გამარჯობა,

მე ვარ იმედა ონიანი, ლენტეხის რაიონის სოფელ მელედან, პროფესიით იურისტი, დღევანდელი საქმიანობა არის სოფლის მეურნეობა და ტურიზმი. უფრო კონკრეტულად რომ გითხრათ მომყავს ეკოლოგიურად სუფთა, ბიო კარტოფილი. მოგიყვებით იმ მხარდაჭერის შესახებ რომელიც პროექტ GRETA-ს ფარგლებში მივიღე და ვფიქრობ ჩემი ისტორია მცირე სტიმულის მიმცემი იქნება სხვა მეწარმეებისთვის, რომლებსაც ვურჩევდი მოიძიონ და ჩაერთონ მსგავს პროექტებში.

რჩევა ვახსენე და მეც სწორედ მეგობრის რჩევის შედეგად ჩავერთე საგრანტო პორგრამაში, რომელიც ჩვენს რეგიონს ფარავდა და აუცილებელი მოთხოვნა ქონდა ბიო პროდუქციის წარმოება. მე მანამდე ისედაც ეკოლოგოიურად სუფთა მოსავალი მომყავდა, მართალია შედარებით ცოტა რაოდენობით მაგრამ ბიო კარტოფილი. მოკლედ რომ ვთქვა, ზუსტად საჩემო პროექტი იყო და სიხარულით გავაკეთე განაცხადი. აქვე იმასაც გეტყვით რომ ჩემი ჩანაფიქრის ასრულების რეალური შანსი მომეცა რომ მყოლოდა ტრაქტორი და უფრო მეტი მიწა დამემუშავებინა.

ევროკავშირის, შვედეთის და ავსტრიის დაფინანსებით გადმომეცა ჩემს მიერ მოთხოვნილი ტექნიკა, ანუ ტრაქტორი, ასევე სხვა აგრეგატები, გუთანი, მიწის გამაფხვიერებელი და კარტოფილის სათესი რომელიც გუთანზე დგება. ამ ყვეკლაფერმა საგრძნობლად გამიადვილა საქმიანობა, თან თუ გავითვალისწინებთ იმასაც რომ ხარებით მიწის დამუშავებას და ტექნიკით მუშაობას შორის მართლაც დიდი სხვაიობაა. ეს სხვაობა ციფრბშიც აისახა და თამამად ვიტყვი რომ წლევანდელი მონაცემებით 5-ჯერ გაიზარდა მოსავლიანობა.

უნდა ვახსენო აგრეთვე დიდი მხარდაჭერა სხვადასხვა ტრენინგების კუთხით, მათ შორის იყო თვითონ კარტოფილის მოყვანის ტექნოლოგიები, რომლებიც დღემდე მადგება ყოველდღიურ საქმიანობაში.  ასევე მარკეტინგის მიმართულებით და გაყიდვების მიმართულებით ჩატარებულ ტრენინგებს გამოვყოფდი. ეგ კი არა საზღვარგარეთის ბაზრის მოძიებაშიც კი მოხდა დახმარება და საქმიანი კონტაქტების დამყარება, მაგარამ ჩვენ ვერ ვაწარმოებით იმ რაოდენობას რა მოთხოვნაც იყო.

რაც შეეხება ბიოს სერტიფიცირებას, კავკასსერტის და ელკანას პროგრამებში ვარ ჩართული და მათი ნიშანი ადგილობრივი ბაზარისთვის სრულიად საკმარისია. ისედაც ჩვენს მხარეში თითქმის ყველას ბიო კარტოფილი მოგვყავს, თავისთავად, ბუნებრივად მოგვყავს ყოველგვარი ვალდებულების გარეშე და არ ვიყენებთ ქიმიურ ნაერთებს. ჩვენთან მიწა კარგია, ჰაერი და წყალი კარგია და მაღალი ხარისხის მოსავალი მოდის და გულდასაწყვეტია რომ ამდენი მიწა სათიბადაა ქცეული და არ მუშავდება. მინდა მივმართო ვისაც შეუძლია ამობრუნდეს, დაიწყოს მიწის დამუშავება, ჩვენც დავეხმარებით და გრეტას მსგავსი პროექტებიც კიდევ იქნება და  ერთიანობით შედეგი აუცილებლად გვექნება.

ჩემი უახლოესი მიზნებიც სწორედ ახალი პროექტების მოძიება და წარმოების კიდევ უფრო გაფართოებაა. ამ ეტაპზე დიდი მოტივაციით ვაგრძელებ საქმეს, რაშიც გრეტას დიდი წვლილი მიუძღვის და ამდენხნიანი ნატვრის მერე უკვე მყავს ტრაქტორი რომლითაც ბევრად მარტივად ვაკეთებნ რთულ სამეწარმეო ამოცანებს. 

დასასრულს, როგორც მანამდეც გითხარით დიდი ინტერესით ვეძებ ახალ საგრანტო პროგრამებს და მზად ვარ სათანამშრომლოდ. ჯერჯერობით მხოლოდ ელ-ფოსტის და ტელეფონის მეშვეობით ვარ ხაზზე, თუმცა წლის ბოლოს სხვა საკომუნიკაციო საშუალებების დამატაბასაც ვგეგმავ.

---

ევროკავშირის, შვედეთის და ავსტრიის მხარდაჭერით საქართველოს მაღალმთიან რეგიონში, მცირე და საშუალო მეწარმეები, რომლებმაც მიიღეს მნიშვნელოვანი მხარდაჭერა ბიზნესის განვითარებისთვის, ჯამში 68 მეწარმეს ითვლის.

თვალი ადევნეთ წარმატების შემდეგ ისტორიებს, სადაც საოცრად საინტერესო ხალხი გვიამბობს საკუთარ გამოცდილებებზე.

პროექტი GRETA | „მწვანე ეკონომიკა: მდგრადი სამთო ტურიზმი და ორგანული სოფლის მეურნეობა“ ევროკავშირის, ავსტრიისა და შვედეთის მხარდაჭერით, საქართველოში ავსტრიის განვითარების სააგენტო ახორციელებს. პროექტი მიზნად ისახავს ბიზნეს-გარემოს გაუმჯობესების ხელშეწყობას და დამატებითი შემოსავლის შექმნის შესაძლებლობის გაზრდას საქართველოს ეკონომიკის ორ ისეთ მნიშვნელოვან სექტორში, როგორიცაა სამთო ტურიზმი და ორგანული სოფლის მეურნეობა.

ეს მასალა მომზადებულია ევროკავშირის, შვედეთის და ავსტრიის თანადაფინანსებით, პროექტ GRETA-ს ფარგლებში. მის შინაარსზე სრულად პასუხისმგებელია ავსტრიის განვითარების სააგენტო/პროექტი GRETA და შესაძლოა, რომ იგი არ გამოხატავდეს ევროკავშირის, შვედეთის და ავსტრიის შეხედულებებს. 

 #68წარმატებისისტორია

#ევროკავშირი #შვედეთი #ავსტრია

#პროექტიGRETA #მთისეკონომიკისგანვითარებისთვის