გამარჯობა,
მე თომა ფრუიძე ვარ, საქართველოს უალამაზესი კუთხე ლეჩხუმიდან, კერძოდ სოფელს ზოგიშიდან და უკვე 10 წელია სათავგადასავლო ტურიზმით, ჩემი საყვარელი საქმიანობით ვარ დაკავებული. თავდაპირველად მარტო ჯომარდობას მივყვებოდი და ოცნება მქონდა საკუთარი ბანაკი მქონოდა, სადაც ვუმასპინძლებდი ტურისტებს და შევთავაზებდი სხვადასხვა სათავგადასავლო ტურებს. თუ მოინდომებ ზოგჯერ ოცნებებიც ხდებაო და ჩემს შემთხვევაშიც ასე მოხდა, როდესაც პროექტ GRETA-ს შესახებ შევიტყვე. მეგობარმა მითხრა რომ ჩვენს რეგიონში იწყებოდა ეს პროექტი და ბედი მეცადა. გამოცხადებულ პირობებს ვაკმაყოფილებდი და ბიზნეს გეგმის დაწერის შემდეგ გავიმარჯვე კიდეც.
მიღებულმა დაფინანსებამ მომცა მყარი საფუძველი გამეკეთებინა ჩემი ხორცშესხმული იდეა და შეიძლება ითქვას რომ ეს იყო მთავარი კომპონენტი რამაც განაპირობა ჩემი საქმიანობის წარმატების რელსებზე დაყენება. როგორც ზემოთ გითხარით ჩვენ ბანაკი არ გვქონდა, სამაგიეროდ მქონდა შეძენილი მიწა და ევროკავშირის, შვედეთის და ავსტრიის მხარდაჭერით პროექტ გრეტას ფარგლებში მიღებული დახმარებით ამ მიწაზე მოვახერხე ბანაკის მოწყობა.
დონორების დახმარების შედეგად შევიძინე კარვები და მათი სრული აღჭურვილობა, საყოფაცხოვრებო ტექნიკა, რაც ბანაკის ინსფრასტრუქტურის მოსაწყობად აუცილებელია და უმნიშვნელოვანესი იყო მზის პანელები, მზის წყლის გამათბობელი, რომელმაც ელემენტარული კომფორტი შეუქმნა ტურისტებს და უკვე ბანაკში ღამე დარჩენაც შესაძლებელი გახადა. ამ ყველაფერმა ერთოიორად გაზარდა ტურისტების რაოდენობა და შეიძლება ითქვას ჩემი დიდი ხნის ოცნება ამ მომენტიდან ახდა!
ბანაკის მოწყობამ და ელემენტარული პირობების შექმნამ გააჩინა მყარი საფუძველი სხვასხვა კომბინირებული ტურები შეგვეთავაზებინა სტუმრებისთვის. როგორც გითხარით თავდაპირველად მხოლოდ ჯომარდობა გვქონდა, ამოვდიოდით ქუთაისიდან საჯომარდოდ და შემდეგ უკან ვბრუდნებით ხოლმე. ახლა კი მოწყობილის ბანაკის პირობებში გაჩნდა შესაძლებობა ისეთი სათავაგადასავლო ტურები გვქონოდა როგორიცაა: კაიაკინგი, კანიონგი, ტრეკინგი, ჰაიკინგი, საცხენოსნო ტურები. ჩვენს რეგიონს ამ მხრივ დიდი პოტენციალი გააჩნია და კიდევ უფრო მეტი ტურისტისთვის გავხდით საინტერესოს.
ასევე იყო ჩატარებული ტრენინგები, კონკრეტულად მარკეტინგის მიმართულებით, სადაც საჭირო ცოდნის და გამოცდილების გაზიარება მოხდა და ერთი მნიშვნელოვანი გარემოება მინდა ვახსენო რაც ამ პრეოქტის დაწყებისას მოხდა და რამაც უდიდესი მოტივაცია შემძინა, ეს იყო უდიდესი პასუხისმგებლობა, პროექტში ჩართვიდან დაიწყო ეს შეგრძნება და დიდი როლი ითამაშა ჩემს წარმატებაში.
ახლა ორიოდე სიტყვას ჩემს მომავალ გეგმებზეც გეტყვით, მინდა აქ გამართული ეკომეგობრული ინფრასტრუქტრის მქონე ეკოტურისტული ცენტრი იყოს, გაზრდილი ტურისტების რაოდენობით და გაზრდილი სათავგადასავლო ტურებით. მათ შორის ვგეგმავთ კაიაკინგით დავიკავოთ ლაჯანას ხეობა, ამჟამად მხოლოდ რიონის ხეობა გვაქვს ათვისებული, ასევე გვინდა ალპინიზმის გაკეთება, ასევე კანიონგის განვითარებაც რადგან ჩვენთან უამრავი კასკადური ჩანჩქერია.
იმედია თავის არ შეაგწყინეთ და ჩემი პატარა ისტორია მცირედი მოტივაციის მომცემი აღმოჩნდება სხვა დამწყები მეწარმეებისთვის. საკუთარი გამოცდილებიდან კიდევ ერთ პატარა დეტალს ვიტყვი: მთავარია რომ ვცადოთ, აუცილებლად ვცადოთ, ცოტათი გარისკვაც შეიძლება და წარმატება მოვა, საქმეს რისკი სულ თან ახლავს და წარმატებაშიც თავისი წვლილი აქვს.
GRETA-სთან წარმატებული თანამშრომლობიდან გამომდინარე მზად ვარ ახალი საინტერესო და საქმიანი ურთიერთობებისთვის და დაინტერესების შემთხვევაში ღია ვარ საკომუნიკაციოდ ჯერჯერობით მხოლოდ ტელეფონის და ელ-ფოსტის მეშვეობით.
---
ევროკავშირის, შვედეთის და ავსტრიის მხარდაჭერით საქართველოს მაღალმთიან რეგიონში, მცირე და საშუალო მეწარმეები, რომლებმაც მიიღეს მნიშვნელოვანი მხარდაჭერა ბიზნესის განვითარებისთვის, ჯამში 68 მეწარმეს ითვლის.
თვალი ადევნეთ წარმატების შემდეგ ისტორიებს, სადაც საოცრად საინტერესო ხალხი გვიამბობს საკუთარ გამოცდილებებზე.
პროექტი GRETA | „მწვანე ეკონომიკა: მდგრადი სამთო ტურიზმი და ორგანული სოფლის მეურნეობა“ ევროკავშირის, ავსტრიისა და შვედეთის მხარდაჭერით, საქართველოში ავსტრიის განვითარების სააგენტო ახორციელებს. პროექტი მიზნად ისახავს ბიზნეს-გარემოს გაუმჯობესების ხელშეწყობას და დამატებითი შემოსავლის შექმნის შესაძლებლობის გაზრდას საქართველოს ეკონომიკის ორ ისეთ მნიშვნელოვან სექტორში, როგორიცაა სამთო ტურიზმი და ორგანული სოფლის მეურნეობა.
ეს მასალა მომზადებულია ევროკავშირის, შვედეთის და ავსტრიის თანადაფინანსებით, პროექტ GRETA-ს ფარგლებში. მის შინაარსზე სრულად პასუხისმგებელია ავსტრიის განვითარების სააგენტო/პროექტი GRETA და შესაძლოა, რომ იგი არ გამოხატავდეს ევროკავშირის, შვედეთის და ავსტრიის შეხედულებებს.
#68წარმატებისისტორია
#ევროკავშირი #შვედეთი #ავსტრია
#პროექტიGRETA #მთისეკონომიკისგანვითარებისთვის