კუბდარისგან განსხვავებით, ამ შემთხვევაში გამოიყენება საქონლის მუცლის ქონი, რომელიც ძალიან სასარგებლოა სასუნთქი გზებისთვის (განსაკუთრებით ამ ვირუსების პერიოდში) და აქვს არაჩვეულებრივი გემო ✅
მომზადებისთვის საჭიროა:
1 კილო საქონლის მუცლის ქონი (შესაძლებელია ყველის შერევაც)...
4 საშუალო ზომის ხახვი
2 თავი ნიორი
1 სუფრის კოვზი_ხმელი დაფქვილი უცხოსუნელი, ძირა, ქინძი...
1 ჩაის კოვზი_ხმელი,დაფქვილი ყვითელი ყვავილი, კამა, წიწაკა
მარილი 1 ჩაის კოვზი.
ცომი
უმაღლესი ხარისხის ფქვილისგან გავაკეთოთ ჩვეულებრივი ცომი საფუარით და მარილით, როცა ამოფუვდება უკანვე ჩაზილეთ და ხელახლა რომ ამოვა ცომიც მზადაა.
შიგთავსის მომზადება:
წვრილად ვჭრით მიცლის ქონს. ვუმატებთ ძალიან წვრილად დაჭრილ ხახვს,დაჭყლეტილ ნიორს,ზემოთ მოცემულ ხმელ და კარგად დაფქვილ სუნელებს..მარილს.. კარგად ავზილავთ ერთმანეთში ხელით. ვყოფთ 6 ნაწილად და როგორც ხაჭაპურის შიგთავსს ვაგუნდავებთ ისე ვამრგვალებთ საშუალო ზომის ბურთებად. სულ 6 გუნდა გამოდის.
ისე,როგორც იმერული ან მეგრული ხაჭაპურისთვის დებთ გუნდას ცომში, ჩადებთ მზა გუნდასაც, კრავთ და აბრტყელებთ. ფრთხილად გააბრტყელეთ, რომ ბოლომდე გავიდეს ხორცი და არ დარჩეს მხოლოდ შუაგულში. შევდოთ ღუმელში,როგორც ხაჭაპურს აცხობთ,ისე გამოაცხვეთ. ღვესეს კუბდარის ცომი არ იჭრება ზემოდან, როგორც ხაჭაპურის,როცა უკვე შიგთავსი შიგნითაა.ამიტომ კუბდარი ხანდახან სკდება და იქიდან შიგთავსის წვენი ოდნავ ჟონავს.არ შეგეშინდეთ!
აცხვეთ 20_30 წუთი.ეს დრო ჰყოფნის,რადგან ხორცი წვრილადაა დაჭრილი. ზემოდან რომ დაიბრაწება ღვესეს კუბდარიც მზადაა! :)
წყარო: © "სვანეთინიუსი"