გამარჯობა, 

მე ლევან გოგოლაძე ვარ, პროფესიით ეკონომისტი. ამაჟამად ჩემი საქმიანობა სათავგადასავლო ტურიზმის ბიზნესია, რომელიც თავდაპირველად ჩემი ჰობი იყო. მე და ჩემმა მეგობარმა და ახლა უკევ პარტნიორმა - გურამ დაბრუნდაშვილმა, გადავწვიტეთ ჩვენი ჰობი ბიზნესად გვექცია და დღეს ჩვენ ვმართავთ „სვერის სათავგადასავლო ბანაკს“. ჩვენი ბანაკი, ზემო იმერეთის ერთ-ერთ ლამაზ მხარეში, კერძოდ, ჭიათურის მუნიციპალიტეტის სოფელ სვერში მდებარეობს. აქ მსგავსი ტიპის საქმიანობისთვის ბუნებრივი პირობები იდეალურია და ფაქტიურად გარემომ თვითონ გვიკარნახა, რა მიმართულება უნდა ქონოდა ჩვენს ბიზნესს.

ზოგადი წარმოდგენის შესაქმნელად მცირე ინფორმაციას გაგიზიარებთ. ჩვენი საქმიანობა იყოფა ორ ნაწილად: (1) ბანაკის ტერიტორიაზე განთავსებული ინფრასტრუქტურა, სადაც სტუმრების განთავსება ხდება და აღჭურვილია განთავსებასთან დაკავშირებული საჭიროებებით, სამზარეულო, ცხელი წყალი, სასადილოს ინფრასტრუქტურა და (2) გვაქვს მრავალფეროვანი სათავგადასავლო ტურები.

როდესაც შევიტყვეთ, რომ ზემო იმერეთის რეგიონში, ევროკავშირი, შვედეთი და ავსტრია ახორციელებდა ერთობლივ ინიციატივას პროექტ GRETA-ს სახით, მაშინვე დავინტერესდით დეტალური ინფორმაციით. საკმაოდ ხშირად გვხვდებოდა პროექტზე ინფორმაცია, რადგან ინტენსიური რეგიონული საინფორმაციო კამპანია მიმდინარეობა. საკონსულტაციო შეხვედრებზე, ძალიან სასარგებლო და საჭირო ინფორმაცია მივიღეთ დამსწრეებმა. გადავწყვიტე პროექტში მონაწილეობის მიღება, ვინაიდან ჩემი იდეა და პროექტის ერთ-ერთი მიზანი - საქართველოს მაღალმთიან რეგიონებში მდგრადი ტურიზმის განვითარება იდეალურად ეხმიანებოდა ერთმანეთს.

აპლიკაციის წარდგენისას, ძირითადი აქცენტი ბანაკის ინფრასტრუქტურის განვითარებაზე გავაკეთეთ. პირველ რიგში მინდა გამოვყო დონორების დახმარების შედეგად მიღებული ეფექტური კომუნალური ხარჯების სისტემა, რომელიც წყლის გამათბობის მიზნით, მზის პანელების დამონტაჟებით გახდაა შესაძლებელი. ასევე, ვიზრუნეთ უსაფრთხოების მიმართულებით და ეს გახლავთ სახანძრო მოწყობილობები, პირველადი სამედიცინო  აღჭურვილობა. ასევე დავამატეთ განთავსების კიდევ ერთი საშუალება, ე.წ „გლემფინგი“, მოვაწყვეთ ბილიკები, როგორც შიდა, გლემფთან ასასვლელი ბილიკები, ასევე აქედან კლდეზე საცოც ზონაში მისასვლელი ბილიკები. დონორების დახმარებით, გადაჭარბების გარეშე  უმნიშვნელოვანეს შედეგს მივაღწიეთ და ეს იყო ჩვენი გეზი მწვანე ბანაკის კონცეფციისკენ, რაც გულისხმობს, არაგანახლებადი რესურსების მოხმარების მინიმალიზაციას და შესაბამისი მიზნის მისაღწევად მზის პანელების საშუალებით, კომუნალური ხარჯის შემცირებას.

მას შემდეგ რაც ბიზნესის საოპერაციო ნაწილი დავალაგეთ, აღნიშნული დახმარების მეშვეობით, შემდგომ უკვე დავიწყეთ უფრო გლობალური და სასარგებლო აქტივობების განხორციელება, როგორიცაა მაგალითად ნარჩენის სეპარაცია. ჩვენი ბანაკის კონცეფცია სწორად ამით გამოირჩევა, რომ მივიღწვით ე.წ თვითკმარი ინფრასტრუქტურისკენ, რასაც მწვანე ბანაკი ქვია.

ამჟამად გვაქვს კარვები, კოტეჯები და გლემფი, რაც ნიშნავს რომ სხვადასხვა სეგმენტის სტუმრებს ვაკმაყოფილებთ, ასევე აღვნიშნავ რომ ხარისხობრივად სხვა სეგმენტზე გავედით და ინფრასტრუქტურის გაზრდამ ტურისტების რაოდენობის ზრდა გამოწვია. ასევე აუცილებლად მინდა ავღნიშნო, რომ ის შესაძლებლობები და მხარდაჭერა, რაც დონორებმა პროექტ GRETA-ს სახით მოგვცა, შევძელით სწორად გამოგვეყენებინა. გარდა ბიზნესის საოპერაციო ნაწილის გამართვისა, ჩვენ მივიღეთ მნიშვნელოვანი მარკეტინგული მხარდაჭერა, რამაც სოლიდურობა შემატა ჩვენს ბრენდს და შესაბამისად ჩვენი საქმიანობის ცნობადობა და სანდოობა გაზარდა.

დასასრულს, ვიტყვი, რომ ჩვენს მაგალითზე შესაძლებელია რეგიონს ახალი სიცოცხლე და ფუნქცია შევძინოთ, მთავარია სწორად დავინახოთ რაიონის პოტენციალი. თავდაუზოგავი შრომით, ჩვენ ეს მოვახერხეთ, ელემენტარულად გზა არ იყო და გზა დაიგო, გარშემო მყოფებს გაუჩნდათ შემოსავალი და ამით ამაყები ვართ. ეს ყველაფერი, ვფიქრობ, ხელს შეუშლის შიდა მიგრაციის დაჩქარებულ პროცესებსაც. აგრეთვე დიდი სურვილი გავქვს, ჩვენი გამოცდილება ადგილობრივ მეზობლებს გავუზიაროთ, რადგან სასურველია, ჩვენს ხელთ არსებული გამოცდილება და მიღწევები გარშემოც არსებობდეს.

მზად ვართ ახალი საქმიანი კავშირებისთვის.  ჩვენთან დაკავშირება შესაძლებელია სოციალური ქსელების მეშვეობით, შემდეგ ფეისბუქზ გვერდზე: “Sveri Adventure Camp • სვერის სათავგადასავლო ბანაკი“ სახელით და ყველა განთავსების უცხოურ პლატფორმაზე ვართ წარმოდგენილი.

---

ევროკავშირის, შვედეთის და ავსტრიის მხარდაჭერით საქართველოს მაღალმთიან რეგიონში, მცირე და საშუალო მეწარმეები, რომლებმაც მიიღეს მნიშვნელოვანი მხარდაჭერა ბიზნესის განვითარებისთვის, ჯამში 68 მეწარმეს ითვლის.

თვალი ადევნეთ წარმატების შემდეგ ისტორიებს, სადაც საოცრად საინტერესო ხალხი გვიამბობს საკუთარ გამოცდილებებზე.

პროექტი GRETA | „მწვანე ეკონომიკა: მდგრადი სამთო ტურიზმი და ორგანული სოფლის მეურნეობა“ ევროკავშირის, ავსტრიისა და შვედეთის მხარდაჭერით, საქართველოში ავსტრიის განვითარების სააგენტო ახორციელებს. პროექტი მიზნად ისახავს ბიზნეს-გარემოს გაუმჯობესების ხელშეწყობას და დამატებითი შემოსავლის შექმნის შესაძლებლობის გაზრდას საქართველოს ეკონომიკის ორ ისეთ მნიშვნელოვან სექტორში, როგორიცაა სამთო ტურიზმი და ორგანული სოფლის მეურნეობა.

ეს მასალა მომზადებულია ევროკავშირის, შვედეთის და ავსტრიის თანადაფინანსებით, პროექტ GRETA-ს ფარგლებში. მის შინაარსზე სრულად პასუხისმგებელია ავსტრიის განვითარების სააგენტო/პროექტი GRETA და შესაძლოა, რომ იგი არ გამოხატავდეს ევროკავშირის, შვედეთის და ავსტრიის შეხედულებებს. 

 #68წარმატებისისტორია

#ევროკავშირი #შვედეთი #ავსტრია

#პროექტიGRETA #მთისეკონომიკისგანვითარებისთვის