გამარჯობა,
მე გახლავართ მაია კეზევაძე, იმერეთის რეგიონის სოფელ გელათიდან. პროფესიით ფილოლოგი, თუმცა დამატებით სტუმარ-მასპინძლობის სექტორში ვმოღვაწეობ, რადგან ასევე აგროტურიზმის და გასტროტურიზმის სერტიფიცირებული ტრენერი გახლავართ.. ჩემი ისტორია დაახლოებით 13 წლის წინ იწყება, როდესაც საცხოვრებლად მამა-პაპისეულ მიწაზე გადმოვედი და გადავწყვიტე ჩემი წინაპრების სახლში სახლ-სასტუმრო მომეწყო, სადაც განსაკუთრებული შთაბეჭდილებების მისაღებად სტუმრებს ავთენტურ გარემოში იმერული სამზარეულოს მასტერკლასებს შევთავაზებდი.
მოგეხსენებათ სტუმარ-მასპინძლობის სფერო მუდმივად საჭიროებს განახლებას და განვითარებას. სულ ვცდილობდი, რომ თვალი მედევნებინა რეგიონში სხვადასხვა შესაძლებლობებისთვის. ამ ძიების პროცესში, აღმოვაჩინე ევროკავშირის, შვედეთის და ავსტრიის ერთობლივი ინიციატივა - პროექტი GRETA. უკვე თამამად შემიძლია ვთქვა, რომ გაწეულმა დახმარებამ სრულყოფილი გახადა ჩემი ბიზნესი. მიღებული დამხარებით აგროსახლი „ქორენა“ უკვე მზადაა წელიწადის ნებისმიერ დროს სტუმრების მისაღებად.
პროექტის შესახებ „ელკანასგან“ შევიტყვე, რადგან მათთან მრავალწლიანი პარტნიორული თანამშრომლობა მაკავშირებს. მათ მიერ გაზიარებული ამბმის საფუძველზე შევიტყვე რომ საქართველოს მაღალმთიან რეგიონში, ტურიზმის და ორგანულ სოფლის მეურნეობის განვითარებაზე ორიენტირებული პროექტის საინფორმაციო შეხვედრა იგეგმებოდა. მიუხედავად ჩემი მოუცლელი გრაფიკისა, აღნიშნულ შეხვედრას დავესწარი, რამაც შთამაგონა დამეწერა პროექტი და მივყოლოდი არსებულ პროცედურებს. შედეგმაც არ დააყოვნა, მალევე გავხდი ევროკავშირის, შვედეთის და ავსტრიის დაფინანსებული პროექტის ”GRETA”-ს ბენეფიციარი.
ჩემი ბიზნესის ყველა სეზონზე ფუნქციონირებისთვის მთავარ წინაღობას, ცენტრალური გათბობის არ ქონა წარმოადგენდა. ასევე, ძალიან მიჭირდა სრულყოფილად მომსახურება გამეწია სტუმრებისთვის საჭირო საოჯახო ტექნიკის გარეშე, როგორიცაა სარეცხი მანქანა და მაცივარი. ევროკავშირის, შვედეთის და ავსტრიის ერთობლივმა დახმარებამ, ბიზნესის პრობლემები სრულად აღმოფხვრა და სრულყოფილი გახადა ჩემი საოჯახო სასტუმროს გამართული მუშაობა.
ჩვენთან ძალიან უყვართ სტუმრად მოსვლა, მაგრამ წინათ ზამთარში თავს იკავებდნენ არასათანადო პირობების გამო. დახმარების პირველი შედეგიც მალევე დადგა და ზამთარში ამაყად ვმასპინძლობთ სტუმრებს.
როგორც უკვე აღვნიშნე, მე თადავ ტრენერი ვარ და აქედან გამომდინარე, ყველას ვეუბნები: როცა სტუმარმასპინძლობა არის შენი საქმიანობის სფერო, იქნება ეს აგროტურიზმი, თუ გასტროტურიზმი, პირველ რიგში აუცილებელია იყო კარგი მასპინძელი და უნდა გიყვარდეს შენი საქმე!
ჩემს უახლოეს მოკრძალებულ გეგმებსაც გაგიმხელთ: ვგეგმავ კიდევ ერთი კოტეჯისა და სატრენინგო სივრცის დამატებას. დღესდღეობით რთულად ვაორგანიზებ ტრენინგებს, მიწევს მსმენელებისთვის ქუთაისში სივრცის ქირაობა, და სწორედ ამიტომ ჩემი ოცნებაა, საკუთარი კეთილმოწყობილი სივრცე მქონდეს. სწორედ ამიტომაც დიდი სურვილი და მზაობა მაქვს ვითანამშრომლო ახალ პარტნიორებთან და ხელმისაწვდომი ვარ შემდეგ ელექტრონულ ფოსტაზე: kezevadzemaia@gmail.com
---
ევროკავშირის, შვედეთის და ავსტრიის მხარდაჭერით საქართველოს მაღალმთიან რეგიონში, მცირე და საშუალო მეწარმეები, რომლებმაც მიიღეს მნიშვნელოვანი მხარდაჭერა ბიზნესის განთვითარებისთვის, ჯამში 68 მეწარმეს ითვლის.
თვალი ადევნეთ წარმატების შემდეგ ისტორიებს, სადაც საოცრად საინტერესო ხალხი გვიამბობს საკუთარ გამოცდილებებზე.
პროექტი GRETA | „მწვანე ეკონომიკა: მდგრადი სამთო ტურიზმი და ორგანული სოფლის მეურნეობა“ ევროკავშირის, ავსტრიისა და შვედეთის მხარდაჭერით, საქართველოში ავსტრიის განვითარების სააგენტო ახორციელებს. პროექტი მიზნად ისახავს ბიზნეს-გარემოს გაუმჯობესების ხელშეწყობას და დამატებითი შემოსავლის შექმნის შესაძლებლობის გაზრდას საქართველოს ეკონომიკის ორ ისეთ მნიშვნელოვან სექტორში, როგორიცაა სამთო ტურიზმი და ორგანული სოფლის მეურნეობა.
ეს მასალა მომზადებულია ევროკავშირის, შვედეთის და ავსტრიის თანადაფინანსებით, პროექტ GRETA-ს ფარგლებში. მის შინაარსზე სრულად პასუხისმგებელია ავსტრიის განვითარების სააგენტო/პროექტი GRETA და შესაძლოა, რომ იგი არ გამოხატავდეს ევროკავშირის, შვედეთის და ავსტრიის შეხედულებებს.
#68წარმატებისისტორია
#ევროკავშირი #შვედეთი #ავსტრია
#პროექტიGRETA #მთისეკონომიკისგანვითარებისთვის