გამარჯობა,

მე ლამარა ჩიხელიძე გახლავართ, ფერმერი და ჭიათურის ფერმერთა ცენტრის დირექტორი, ზემო იმერეთის რაიონის სოფელი ქვაციხედან. ამასთანავე, ვარ ექიმი ვეტერინარი, მაქვს საოჯახო ფერმა, მყავს ფუტკარი და  ჩართული ვარ სოფლის მეურნეობის მიმართულებით მრავალ აქტივობაში. მხოლოდ საკუთარ თავზე საუბარი რომ არ გამომივიდეს, სჯობს ამბის მოყოლა უახლოესი წარსულიდან დავიწყო. 2019 წელს, ამბროლაურში ორგანულ სოფლის მეურნეობითა და  ტურისტული პროდუქტების განვითარებით დაინტერესებული  მაღალმთიანი რეგიონების მეწარმეების განვითარებისთვის ხელშემყობი პროექტის პრეზენტაცია ჩატარდა. მიღებული ინფორმაციის შედეგად, მყარად გადავწყვიტე პროექტში ჩართულობა,  საკუთარი რეგიონში ბიო-მეწარმეობის განვითარების მიზნით.

განვლილ გზას რომ თვალი გადავავლო, დანამდვილებით შემიძლია ვთქვა, რომ პროქტში მონაწილეობა ძალიან სწორი არჩევანი იყო. ევროკავშირის, შვედეთის და ავსტრიის მხარდაჭერით, პროექტის ფარგლებში, დამიფინანსდა 500 კვადრატული მეტრი სათბური, სადაც მომყავს მარწყვი და ბიო ბოსტნეულის კულტურები. სწორედ ეს გახდა ბიძგი, სერიოზულად დავფიქრებულიყავით ბიო წარმოებაზე.  ვიმედოვნებთ, რომ მომავალი მოსავალი, ბიო სტანდარტებს დააკმაყოფილებს და შედეგად, ბიოსერთიფიკატსაც მოვიპოვებთ, რაც ამ მიმართულებაში უმნიშვნელოვანესი კომპონენტია.

გულითადი მადლიერება მსურს გამოვხატო  დონორების მიმართ, რომელთა მხარდაჭერით განხორციელებული ტრენინგები და აღნიშნულ ტრენინგებზე მიღებული ღირებული ცოდნა, მნიშვნელოვნად გვეხმარება ჩვენი ყოველდღიური საქმიანობის პრაქტიკული ნაწილის წარმატეით განხორციელებაში. ბიო მარწყვის მოყვანის კუთხით მიღებული ექპერტული ცოდნა  და გამოცდილება, გვიჩენს სურვილს და მზაობას სხვა დამწყები მეწარმეების მხარდაჭერისა და მოტივირების კუთხით.

როცა წარმატებაზე ვსაუბრობთ, არ შეიძლება გვერდი ავუაროთ იმ გადალახულ წინაღობებს, რომელსაც, ჩემი აზრით, უნდა შევეცადოთ ისე შევხედოთ როგორც პოზიტიურ გამოცდილებას. ჩემს შემთხვევაში ეს იყო დიდთოვლობა და მის შედეგად დაზიანებული სათბური. რაოდენ პათეტიურადაც არ უნდა ჟღერდეს, რომ არა პროექტი GRETA და დონორების ხელშეწყობა, ალბათ ამ იმედგაცრუების შემდეგ, საერთოდ შევწყევტდი ბიო მარწყვის მოყვანას. მათი დახმარებით, შევძელი სათბურის აღდგენა, რასაც გულწრფელად რომ გითხრათ არ მოველოდი. დონორების შეუდრეკელმა მხარდაჭერამ,  მომცა ძალა, გადამელახა არსებული გამოწვევა და მოძრაობა არ შემეწვიტა. 

ეს იყო უდიდესი სტიმული, პასუხისმგებლობა, ასევე დიდი გამოცდილებაც და საკუთარი მაგალითიდან გამომდინარე, მსურს ყველა გავამხნევო და მოვუწოდო, რომ არ შეუშინდნენ არსებულ ბარიერებს, რადგან ყველა წამოწყებას თან სდევს გამოწვევა, თუმცა შეპოვრობა და მიზნისადმი თავდედებული შრომა, მუდამ ნაყოფიერ შედეგს იძლევა.

რაც შეეხება ჩემს გეგმებს, ვფიქრობ, ბიო მიმართულებას მთელს მსოფლიოში და მათ შორის საქართველოშიც სულ უფრო მეტი ყურადღება ეთმობა და ჩემი გეგმებიც ბიო სასათბურე მეურნეობის გაზრდას უკავშირდება, რომელიც, ჩემი გათვლებით ფინანსურადაც ძალიან საინტერესო და პერსპექტიული გახდება.

დასასრულს დავძენ, რომ მზად ვარ ახალი საქმიანი კავშირებისთვის და სხვადასხვა ინიციატივებთან თუ პროექტებთან თანამშრომლობისთვის. ჩვენთან დაკავშირება შესაძლებელია სოციალური ქსელის, კერძოდ პირადი ფეისბუქ გვერდის საშუალებით: Lamara Chikhelidze.

---

ევროკავშირის, შვედეთის და ავსტრიის მხარდაჭერით საქართველოს მაღალმთიან რეგიონში, მცირე და საშუალო მეწარმეები, რომლებმაც მიიღეს მნიშვნელოვანი მხარდაჭერა ბიზნესის განთვითარებისთვის, ჯამში 68 მეწარმეს ითვლის.

თვალი ადევნეთ წარმატების შემდეგ ისტორიებს, სადაც საოცრად საინტერესო ხალხი გვიამბობს საკუთარ გამოცდილებებზე.

პროექტი GRETA | „მწვანე ეკონომიკა: მდგრადი სამთო ტურიზმი და ორგანული სოფლის მეურნეობა“ ევროკავშირის, ავსტრიისა და შვედეთის მხარდაჭერით, საქართველოში ავსტრიის განვითარების სააგენტო ახორციელებს. პროექტი მიზნად ისახავს ბიზნეს-გარემოს გაუმჯობესების ხელშეწყობას და დამატებითი შემოსავლის შექმნის შესაძლებლობის გაზრდას საქართველოს ეკონომიკის ორ ისეთ მნიშვნელოვან სექტორში, როგორიცაა სამთო ტურიზმი და ორგანული სოფლის მეურნეობა. მეტი ინფორმაცია პროექტ GRETA-ს შეახებ: www.gretaproject.ge

ეს მასალა მომზადებულია ევროკავშირის, შვედეთის და ავსტრიის თანადაფინანსებით, პროექტ GRETA-ს ფარგლებში. მის შინაარსზე სრულად პასუხისმგებელია ავსტრიის განვითარების სააგენტო/პროექტი GRETA და შესაძლოა, რომ იგი არ გამოხატავდეს ევროკავშირის, შვედეთის და ავსტრიის შეხედულებებს. 

#68წარმატებისისტორია

#ევროკავშირი #შვედეთი #ავსტრია

#პროექტიGRETA #მთისეკონომიკისგანვითარებისთვის