გამარჯობა,
მე ვარ ლაშა გაგოშიძე, ამბროლაურის მუნიციპალიტეტიდან, პროფესიით მეფუტკრე ვარ, რადგან მეფუტკრეობის სპეციალობა მაქვს დამთავრებული სახალხო უნივერსიტეტში, ისევე როგორც ენერგეტიკული და სამთო-გეოლოგიური სპეციალობები ორ სხვადასხვა უნივერსიტეტში. მიუხედავად ამისა არჩევანი მეფუტკრეობაზე შევაჩერე და ეს არის ჩემი ძირითადი საქმიანობა, რომელიც პროფესიულ სათავეს 2014 წლიდან იღებს, როდესაც კოოპერატივი დავაფუძნე თანამოაზრეებთან ერთად. დღესდღეობით ჩვენი საქმიანობა ქსელური პრინციპისაა და ამბროლაურის ირგვლივ რამდენიმე სოფელს მოიცავს, სადაც ეკოლოგიურად სუფთა გარემოში გვყავს ფუტკარი.
ჩვენი კოოპერატივი ვართ ერთ-ერთი პირველები, ვინც ეკოლოგიურად სუფთა და ყველა სტანდარტს მორგებული თაფლი ევროპაში გავიტანეთ. აქედან გამომდინარე დადგა საკითხი ბიო მიმართულების განვითარების. მართალია ბიო მოთხოვნა შრომატევადია, შედარებით ცოტა მოდის, მაგრამ ხარისხია მაღალი. ჩვენი რესურსებით დავიწყეთ ბიო წარმოებაზე გადასვლისთვის მომზადება და სწორედ ამ პროცესში გავიგეთ ევროკავშირის, შვედეთის და ავსტრიის მიერ განხორციელებული პროექტ GRETA-ს შესახებ, რომელიც ბიო წარმოების მიმართულებას აფინანსებდა. თუ სწორად მახსოვს სოციალური ქსელის მეშვეობით შევიტყვეთ, შემდეგ დამატებითი ინფორმაცია მოვიძიეთ უკვე უშუალოდ გრეტას საიტზე და გადავწყვიტეთ ამ შესაძლებლობის გამოყენება. რამდენიმე ეტაპის გავლის შემდეგ მოვხვდით პროექტში, რომელიც შეიძლება ითქვას გარდამტეხი მომენტი გამოდგა ბიო წარმოებაზე გადასვლის პროცესისთვის.
დონორების ფინანსური დახმარებით ჩვენ გადმოგვეცა ბიო მიმართულების სკები, რომლებიც დაცულია პარამეტრებით, რომ აქ რა თაფლიც იწარმოება, აუცილებლად იქნება ბიო. ეს მნიშვნელოვანი ნაბიჯი იყო ბიო წარმოებაზე გადასვლის პროცესში, რადგან ელემენტარულად სკა თუ არ გაქვს ხარისხიანი ბიო მიმართულებაზე საუბარიც კი ზედმეტია. ასევ მნშვნელოვანი იყო მიღებული მანქანა და ლაფეტი, რომელთა მეშევობითაც საფუტკრეების გადატანის ლოჯისტიკური ნაწილი დაგვილაგდა, რადგან როგორცვ ზემოთაც გითხარით ჩვენ რამდენიმე ლოკაციაზე გვაქვს საფუტკრეები და სულ გადასვლა-გადმოსვლის რეჟიმში ვართ.
რადგანაც ჩვენი საფუტკრეები ძირითადად ველურ ბუნებაში მდებარეობს, შესაბამისად დიდია ნადირისგან, კერძოდ დათვისგან თავდასხმის საშიშროებაც, რომლის პრევენციისთვის გადმოგვეცა ელექტრო ღობე და ფოტო ხაფანგი, რომელიც ნადირის გამოჩენისთანავე აპლიკაციაში ცხოველის ფოტოს გვიგზავნის და ასევე გამაფრთხილებელ ესემესს ტელეფონზე.
მნიშვნელოვანი იყო ჩატარებული ტრენინგები, როგორც ბიო ასევე მარკეტინგის მიმართულებით და მიღებულმა ინფორმაციამ ჩვენი საქმიანობა კიდევ უფრო ეფექტური და სარგებლიანი გახადა. ჩვენი კოოპერატივის გეგმებიც შორს არაა ამ იდეისგან, რომ რაც შეიძლება მეტ მეწარმეს გავუზიაროთ ჩვენი გამოცდილება და გავზარდოთ მეფუტკრეობის დონე საქართველოში. ამასთან დაკავშირებით გრანტიც მოვიგეთ ფერმერთა ასოციაციასთან ერთად და მალე 4 რეგიონში იმერეთში, გურიაში, ქართლსა და რაჭა-ლეჩხუმში, ჩავატარებთ აღრიცხვას, თუ როგორ აწარმოებენ პროდუქციას, რათა შემდეგ ჩვენი გამოცდილება გავუზიაროთ, თუ როგორ მივაღწიეთ ჩვენს წარმატებას და დავეხმაროთ თაფლის ექსპორტში.
სხვა გეგმებზე ცოტა მიჭირს საუბარი და ასევე წინასწარ პროგნოზირებაც, გამოგიტყდებით და დღემდე ვერ ვიჯერებ 100 კვადრატული მეტრის ფართობიდან, მაშინ როცა მეფუტკრეობა დავიწყე მყავდა 7 სკა ფუტკარი და ამდენი ფართობი მქონდა საქიანობისთვის, ამხელა მასშტაბებამდე თუ მივიდოდი.
საკუთარი გამოცდილებიდან ვიტყვი რომ მეწარმეებისთვის განათლების მიღება არის მნიშვნელოვანი, ასევე ინფორმაციის მოგროვება და საქმის დაწყებამდე მისი კარგად შესწავლა. ამ ყველაფერ თუ დავუმატებთ მონდომებას და შრომას წარმატებაც აუცილებლად იქნება. მომავალი წარმატებული ნაბიჯებისა და საქმიანი ურთიერთობებისთვის მზად ვარ სათანამშრომლოდ და ხელმისაწვდომი ვარ ელ-ფოსტის და ტელეფონის მეშვეობით.
---
ევროკავშირის, შვედეთის და ავსტრიის მხარდაჭერით საქართველოს მაღალმთიან რეგიონში, მცირე და საშუალო მეწარმეები, რომლებმაც მიიღეს მნიშვნელოვანი მხარდაჭერა ბიზნესის განვითარებისთვის, ჯამში 68 მეწარმეს ითვლის.
თვალი ადევნეთ წარმატების შემდეგ ისტორიებს, სადაც საოცრად საინტერესო ხალხი გვიამბობს საკუთარ გამოცდილებებზე.
პროექტი GRETA | „მწვანე ეკონომიკა: მდგრადი სამთო ტურიზმი და ორგანული სოფლის მეურნეობა“ ევროკავშირის, ავსტრიისა და შვედეთის მხარდაჭერით, საქართველოში ავსტრიის განვითარების სააგენტო ახორციელებს. პროექტი მიზნად ისახავს ბიზნეს-გარემოს გაუმჯობესების ხელშეწყობას და დამატებითი შემოსავლის შექმნის შესაძლებლობის გაზრდას საქართველოს ეკონომიკის ორ ისეთ მნიშვნელოვან სექტორში, როგორიცაა სამთო ტურიზმი და ორგანული სოფლის მეურნეობა.
ეს მასალა მომზადებულია ევროკავშირის, შვედეთის და ავსტრიის თანადაფინანსებით, პროექტ GRETA-ს ფარგლებში. მის შინაარსზე სრულად პასუხისმგებელია ავსტრიის განვითარების სააგენტო/პროექტი GRETA და შესაძლოა, რომ იგი არ გამოხატავდეს ევროკავშირის, შვედეთის და ავსტრიის შეხედულებებს.
#68წარმატებისისტორია
#ევროკავშირი #შვედეთი #ავსტრია
#პროექტიGRETA #მთისეკონომიკისგანვითარებისთვის