გამარჯობა,

მე ვარ ლადო ქუთათელაძე, პროფესიით მეზღვაური, საქართველოს ზღაპრული კუთხე რაჭიდან, სადაც მეუღლესთან ერთად ვმართავ ჩვენს ახალ ფეხადგმულ წამოწყებას-„ჯვარისა გლემფინგი“. იდეა დიდი ხნის წინ გაგვიჩნდა მე და ხატიას, (ხატია სვანაძე ჩემი მეუღლე და თანაავტორია), რომ გვქონოდა ისეთი ადგილი სადაც ჩვენ როგორი დასვენებაც მოგვწონდა ისეთი დასვენება და სივრცე შეგვეტავაზებინა სტუმრებისთვის და ორივეს აზრით ასეთი იყო გლემფინგი, რომელიც ძალიან ცოტა იყო რაჭაში. გადავწყვიტეთ ადგილზე დაგვეთვალიერებინა და ინსპირაციაში დაგვხმარებოდა, მაგრამ ვერ შევძელით, რადგან  რაც ვნახეთ არ მოგვეწონა, რაც მოგვეწონა ფასები არ მოგვეწონა და ამიტომ გადავწყვიტეთ ჩვენ როგორიც წარმოგვედგინა ისეთი სივრცე მოგვეწყო და  ჯვარისაში, ჩემს მამაპაპისეულ მიწაზე გადავწყვიტეთ გაკეთება.

ჩვენი წამოწყება გარკვეულწილად რისკებს შეიცავდა, მართალია ადგილი და ხედი კარგი იყო, მაგრამ მთელ სეზონზე მუშაობის გათვლა ნამდვილად რისკი იყო, თუმცა გაამართლა. ასეთ დროს გამოჩნდა ევროკავშირის, შვედეთის და ავსტრიის ხელშეწყობით დაფინანსებული პროექტი GRETA, რომელიც საქმიანობის საწყის ეტაპზე ნამდვილად დიდი შესაძლებლობა იყო. ვინაიდან პირველი გელმფინგი წარმატებით დაისტარტა და მოთხოვნა დიდი იყო, ამან გამოიწვია მეორე გლემფინგის გაკეთების საჭიროება, რომელიც უკვე სრულად გრეტა პროექტმა დაგვიფინანსა.

მოხდა გლემფინგის შეძენა, პროექტის პირობების მიხედვით ადგილზე აშენებას არ აფინანსებდნენ და ამიტომ აშენებული მოვიტანეთ და ზომებში შეზღუდვის გამო ცოტათი პატარა ზომის გავაკეთეთ და მოვარგეთ გრეტას პირობებს. მთლიანად აღვჭურვეთ ავეჯით, გავაკეთეთ სველი წერტილები, გათბობა-გაგრილების სისტემა, ასევე საჭირო ყველა საოჯახო ტექნიკა, მოკლედ სრულად დავფინანსდით დონორების ხელშეწყობით.

რომ შეავაფასოთ ამ დახმარებამ მდგრადობა შესძინა  ჩვენს ბიზნესს, თვითონ სოფელში დაინტერესება გამოიწვია რადგან ადგილობრივი ნატურალური პროდუქტებზე გაჩნდა მოხოვნა ჩვენს სტუმრების მხრიდან, თვითონ ჩვენც მეტი მოტივაცია გაგვიჩნდა რომ რაჭაში ვიყოთ, ჯვარისა გავხადეთ ცნობილი და რაც მთავარია წელიწადის ყველა დროს შეგვიძლია სტუმრების მიღება, რაც რაჭის მაგალითზე საკმაოდ რთულად წარმოსადგენი და როგორც გითხარით საკმაოდ რისკიანი გადაწყვეტილება იყო.

ჩვენმა ამ მცირე წარმატებამ და  გამოცდილებამ სტუმარ-მასპინძლობის სფეროში ერთი რამ გვაჩვენა, რაც ვფიქრობთ ძალიან მნიშვნელოვანია. ეს არის უშუალო ჩართულობა პირველადი კომუნიკაციის დროს,  ყველას ვურჩევთ რომ თვითონვე იყვნენ ჩართულები, თვითონ მიიღონ ჯავშნები, რადგან მნიშვნელოვანია როგორ უხსნი და როგორ აწვდი სტუმარს ინფორმაციას და შენს საქმეს შენზე გულით ვერავინ გააკეთებს.

გეგმებში კიდევ უფრო მეტად გაფართოვება გვაქვს, გვინდა რამდენიმე გლემფი დავამატოთ, ამიტომ კვლაც ვაგრძელებთ საინტერესო პროექტების მოძიებას როგორიც GRETA იყო და შესაბამისად მზად ვართ ახალი გამოწვევებისა და ახალი თანამშრომლობებისთვის. დაინტერესების შემთხვევაში ჩვენთან დაკონტაქტება შესაძლებელია ელ-ფოსტის და ყველა პლატფორმის მეშვეობით, ასევე ფბ გვერდის საშუალებითაც. 

---

ევროკავშირის, შვედეთის და ავსტრიის მხარდაჭერით საქართველოს მაღალმთიან რეგიონში, მცირე და საშუალო მეწარმეები, რომლებმაც მიიღეს მნიშვნელოვანი მხარდაჭერა ბიზნესის განვითარებისთვის, ჯამში 68 მეწარმეს ითვლის.

თვალი ადევნეთ წარმატების შემდეგ ისტორიებს, სადაც საოცრად საინტერესო ხალხი გვიამბობს საკუთარ გამოცდილებებზე.

პროექტი GRETA | „მწვანე ეკონომიკა: მდგრადი სამთო ტურიზმი და ორგანული სოფლის მეურნეობა“ ევროკავშირის, ავსტრიისა და შვედეთის მხარდაჭერით, საქართველოში ავსტრიის განვითარების სააგენტო ახორციელებს. პროექტი მიზნად ისახავს ბიზნეს-გარემოს გაუმჯობესების ხელშეწყობას და დამატებითი შემოსავლის შექმნის შესაძლებლობის გაზრდას საქართველოს ეკონომიკის ორ ისეთ მნიშვნელოვან სექტორში, როგორიცაა სამთო ტურიზმი და ორგანული სოფლის მეურნეობა.

ეს მასალა მომზადებულია ევროკავშირის, შვედეთის და ავსტრიის თანადაფინანსებით, პროექტ GRETA-ს ფარგლებში. მის შინაარსზე სრულად პასუხისმგებელია ავსტრიის განვითარების სააგენტო/პროექტი GRETA და შესაძლოა, რომ იგი არ გამოხატავდეს ევროკავშირის, შვედეთის და ავსტრიის შეხედულებებს. 

 #68წარმატებისისტორია

#ევროკავშირი #შვედეთი #ავსტრია

#პროექტიGRETA #მთისეკონომიკისგანვითარებისთვის