გამარჯობა,
მე კახა გიორბელიძე ვარ ლეჩხუმიდან, სოფელ ოყურეშიდან, რომელიც თუ არ გსმენიათ, გეტყვით რომ მევენახეობით გამორჩეული ადგილია და ჩვენც არ ვარღვევთ ტრადიციას და ლეჩხუმური უნიკალური ჯიშის ყურძენი უსახელაური მოგვყავს. ჩვენი საქმიანობის ერთ-ერთი გარდამტეხი მომენტი ევროკავშირის, შვედეთის და ავტრიის მხარდაჭერით პროექტ GRETA-ს ფარგლებში მიღებული დამხარება იყო რომელზეც სიამოვნებით მოგიყვებით.
პროექტის შესახებ 2019 წელს შევიტყვეთ ადგილობრივი საკონსულტაციო ცენტრის მეშვეობით, ასევე იყო შეხვედრაც იყო ცაგერის რაიონში და ასევე მანადმე დარიგდა საინფორმაციო ბუკლეტები. მიღებულმა ინფორმაციის შედეგად გადავწყვიტეთ მონაწილეობა მიგვეღო და ჩავერთეთ პროექტში. თუმცა პანდემიამ შეგვაფერხა და 2021 წელს მივიღეთ დამხარება.
მოგეხსენებათ ჩვენს რეგიონში ყველაზე რთული მიწის კულტივაცია და პირველადი დამუშავებაა, შესაბამისად ჩვენი მოთხოვნაც აქედან გამომდინარეობდა, GRETA-მ სრულად დაგვიფინანსა მოთხოვნა და მივიღეთ ტრაქტორი თავისი აგრეგატებით, კულტივატორით და სენსორული დანადგარით. რადგან ჩვენ 15 ჰა ტერიტორიაზე გვაქვს ვენახი ეს ფასდაუდებელი კომპონენტი იყო.
ამ დახმარებამ მოაგვარა შეწამვლის ნაწილიც, ჩვენი ვენახის ერთჯერად შეწამვლაზე საჭიროა 10-12 ტონა წყალი, წარმოიდგინეთ ხელით მუშაობის შემთხვევაში რა რთული ამოცანაა. ტექნიკის გარეშე ფაქტიურად შეუძლებელი იქნებოდა მზის ფაზებში ჩატევა, რომლის მიხედვითაც წარიმართება მთელი ჩვენი სამუშაო პროცესი, ხოლო ტრაქტორის და სპეციალური აგრეგატის საშუალებით 1-2 დღეშია შესაძლებელი.
გადავიდეთ მოსავალზე, აქ ამ ვენახში დარგულია 35 ათასი ძირი ვაზი და გათვლილია 100-120 ათას ტონა ყურძენზე, წელს მესამე წელია და უკვე ველოდებით მოსავალს და ამ შემთხვევაშიც ძალიან რთული იქნებოდა მოსავლის ხელით გამოტანა.
რაც შეეხება სხვა დახმარებებს, აუცილებლად უნდა ვახსენო მარკეტინგის კუთხით გაწეული დახმარება, მათ შორის საერთაშორისო გამოფენები, რომელზეც სულ ახლახანს იყო ჩვენი კოოპერატივის თავმჯდომარე პაატა შარაშენიძე. ლონდონის ამ პრესტიჟულ ფეტსივალზე მონაწილეობის მიღება ჩვენნაირი მცირე მეწარმეებისთვის უდიდესი შესაძლებლობაა ცნობადობის ამაღლების და დასავლურ ბაზარზე ჩვენი პროდუქტის რეალიზაციის მხრივ და კიდევ ერთხელ მადლობა გრეტას.
აუცილებალდ უნდა შევეხოთ ბიო მიმართულებასაც, რომლის გარშემოც ჩაგვიტარდა საინტერესო ტრენინგები და მნიშვნელოვანი ინფორმაცია მივიღეთ. ასევე გეტყვით რომ ჩვენ უკვე ერთი წელია რაც ბიო მევენახოებაზე შეტანილი გავქვს მოთხოვნა და ჩვენი ვენახები იმყოფება მეთვალყურეობის ქვეშ. მოუთმენლად ველოდებით ბიოსერტიფიცირებას, რომელიც 2 წლის შემდეგ გვექნბა და რომლის პროცესის წლიური თანხა ასევე GRETA-მ დაგვიფინანსა.
დასასრულს ჩვენს გეგმებზეც გეტყვით, მევენახეობასთან ერთად გვინდა მეღვინეობაც განვავითაროთ და საკუთარი ღვინის საწარმო გვქონდეს, ბრენდირებით და შეფუთვით, აქამდე „გიორბელიძის მარანი“ იყო ჩვენი ბრენდი მაგრამ ახლა უკვე „ოყურეშული“-ის ბრენდის ქვეშ გვინდა გავაერთიანოთ ჩვენი წარმოება.
თავს უფლებას მივცემთ და მოკრძალებულ რჩევასაც გაგიზიარებთ, წარმატების მისაღწევად აუცილებელია რომ დაიწყოთ კეთება, მთავარია დაიწყოთ და გზადაგზა აუცილებლად გამოჩნდება მხარდამჭერი პროექტები, ისეთი როგორიც გრეტაა და აუცილებლად მოვა შედეგიც.
ახალ პროექტებტან სათანამშრომლოდ მზად ვართ და დაინტერესების შემთხვევაში ხელმისაწვდომები ვართ ელ-ფოსტი და ტელეფონის საშუალებით.
---
ევროკავშირის, შვედეთის და ავსტრიის მხარდაჭერით საქართველოს მაღალმთიან რეგიონში, მცირე და საშუალო მეწარმეები, რომლებმაც მიიღეს მნიშვნელოვანი მხარდაჭერა ბიზნესის განვითარებისთვის, ჯამში 68 მეწარმეს ითვლის.
თვალი ადევნეთ წარმატების შემდეგ ისტორიებს, სადაც საოცრად საინტერესო ხალხი გვიამბობს საკუთარ გამოცდილებებზე.
პროექტი GRETA | „მწვანე ეკონომიკა: მდგრადი სამთო ტურიზმი და ორგანული სოფლის მეურნეობა“ ევროკავშირის, ავსტრიისა და შვედეთის მხარდაჭერით, საქართველოში ავსტრიის განვითარების სააგენტო ახორციელებს. პროექტი მიზნად ისახავს ბიზნეს-გარემოს გაუმჯობესების ხელშეწყობას და დამატებითი შემოსავლის შექმნის შესაძლებლობის გაზრდას საქართველოს ეკონომიკის ორ ისეთ მნიშვნელოვან სექტორში, როგორიცაა სამთო ტურიზმი და ორგანული სოფლის მეურნეობა.
ეს მასალა მომზადებულია ევროკავშირის, შვედეთის და ავსტრიის თანადაფინანსებით, პროექტ GRETA-ს ფარგლებში. მის შინაარსზე სრულად პასუხისმგებელია ავსტრიის განვითარების სააგენტო/პროექტი GRETA და შესაძლოა, რომ იგი არ გამოხატავდეს ევროკავშირის, შვედეთის და ავსტრიის შეხედულებებს.
#68წარმატებისისტორია
#ევროკავშირი #შვედეთი #ავსტრია
#პროექტიGRETA #მთისეკონომიკისგანვითარებისთვის