სვანეთინიუსი 16.10.2021

მერწვ

08.06.2018 16:30

სანამ რეცეპტს წავიკითხავთ, მანამდე მინდა პატარა განმარტება გავაკეთო. მერწვი არის კერძი, რომელიც მოხარშული კარტოფილისგან და ყველისგან კეთდება, ზოგ სოფელში მას "შუშას" ეძახიან, მაგრამ ამ ბოლო დროს ამ კერძს თაშმჯაბსაც უწოდებენ. რეალურად, თაშმჯაბი არის მაღალ ტემპერატურაზე დამდნარი  ყველი, რომელსაც ცოტაოდენ ფქვილს ურევენ. ეს თვითონ სახელწოდებაზეც მეტყველებს. თაშ-მჯაბ, ანუ მოხარშული ყველი. საინტერესოა რატომ ეძახიან "მერწვს" თაშმჯაბს, მაგრამ ფაქტია, რომ ე.წ შუშას უკვე ძალიან ბევრი "თაშმჯაბს" ეძახის. რეალურად კი მოხარშული კარტოფილითა და ყველით გაკეთებულ ამ სვანურ კერძს მერწვი ეწოდება.


მერწვის მოსამზადებლად დაგჭირდებათ:


  • 1 კგ კარტოფილი
  • 0,500 კგ მწიფე ყველი 
  • მარილი გემოვნებით

    მომზადება:

  • მმოხარშული კარტოფილი გაატარეთ ან ჩაჭყლიტეთ.
  • ყველი დაჭერით თხელ ფენებად.
  • გატარებული კარტოფილი მოათავსეთ ქვაბში, მოაყარეთ მარილი და ერთი ჭიქა წყალთან ერთად ურიეთ დაბალ ცეცხლზე.
  • დუღილის დროს ნელ–ნელა შეურიეთ დაჭრილი ყველი, სანამ კარგად არ აიზილება. მერწვიც მზადაა!

გემრიელად მიირთვით!

GE EN RU