სვანეთინიუსი 14.06.2024

„იყვნენ რაღაცით გამორჩეულები, იყვნენ უნიკალურები და იპოვონ თავისი ნიშა, რადგან ადგილობრივ ბაზარზე ერთფეროვანი სერვისებია“- დავით ნიკოლოზიანი, „ეკო ჰაუს სვანეთი“-ის დამფუძნებელი

20.10.2023 20:14

გამარჯობა,

მე დავით ნიკოლოზიანი ვარ სვანეთიდან, მესტიის მუნიციპოალიტეტის სოფელ ლახუშდიდან. მაქვს საოჯახო სასტუმრო, ორგანიზებას ვუკეთებ სალაშქრო და სათავგადასავლო ტურებს და ვმუშაობ ტურიზმისა და გარემოს დაცვის მიმართულებით. ჩემი ისტორია მამაპაპისეულ სახლში საოჯახო სასტუმროს გაკეთების იდეით იწყება, სადაც ასევე ინოვაციური იდეა- შუშის ოთახის მოწყობა განვახორციელე. რა თქმა უნდა ამას მარტო ვერ შევძლებდი და სწორ დროს და სწორ სიტუაციაში გამოჩნდა GRETA პროექტი, რომლის შესახბაც მეგობირსგან შევიტყვე, დავესწარი საინფორმაციო შეხვედრას და  მალევე გავხდი ბენეფიციარიც. 

დაიწყო საინტერესო პროცესი და რამდენიმე მიმართულებით მოხდა ევროკავშირის, შვედეთის და ავსტრიის დაფინანსებით ჩემი დახმარება. ეს იყო ინოვაციური შუშის ოთახის მოწყობა-აღჭურვა, ოთახი რომელსაც აქვს შუშის ვიტრაჟი და შუშის ჭერი და რომელიც ვიზიტორებს შორის დიდი ინტერესს იწვევს.  

ასევე პროექტის ფარგლებში განხორციელდა სალაშქრო ბილკების მოსაწყობად და მოსაწესრიგებლად საჭირო ინვენტარის შეძენა. მოწყობის მერე მნიშვნელოვანია მათი შენარჩუნება, რაზეც ყოველწლიურად ვზრუნავთ და საბაზისო, შესაბამისი აღჭურვილობაც შევიძინეთ. 

კიდევ იყო ერთი  საინტერესო კომპონენტი-ხილის საშრობი აპარატის შეძენა.  ვინაიდან ჩვენ მოლაშქრე და ეკო ტურისტებზე ვართ ორიენტირებული, ვინც მთაში დადის, მოგეხსენებათ მათთვის მნიშვნელოვანია მსუბუქი და კალორიული კვება და საკმაოდ მაღალი იყო მოთხოვნა ჩირზე, გადავწყვიტეთ სასტუმროს კომპონენტთან ერთად ჩირის წარმოებაც ჩაგვერთო. 

ასევე მინდა ვახსენო ტრენინგები, მარკეტინგული კუთხით გაწეული დახმარება, რამდენიმე ვიდეო და ფოტო კამპანია აწარმოეს, რამაც  გაზარდა  გაყიდვები, გაზარდა ჩვენი  და მთლიანად სოფლის ცნობადობაც. სოფლისა, რომელიც ნაკლებად ცნობილი იყო ტურისტული თვალსაზრისით და პირველ ეტაპზე სტუმრების რაოდენობით ვერ  დაიკვეხნიდა და პირველ წლებში საკმაო იმედგაცრუებაც კი შემხვდა. თუმცა მჯეროდა ჩემი ორიგინალური იდეის და ბოლმდე ვიბრძოლე და შედეგიც მოვიდა. ამიტომაც მინდა ვუთხრა სხვა მეწარმეებს რომ რა იდეისაც ჯერათ ბოლომდე იბრძოლონ და ბოლომდე მიიყვანონ და ასევე იყვნენ რაღაცით გამორჩეულები, თავისი თავი იპოვონ ამ ბიზნესში, დაიკავონ თავისი ნიშა, უნიკალურობას მიაქციონ ყურადღება. ამ ეტაპზე ადგილობრივ ბაზარზე ერთფეროვნანი სერვისებია და ეს ყურადსაღებია. 

უახლოეს გეგმებში ვაპირებთ გაფართოებას, ვგეგმავთ კიდევ ახალი ხის შენობების დამატებას, გვექნება  ცალკე სახლი 3-4 ნომრიანი სადაც ასევე იქნება შუშის ოთახი. და ზოგადად გვინდა რომ მთლიანად ჩვენი სოფელი გახდეს ევროპული მაღლმთიანი სოფლის დონესთან მიახლოებული, მიმსგავსებული ხარისხით, მომსახურებით და მრავალფეროვანი სერვისებით.  

გეგმები ბევრია, იდეებიც საინტერესო და განსახორციელებლად მზად ვართ ახალ პროექტებთან თუ პროგრამებთან თანამშრომლობისთვის, ჩვენ სხვადასხვა ბუქინგ პლატფორმებზე ვართ წარმოდგენილი და ელ ფოსტის და ტელეფონის მეშვეობით მზად ვართ საკომუნიკაციოდ.

---

ევროკავშირის, შვედეთის და ავსტრიის მხარდაჭერით საქართველოს მაღალმთიან რეგიონში, მცირე და საშუალო მეწარმეები, რომლებმაც მიიღეს მნიშვნელოვანი მხარდაჭერა ბიზნესის განვითარებისთვის, ჯამში 68 მეწარმეს ითვლის.

თვალი ადევნეთ წარმატების შემდეგ ისტორიებს, სადაც საოცრად საინტერესო ხალხი გვიამბობს საკუთარ გამოცდილებებზე.

პროექტი GRETA | „მწვანე ეკონომიკა: მდგრადი სამთო ტურიზმი და ორგანული სოფლის მეურნეობა“ ევროკავშირის, ავსტრიისა და შვედეთის მხარდაჭერით, საქართველოში ავსტრიის განვითარების სააგენტო ახორციელებს. პროექტი მიზნად ისახავს ბიზნეს-გარემოს გაუმჯობესების ხელშეწყობას და დამატებითი შემოსავლის შექმნის შესაძლებლობის გაზრდას საქართველოს ეკონომიკის ორ ისეთ მნიშვნელოვან სექტორში, როგორიცაა სამთო ტურიზმი და ორგანული სოფლის მეურნეობა.

 

ეს მასალა მომზადებულია ევროკავშირის, შვედეთის და ავსტრიის თანადაფინანსებით, პროექტ GRETA-ს ფარგლებში. მის შინაარსზე სრულად პასუხისმგებელია ავსტრიის განვითარების სააგენტო/პროექტი GRETA და შესაძლოა, რომ იგი არ გამოხატავდეს ევროკავშირის, შვედეთის და ავსტრიის შეხედულებებს. 


 #68წარმატებისისტორია

#ევროკავშირი #შვედეთი #ავსტრია

#პროექტიGRETA #მთისეკონომიკისგანვითარებისთვის


GE EN RU