სოფლის მეურნეობა.
ეს მასალა მომზადებულია ევროკავშირის, შვედეთის და ავსტრიის თანადაფინანსებით, პროექტ GRETA-ს ფარგლებში. მის შინაარსზე სრულად პასუხისმგებელია ავსტრიის განვითარების სააგენტო/პროექტი GRETA და შესაძლოა, რომ იგი არ გამოხატავდეს ევროკავშირის, შვედეთის და ავსტრიის შეხედულებებს.
#68წარმატებისისტორია
#ევროკავშირი #შვედეთი #ავსტრია
#პროექტიGRETA #მთისეკონომიკისგანვითარებისთვის