გამარჯობა,
მე
გახლავართ თამაზ ომანაძე, ორგანული მეღვინეობა „ხომლის მარანი“-ს დამფუძნებელი. წარმოშობით
ვარ
ლეჩხუმიდან - ქართული ყურძნის უნიკალური ჯიშებით მდიდარი კუთხიდან. სოფელ ოყურეშიდან,
რომლის ბუნებრივი პირობები საშუალებას მაძლევს, მოვიყვანო შეიძლება ითქვას, ღვთიური
ყურძნის ჯიშები და ვაწარმოო პრემიუმ კლასის ღვინო.
სათქმელად
ადვილია „პრემიუმ კლასის“ ღვინო, თუმცა, სინამდვილეში ამის მიღმა ბევრი შრომა და ოფლია
დაღვრილი
და დღევანდელი გადმოსახედიდან, თითქოს ამაყადაც კი ვუყურებ განვლილ გზას. ამ რთულ
გზაზე, ერთ-ერთი მნიშვნელოვანი მომენტი 2016 წელს ჩემი პირველი ბიოსერტიფიკატის მოპოვება
იყო და ამ სერტიფიკატით მაშინ პიონერი ვიყავი მთელს დასავლეთ საქართველოში.
საოცრად
გამიმართლა, რადგან ევროკავშირის, შვედეთის და ავსტრიის მიერ ინიცირებულ პროექტ
GRETA-ში ჩართვაც ჩემი დაუღალავი შრომის წარმატებული
გაგრძელება აღმოჩნდა. ამ პროექტის დაწყების
შესახებ ბიოსერტიფიკატის მიმნიჭებელი ორგანიზაცია - „კავკასსერტის“ მეშვეობით შევიტყვე
და ყველაზე საოცარი ის იყო, რომ პროექტს,
ორგანული წარმოების განვითარების ხელშეწყობა ჰქონდა
ერთ-ერთ მიზნად დასახული. აქ ცხადია ჩვენი ინტერესები ერთმანეთს დაემთხვა.
ინტერესების
თანხვედრა რეალურ შედეგებად დონორებისგან მიღებული
დახმარებების სახით ტრანსფორმირდა. დაწყებული
ტექნიკური აღჭურვილობის უზრუნველყოფიდან, რის საფუძველზეც ერთტონიანი უჟანგავი ავზი
გადმომეცა, გაგრძელებული მცირე და საშუალო ბიზნესების განვითარებისთვის სასიცოცხლოდ
მნიშვნელოვანი ტრენინგებით, რომლის
ფარგლებში დავესწარი სხვადასხვა სტრატეგიულად მნიშვნელოვან კურსებს და შევიძინე ის
უნარ-ჩვევები, რაც აუცილებელია თანამედროვე
ბიზნეს გარემოში. მრავალმხრივ მხარდაჭერას შორის, ასევე აღსანიშნავია პროექტის ფარგლებში
უზრუნველყოფილი მარკეტინგული მხარდაჭერა, რომლის ფარგლებშიც
დონორების დახმარებით უმნიშვნელოვანეს საერთაშორისო გამოფენებზე მივიღე მონაწილეობა.
ორჯერ ვიყავი ნიურნბერგის ღვინის ფესტივალზე და უახლოეს წარსულში ლონდონში მსოფლიო
ღვინის გამოფენაზე, რაც ჩემი პროდუქციის საერთაშორისო ბაზარზე დამკვიდრების მყარი
წინაპირობაა. ამ მიმართულებით რეალური შედეგები გვაქვს და ეს მართლაც რომ ფასდაუდებელი
დახმარებაა.
ამ
ეტაპზე შემიძლია ვთქვა რომ საკუთარი პროდუქციის საერთაშორისო ბაზარზე წარდგენის კარგი
გამოცდილება გამაჩნია. მარკეტინგული მიმართულებით GRETA-ს მხარდაჭერის ეფექტი დღემდე
გრძელდება. ზოგადად რომ არა პანდემია, ბევრად უფრო მყარად ვიქნებოდი საერთაშორისოს
ბაზარზე, თუმცა საერთაშორისო გამოფენებმა და განსაკუთრებით ლონდონის ღვინის ფესტივალმა
დაააბალანსა და ხელი შეუწყო 2 წლიანი ჩამორჩენის
აღმოფვრას.
ბევრჯერ
ვახსენე საერთაშორისო გამოფენების მნიშვნელობა და ეს მართლაც ასეა. ჩვენნაირი მიწის
და ბუნების მქონე ქვეყნისთვის, ორგანული წარმოების მიმართულება უმნიშვნელოვანესია
და სხვა მეწარმეებსაც ვურჩევ მეტი ყურადღება დაუთმონ ამას და აქცენტი გააკეთონ პრემიუმ
კლასის პროდუქტების წარმოებაზე. ჩვენ ნამდვილად გვაქვს შანსი მსოფლიოში საკუთარი ნიშა
დავიკავოთ.
გულწრფელად
ვიტყვი, როდესაც ვსაუბრობ ჩემი ღვინის საერთაშორისო ბაზარზე დამკვიდრებაზე, ჩემი ხედვით
ეს თავისთავად გულისხმობს ზოგადად ქართული ღვინის პოპულარიზაციას, მთლიანად ქართული
ღვინის დამკვიდრებას უცხოურ ბაზარზე. ასე, რომ მე მიმაჩნია საოცრად დიდ პასუხისმგებლობად,
როცა მსგავსი საერთო მიზნისთვის ვიღწვი და რომ არა ევროკავშირი, შვედეთი და ავსტრია
და მთლიანად პროექტ GRETA-ს გუნდი, მე ამ მიზნებისკენ მყარად სიარული ამ მოცემულ მომენტში
საკმაოდ გამიჭირდებოდა.
ბოლოს
დავსძენ, რომ ღია ვარ ახალი და საინტერესო თანამშრომლობისთვის და გამოცდილების გაზიარებისთვის.
ჩემი საკონტაქტო ინფორმაცია ყველა საძიებო სისტემაშია, თუმცა გამოავრჩევდი სოციალურ
მედიას: „ხომლის მარანი“
და მალე დაემატება ჩვენი საკუთარი ვებსაიტიც, რომელიც ასევე დონორების დახმარებით
დამზადდება.
---
ევროკავშირის,
შვედეთის
და
ავსტრიის
მხარდაჭერით
საქართველოს
მაღალმთიან
რეგიონში,
მცირე
და
საშუალო
მეწარმეები,
რომლებმაც
მიიღეს
მნიშვნელოვანი
მხარდაჭერა
ბიზნესის
განთვითარებისთვის,
ჯამში
68 მეწარმეს
ითვლის.
თვალი ადევნეთ
წარმატების
შემდეგ
ისტორიებს,
სადაც
საოცრად
საინტერესო
ხალხი
გვიამბობს
საკუთარ
გამოცდილებებზე.
პროექტი
GRETA | „მწვანე ეკონომიკა:
მდგრადი
სამთო
ტურიზმი
და
ორგანული
სოფლის
მეურნეობა“
ევროკავშირის,
ავსტრიისა
და
შვედეთის
მხარდაჭერით,
საქართველოში
ავსტრიის
განვითარების
სააგენტო
ახორციელებს.
პროექტი
მიზნად
ისახავს
ბიზნეს-გარემოს
გაუმჯობესების
ხელშეწყობას
და
დამატებითი
შემოსავლის
შექმნის
შესაძლებლობის
გაზრდას
საქართველოს
ეკონომიკის
ორ
ისეთ
მნიშვნელოვან
სექტორში,
როგორიცაა
სამთო
ტურიზმი
და
ორგანული
სოფლის
მეურნეობა.
ეს მასალა
მომზადებულია
ევროკავშირის,
შვედეთის
და
ავსტრიის
თანადაფინანსებით,
პროექტ
GRETA-ს ფარგლებში.
მის
შინაარსზე
სრულად
პასუხისმგებელია
ავსტრიის
განვითარების
სააგენტო/პროექტი
GRETA და შესაძლოა,
რომ
იგი
არ
გამოხატავდეს
ევროკავშირის,
შვედეთის
და
ავსტრიის
შეხედულებებს.
#68წარმატებისისტორია
#ევროკავშირი #შვედეთი #ავსტრია
#პროექტიGRETA #მთისეკონომიკისგანვითარებისთვის
