გამარჯობა,
მე გახლავართ ნიკოლოზ ყავლაშვილი, ონის რაიონის სოფელ ზუდალიდან. პროფესიით ინჟინერი ვარ, თუმცა ამჟამად მეფუტკრეობით, მესაქონლეობით და კარტოფილის წარმოებით გახლავართ დაკავებული. ისტორია რომელიც მსურს გაგიზაროთ დღეს, რაჭაში ეკოლოგიურად სუფთა კარტოფილის წარმოების განვითარებას ეხება და შესაძლოა სხვა ჩემი მზგავსი მეწარმეებისთვისაც სტიმულის მომცემი აღმოჩნდეს.
ევროკავშირის, შვედეთის და ავსტრიის ერთობლივი ინიციატივის - პროექტ GRETA-ს შესახებ, 2019 წელს საინფორმაციო განცხადების მეშვეობით შევიტყვე. ძალიან დამაინტერესა პროექტის შინაარსმა და შემდეგ, დამატებითი დეტალები ინტერნეტში მოვიძიე. აღმოვაჩინე, რომ პროექტის მიზნები ზუსტად ეხმიანებოდა ჩემს იდეებს. გადავწყვიტე კოოპერატივის სხვა წევრებთან აღნიშნული შესაძლებლობის განხილვის შემდეგ, გადავწყვიტე ბედის ცდა და საგრანტო კონკურსში მონაწილეობის მიღება. გამოქვეყნებული საგრანტო კონკურსის წესები და მოთხოვნები მონაწილეობისთვის საჭირო დეტალურ ინფორმაციას მოიცავდა. საბოლოოდ საგრანტო კონკურსში გავიმარჯვეთ და სწორედ აქედან დაიწყო ჩვენი წინსვლის პირველი ეტაპი.
მოგეხსენებათ კარტოფილის მოყვანისთვის აუცილებელია მიწის დამუშავება და შესაბამისი ტექნიკა. დონორების დახმარებით მიწის დამუშავებისთვის გადმოგვეცა სპეციალური ტრაქტორი, რომელიც რეგიონის ლანდშაფტის გათვალისწინებით ძნელად მისასვლელი ადგილებისთვის არის განკუთვნილი. ასევე კულტივატორი, კარტოფილის სათესი და ამომღები. ამ ყველაფერმა გადამწყვეტი როლი ითამაშა ჩვენს საქმიანობაში. წარმოიდგინეთ სად ხელით როცა ხდება მიწის დამუშავება და სად უკვე ტრაქტორის და სხვა დამხმარე ტექნიკის მეშვეობით. შედეგად შრომაც ბევრად გაადვილდა და მოსავალიც გაიზარდა.
ყველაზე საინტერესო რაც ჩემი დაკვირვებით აღმოვაჩინე არის ის, რომ ჩემი თანასოფლელები და არამარტო ისინი, გარშემო სოფლებში მცხოვრები გლეხებიც მიწისა დასამუშავებლად, ჩემგან ქირაობენ ტექნიკას. ეს ფაქტიურად ზრდის რეგიონში წარმოების მოცულობასაც.
ამით არ დასრულებულა ჩვენი კოოპერატივის მხარდაჭერა. ასევე, ძალიან მნიშვნელოვანი იყო მარკეტინგული კუთხით გაწეული დახმარება, რაც შიდა ბაზრის მასშტაბით ბიზნეს ურთიერთობების ჩამოყალიბებას გულისხმობდა. შედეგად, შევძელით ჩვენი პროდუქცია შეგვეტანა თბილისის ერთ-ერთ უმსხვილეს სუპერმარკეტების ქსელში. მიღებულმა გამოცდილებამ ახალი შესაძლებლობები დაგვანახა და ვგეგმავთ კიდევ სხვა მსხვილ ობიექტებზეც მოვახდინოთ ჩვენი წარმოებული კარტოფილის რეალიზაცია. დონორების მხარდაჭერით განხორციელებული ბიზნესის მართვის და მარკეტინგის ტრენინგები ასევე ძალიან მნიშვნელოვანი იყო ჩვენთვის, რადგან ნათლად დავინახეთ არსებული პრობლემები და შეძენილი ცოდნით უკვე დავიწყეთ საქმიანობის სწორად მართვა.
საერთო ჯამში, თამამად შემიძლია ვთქვა რომ 3 ჯერ გაიზარდა მოსავლის რაოდენობა. კიდევ, არ მომერიდება და იმის თქმა მინდა, რომ დონორების მხარდაჭერამდე ვალებში ვიყავით ჩაფლული და დღეს უკვე მყარად დგას ფეხზე ჩვენი საქმიანობა და სამომავლო გეგმებში გაფართოების და გაზრდის პერსპექტივა გამოჩნდა.
სწორედ ამიტომ მსურს გიტხრათ, რომ მონდომების და შრომის შემთხვევაში, შედეგი აუცილებლად დადგება და ევროკავშირი, შვედეთი და ავსტრიის მხარდაჭერა მეწარმეებმა აუცილებლად გამოვიყენოთ და სწორად ავითვისოთ. აქედან გამომდინარე მზად ვარ ახალი და საინტერესო თანამშრომლობებისთვის და ხელმისაწვდომი ვარ ელექტრონული ფოსტის მეშვეობით: bajixevi@gmail.com
---
ევროკავშირის, შვედეთის და ავსტრიის მხარდაჭერით საქართველოს მაღალმთიან რეგიონში, მცირე და საშუალო მეწარმეები, რომლებმაც მიიღეს მნიშვნელოვანი მხარდაჭერა ბიზნესის განთვითარებისთვის, ჯამში 68 მეწარმეს ითვლის.
თვალი ადევნეთ წარმატების შემდეგ ისტორიებს, სადაც საოცრად საინტერესო ხალხი გვიამბობს საკუთარ გამოცდილებებზე.
პროექტი GRETA | „მწვანე ეკონომიკა: მდგრადი სამთო ტურიზმი და ორგანული სოფლის მეურნეობა“ ევროკავშირის, ავსტრიისა და შვედეთის მხარდაჭერით, საქართველოში ავსტრიის განვითარების სააგენტო ახორციელებს. პროექტი მიზნად ისახავს ბიზნეს-გარემოს გაუმჯობესების ხელშეწყობას და დამატებითი შემოსავლის შექმნის შესაძლებლობის გაზრდას საქართველოს ეკონომიკის ორ ისეთ მნიშვნელოვან სექტორში, როგორიცაა სამთო ტურიზმი და ორგანული სოფლის მეურნეობა.
ეს მასალა მომზადებულია ევროკავშირის, შვედეთის და ავსტრიის თანადაფინანსებით, პროექტ GRETA-ს ფარგლებში. მის შინაარსზე სრულად პასუხისმგებელია ავსტრიის განვითარების სააგენტო/პროექტი GRETA და შესაძლოა, რომ იგი არ გამოხატავდეს ევროკავშირის, შვედეთის და ავსტრიის შეხედულებებს.
#68წარმატებისისტორია
#ევროკავშირი #შვედეთი #ავსტრია
#პროექტიGRETA #მთისეკონომიკისგანვითარებისთვის