ისევე, როგორც მთლიანად სვანური სამზარეულო, უნიკალურია სვანური ზისხორა - "სისხლის ძეხვი", რომელსაც სვანები მეტ წილად სადღესასწაულოდ ამზადებენ. მისი მომზადება სვანეთში მთელი რიტუალია...
ღორის სისხლს გადაწურავენ, ურევენ ნაფერდალის ქონს, წვრილად დაკეპილ ხახვს, ნიორს, წიწაკას, უცხო სუნელს, კამას და მარილს. თან სისხლი დედდება... შენელებული სისხლის მასა თავსდება წინასწარ კარგად გარეცხილ ნაწლავებში.
თითო "ძეხვის" სიგრძე 30-40 სმ-ია. ნაწლავს ჯერ ერთ ბოლოში ძაფს მოუჭერენ და ასხამენ სისხლის მასას. შემდეგ "ძეხვს" ადუღებულ წყალში აგდებენ და ხარშავენ, შემდეგ კი წვავენ.
ასაღნიშნია ის ფაქტი, რომ სისხლის ძეხვი მსოფლიოს ძალიან ბევრ ქვეყანაში პოპულარობით სარგებლობს , ჩვენდა სამწუხაროდ კი ზისხორას არსებობა თითქოს მივიწყებულია და ვერც ერთ მსოფლიო სისხლის ძეხვის რეცეპტების ჩამონათვალში ვერ აღმოვაჩინეთ, როდესაც "სვანურ ძეხვს" დიდი ისტორია აქვს...
სხვანური ზისხორა საკმაოდ ნოყიერი, გემრიელი და სასარგებლოა.