სვანეთინიუსი 14.06.2024

„მეფუტკრეობას მინდა მეტი ყურადღება ექცეოდეს, თაფლის წარმოება უნდა მოვაძლიეროთ“-ვაჟა ონიანი, მეფუტკრე

20.10.2023 21:12

გამარჯობა,

მე ვარ ვაჟა ონიანი, პროფესიით ინჟინერ-მექანიკოსი, ლენტეხის ტრანსპორტის სამსახურის ხელმძღვანელად ვმუშაობ ამჟამად, თუმცა ასევე ვარ მეფუტკრეობით დაკავებული და ასევე ვმუშაობ ხეზე. ჩემი მცირეოდენი წარმატების ისტორია მეფუტკრეობას უკავშირდება რომელსაც 15 წელია დიდი სიყვარულით მოვყვები. საქმიანობის ერთ-ერთი გარდამტეხი ეტაპი იყო ევროკავშირის, შვედეთის და ავსტრიის დაფინანსებით მხარდაჭერილი პროექტი GRETA, რომლის შესახებაც თუ სწორად მახსოვს  ტელევიზიით გავიგე, შემდეგ იყო საინფორმაციო შეხვედრები, მოკლედ ამომწურავი ინფორმაციის მოგროვების შემდეგ უპირობოდ გადავწყვიტე პროექტის დაწერა და მონაწილოების მიღება. გამიმართლა, გავიმარჯვე და გავხდი კიდეც ბენეფიციარი. 

GRETA-ს ფარგლებში გაწეული დახმარების შედეგად მივიღე სადურგლო დანადგარები, რომლებმაც საშუალება მომცა დამემზადებინა ყველაფერი რაც მეფუტკრეობისთვის იყო საჭირო. კონკრეტულად ესენი იყო ხის ჩარჩოები, თვითონ სკები და სხვა ხის დეტალები. 20 სახების ხის საკეთებელი დანადგარი მივიღე, მათი მეშვეობით გამინახევრდა ხარჯები რადგან ყუთებს ჩარჩოებს და სკებს აღარ ვყიდულობ. 

აცილებლად  უნდა ვახსენო ციბრუტი-იგივე თაფლის გამოსახდელი, რომლიც ასევე მნიშვნელოვანია ჩვენს საქმიანობაში და გეტყვით რატომაც: მისი მეშვებოთ ვახდენთ ფიჭებიდან თაფლის ჩამოწურვას, შემდეგ ჩამოწურულ ფიჭას უკან ვაბრუნებთ სკაში და ეს ნიშნავს რომ ფუტკარს აღარ ჭირდება ფიჭის სულ თავიდან ამოშენება და ამაში დროის და ენერგიის დაკარგვა. ეს კი ნიშნავს გაორმაგებულ მოსავალს. 

გამოვიდა რომ გაგვიადვილდა შრომა დახმარების შედეგად, გაგვეზარდა თაფლის წარმოება 2-ჯერ, ასევე ხისგან დამზადებულ ნივთებს ოჯახში ვიყენებთ, აქ ყველაფერი ჩემი დამზადებულია ხისგან რაცაა, ასევე ვიტყვი რომ სკებს და ყუთებს იმდებს ვამზადებ რომ რეალიზაციასაც ვახერხებთ, შემოსული თანხით მაგალითად სხვადასხვა ლოკაციაზე განთავსებულ სკებთან მისასვლელ ლოჯისტიკურ ხარჯებს ვფარავთ.  

ტრენინგების ნაწილი მინდა ვახსენო, რომელზე მიღებული ცოდნა ძალიან დამეხმარა პრაქტიკაში და საერთო ჯამში რომ არა გრეტას ფარგლებში მიღებული დახმარება ეხლა განვითარების პერსპექტივაზე საერთოდაც ვერ ვილაპარაკებდი. რადგან ლოგიკურად მივედით ამ ნაწილამდე არ დაგიმალავთ და გეტყვით რომ ვაპირებ გაფართოებას, „სვანური ფუტკარი“ ამ ბრენდით მინდა გავაერთიანო ჩემი თაფლის ნაირსახეობები რომელიც როგორც გითხარით სხვადასხვა ლოკაციაზე ვაწარმოებ, ასევ აუცილებლად მეყოლება სამომთაბარეო მაღალი გამავლობის მანაქანა და ვფიქრობ საკმაოდ კარგად, 2 -ჯერ მექნება გაფართოებული წარმოება. 

საკუთარი გამოცდილებიდან სხვებსაც ვურჩევდი ხელი მოკიდონ მეფუტკრეობას, მეტი ყურადღება უნდა მიექცეს ამ საქმეს და უნდა მოვაძლიეროთ თაფლის წამოება, თან მითუმეტეს რომ საქართველოს ბუნება შესაძლებლობას იძლევა. 

შეჯამებისთვის საკმაოდ კარგი პერსპექტივა გააჩინა გრეტას დახმარებამ და მდგარიდ განვითარების საფუძველი გააჩინა. სწორედ ამ პერსპქეტივების რეალურად ქცევისთვის, მზად ვარ ახალი საქმიანი კავშირებისთვის და თანამშრომლობებისთვის, დაინტერესების შემთხვევაში კონტაქტზე ვარ ელ ფოსტის და ტელეფონის საშუალებით. 

---

ევროკავშირის, შვედეთის და ავსტრიის მხარდაჭერით საქართველოს მაღალმთიან რეგიონში, მცირე და საშუალო მეწარმეები, რომლებმაც მიიღეს მნიშვნელოვანი მხარდაჭერა ბიზნესის განვითარებისთვის, ჯამში 68 მეწარმეს ითვლის.

თვალი ადევნეთ წარმატების შემდეგ ისტორიებს, სადაც საოცრად საინტერესო ხალხი გვიამბობს საკუთარ გამოცდილებებზე.

პროექტი GRETA | „მწვანე ეკონომიკა: მდგრადი სამთო ტურიზმი და ორგანული სოფლის მეურნეობა“ ევროკავშირის, ავსტრიისა და შვედეთის მხარდაჭერით, საქართველოში ავსტრიის განვითარების სააგენტო ახორციელებს. პროექტი მიზნად ისახავს ბიზნეს-გარემოს გაუმჯობესების ხელშეწყობას და დამატებითი შემოსავლის შექმნის შესაძლებლობის გაზრდას საქართველოს ეკონომიკის ორ ისეთ მნიშვნელოვან სექტორში, როგორიცაა სამთო ტურიზმი და ორგანული სოფლის მეურნეობა.

 

ეს მასალა მომზადებულია ევროკავშირის, შვედეთის და ავსტრიის თანადაფინანსებით, პროექტ GRETA-ს ფარგლებში. მის შინაარსზე სრულად პასუხისმგებელია ავსტრიის განვითარების სააგენტო/პროექტი GRETA და შესაძლოა, რომ იგი არ გამოხატავდეს ევროკავშირის, შვედეთის და ავსტრიის შეხედულებებს. 


 #68წარმატებისისტორია

#ევროკავშირი #შვედეთი #ავსტრია

#პროექტიGRETA #მთისეკონომიკისგანვითარებისთვის


GE EN RU