სვანეთინიუსი 28.01.2021

მესტიისა და ლენტეხის მუნიციპალიტეტებში ადგილის მართვის ორგანიზაცია ყალიბდება

08.12.2020 10:05

უკვე რამდენიმე თვეა პროექტ GRETA-ს ფაგლებში მესტიისა და ლენტეხის მუნიციპალიტეტებში ადგილის მართვის ორგანიზაციის (DMO) ჩამოყალიბება და გაძლიერება ხორციელდება.

ადგილის მართვის ორგანიზაციის ჩამოყალიბებისა და განვითარების პროცესში ჩართულები არიან ევროპელ წამყვან ექსპერტთა   PKF-Turismexpe ჯგუფი რომლებმაც განახორციელეს ინტენსიური პირველადი შეხვედრებ და მოკვლევითი სამუშაოები.

როგორც ჩვენთან საუბრისას "PKF ტურიზმის ექსპერტების" მართველი პარტნიორი კრისტოფერ ჰინტერეგი ამბობს, სვანეთს აქვს საკმაოდ დიდი შესაძლებლობები და მიმზიდველი ტურიტული ზონები, ამიტომ ადგილის მართვის ორგანიზაციის სტრუქტურის შექმნა რეგიონში  მნიშვნელოვანი კონტრიბუტორი იქნება ტურისტული პროცესების სწორად მართვაზე.

"ჩვენ ჩამოვედით მესტიაში რამდენიმე დღის წინ ევროკავშირის, ავსტრიის და შვედეთის დაფინანსებული პროექტის ფარგლებში, რომელიც ხელს უწყობს რეგიონში ტურისტული პოტენციალის განვითარებას. ჩვენი კონკრეტული დავალებაა შევისწავლოთ და გავაანალიზოთ არსებული ვითარება და შევიმუშაოთ სვანეთის ადგილის მართვის ორგანიზაციის სტრუქტრა, რომელიც მოიცავს 2 მუნიციპალიტეტს: მესტიას და ლენტეხს. ჩვენ გვქონდა რამდენიმე საინტერესო დისკუსია როგორც სამთავრობო, ასევე კერძო სექტორის წარმომადგენლებთან, რომ უკეთ გავეცნოთ არსებულ სიტუაციას, მოლოდინებს და ხელი შევუწყოთ რეგიონის ტურისტული პოტენციალის განვითარებას, რადგან ვფიქრობთ, რომ სვანეთს აქვს საკმაოდ დიდი შესაძლებლობები მიმზიდველი ტურიტული ზონებით.

როგორც აღვნიშნე ამჟამად, ჩვენ ვმუშაობთ ადგილის მართვის ორგანიზაციის სტრუქტურის შექმნაზე, რომელიც მნიშვნელოვანი კონტრიბუტორი იქნება რეგიონში ტურისტული პროცესების სწორად მართვაზე".

იხილეთ ვიდეო:

შეგახსენებთ, რომ პროექტი GRETA | მწვანე ეკონომიკა: მდგრადი სამთო ტურიზმი და ორგანული სოფლის მეურნეობა (ხორციელდება ევროკავშირისა და ევროკავშირის და ევროკავშირის წევრი ქვეყნების, შვედეთისა და ავსტრიის თანადაფინანსებით, ავსტრიის განვითარების სააგენტოს მიერ).

პროექტის ბიუჯეტი შეადგენს 6,8 მილიონი ევროს, საიდანაც ევროკავშირის მიერ გამოყოფილი თანხა 3 მილიონია, შვედეთის - 2.8 მილიონი, ხოლო ავსტრიის განვითარების თანამშრომლობის - 1 მილიონ ევრო.

დამატებითი ინფორმაცია პროექტ GRETA-ს შესახებ იხილეთ ბმულზე.

GE EN RU