გამარჯობა,

მე ვარ გვანცა ყრუაშვილი, პროფესიით ფინანსისტი და საოჯახო რესტორან „კესანე არ დამივიწყოს“ დამფუძნებელი. მიუხედავად იმისა რომ ჩემი ძირითადი საქმიანობა განსხვავდება სტუმარმასპინძლობის სფეროსგან, სარესტორნო ბიზნესი ყოველთვის ყველაზე ძალიან მომწონდა და სულ მქონდა სურვილი აქ რაღაც ნაბიჯები გადამედგა. ჩვენი რესტორანი საოჯახო წამოწყებაა და მდებარეობს ამბროლაურის მუნიციპალიტეტში სოფელ ხოტევში, ის უკავშირდება ჩემს ბავშვობას, კესანეზე ლეგენდაც ბავშვობის დროინდელია, კესანეს ერქვა „არ დამივიწყო“, რესტორნის ამჟამინდელი ლოკაციაც ჩემი ბავშვობის ძველი სახლია, სადაც ჩამოვდიოდით ხოლმე ზაფხულობით. აქცენტი ქართულ სამზარეულოზე და ადგილობრივ ღვინოზე გვაქვს გაკეთებული, გვინდა ვიყოთ ჰაბი ადგილობრივი მეწარმეებისთვის, რომელთაც ვთავაზობთ ჩვენთან თანამშრომლობას და მათი პროდუქციის ჩვენთან განთავსებას. 

თავდაპირველად ძალიან დიდხანს არ ვიყავით ჩამოყალიბებული რომელი მიმართულებით წავიდოდით, სასტუმრო თუ სარესტორნო, მაგრამ რადგან რეგიონში ყველაზე დეფიციტური კვების მიმართულება იყო, მიუხედავად სირთულისა რეგიონის პირობებში, მასზე შევაჩერეთ არჩევანი. 

რეგიონში კვების ინდუსტრიასთან შეჭიდება საკმაოდ რთულ ამოცანად ჩანდა, თუმცა სწორედ ამ ეტაპზე გამოჩნდა ევროკავშირის, შვედეთი და ავსტრიის მხარდაჭერით დაფინანსებული პროექტი GRETA, რომლიც შესახებაც ინტერნეტის მეშვეობით გავიგე, როდესაც სხვადასხვა საგრანტო პროგრამებს ვეძებდი. აქ მინდა გამოვყო საკვანძო მომენტი, როდესაც პროექტი დავწერეთ, გავიმარჯვეთ და მივიღეთ დაფინანსება, ეს იყო უდიდესი მოტივაცია და უდიდესი პასუხისმგებლობა,  სწორედ ამ პასუხისმგებლობის და აღებული ვალდებულებების შესრულება იყო მთავარი კატალიზატორი რესტორნის გახსნის საკმაოდ რთულ პროცესში. რომ არა გრეტა პროექტი, დღეს დიდი ალბათობით გახსნილიც არ ვიქნებოდით.

გადავალ მიღებულ დახმარებაზე, რომელმაც დიდი წვლილი შეიტანა ჩვენს წარმატებაში. ჩვენ შევიძინეთ საერსტორნო ინვენტარი,  მაგიდები, სკამები, სამზრეულოს ინდუსტრიული ტექნიკა, მუსიკალური აპარატურა, ავეჯის ნაწილი სამზარეულოს ნაწილში, ასევე მოვაწყეთ ღია სარესტორნო სივრცე. ფაქტობრივად, შემიძლია ვთქვა, რომ ამ ყველაფერმა ჩვენს ბიზნესს გამართულად მუშაობის საშუალება მისცა.

ვფიქრობ ჩვენი ობიექტის გახსნას დიდი მნიშვენლობა აქვს რეგიონისთვის, თუნდაც ადგილობრივების დასაქმების კუთხით და თუნდაც ადგილობრივი მოსახელობისგან იმ პროდუქტების და ნაწარმის შეძენის კუთხით რომელიც, რესტორნისთვის არის საჭირო, ასევე არის დიდი მოტივაცია და მაგალითი ადგილობრივებისთვის რომ რეგიონში ახალ წამოწყებებს პერსპექტივა აქვს. 

სურვილი გვაქვს რომ უახლოეს მომავალში დავნერგოთ კოცეფცია „ფერმიდან მაგიდაზე“, ასევე გვინდა რომ „კესანე“ მარტო რესტორანი არ იყოს და სასტუმროც დაემატოს, გვინდა წარმოებაც გვქონდეს და ზოგადად ზემოთ როგორც გითხარით აქაურობას ვხედავ როგორც ლოკაცია ჰაბს, სადაც ბიზნესის რამდენიმე ელემენტი არის თავმოყრილი და ერთიმეორეს ავითარებს.

ამ და სხვა საინტერესო გეგმების განხორციელებისთვის მზაობას ვაცხადებთ სხვადასხვა პროექტებთან თუ საგრანტო პროგრამებთანა თანამშრომლობაზე და დაინტერესების შემთხვეავში საკონტაქტოდ მზად ვართ სოც ქსელების მეშვეობით ფბ და ინსტაგრამი და ასევე ელ-ფოსტის საშუალებით.

---

ევროკავშირის, შვედეთის და ავსტრიის მხარდაჭერით საქართველოს მაღალმთიან რეგიონში, მცირე და საშუალო მეწარმეები, რომლებმაც მიიღეს მნიშვნელოვანი მხარდაჭერა ბიზნესის განვითარებისთვის, ჯამში 68 მეწარმეს ითვლის.

თვალი ადევნეთ წარმატების შემდეგ ისტორიებს, სადაც საოცრად საინტერესო ხალხი გვიამბობს საკუთარ გამოცდილებებზე.

პროექტი GRETA | „მწვანე ეკონომიკა: მდგრადი სამთო ტურიზმი და ორგანული სოფლის მეურნეობა“ ევროკავშირის, ავსტრიისა და შვედეთის მხარდაჭერით, საქართველოში ავსტრიის განვითარების სააგენტო ახორციელებს. პროექტი მიზნად ისახავს ბიზნეს-გარემოს გაუმჯობესების ხელშეწყობას და დამატებითი შემოსავლის შექმნის შესაძლებლობის გაზრდას საქართველოს ეკონომიკის ორ ისეთ მნიშვნელოვან სექტორში, როგორიცაა სამთო ტურიზმი და ორგანული სოფლის მეურნეობა.

ეს მასალა მომზადებულია ევროკავშირის, შვედეთის და ავსტრიის თანადაფინანსებით, პროექტ GRETA-ს ფარგლებში. მის შინაარსზე სრულად პასუხისმგებელია ავსტრიის განვითარების სააგენტო/პროექტი GRETA და შესაძლოა, რომ იგი არ გამოხატავდეს ევროკავშირის, შვედეთის და ავსტრიის შეხედულებებს. 

 #68წარმატებისისტორია

#ევროკავშირი #შვედეთი #ავსტრია

#პროექტიGRETA #მთისეკონომიკისგანვითარებისთვის