მოკრივე ლაშა გურგულიანმა super welter წონაში მსოფლიოს ჩემპიონის ქამარი დაიცვა.

WBF-მა ჩვენს ჩემპიონს მეტოქედ ასაკით თავისივე ტოლი მექსიკელი ედგარ ორტეგა შეურჩია, რომელიც ცნობილია იმით, რომ WBO (კრივის მსოფლიო ორგანიზაცია) ლათინური ამერიკის ჩემპიონის ქამარს ფლობდა. ამასთან, ორტეგას აქამდე დაუმარცხებელ სპორტსმენებთან დანიელ კრუიზთან (8-0) და მიგელ სანჩესთან (14-0) აქვს მოგებული.

მსოფლიოს ჩემპიონის ქამარი 29 წლის ლაშა გურგულიანმა გასული წლის მაისში მოიპოვა, როდესაც ეგვიპტის დედაქალაქ ქაიროს რინგზე გამართული საჩემპიონო პაექრობა, ბერძნული წარმოშობის ადგილობრივ მოკრივეს ანდრეას ვალავანისს მოუგო და მასპინძლებს წინასწარ დაგეგმილი დღესასწაული ჩაუშალა.

ამბიციებმაც არ დააყოვნა და ახლა იგივეთი უკვე მექსიკელი მესტიელს ემუქრებოდა.

ედგარ ორტეგამ იცოდა, რომ საქართველოში ორთაბრძოლისას მსოფლიოს მოქმედი ჩემპიონი მისი ქართველი მოწინააღმდეგე გაცილებით კომფორტულად იგრძნობდა თავს გულშემატკივარის და შინაური კედლების გათვალისწინებით, თუმცა მისი გეგმებით ის აპირებდა ისევე მოესპო საზიმო მიზეზი გურგულიანსა და მისი ქომაგებისთვის, როგორც ლაშამ გასულ წელს ეს ეგვიპტეში გააკეთა.

მსოფლიოს ჩემპიონის ქამარისთვის ორთაბრძოლა 26 იანვარს ვერის ბაღის კალათბურთის სასახლეში შედგა და ლაშა გურგულიანმა პირველივე წუთიდან დაიწყო მეტოქის დაჩაგვრა.

საბოლოოდ კი ქამარი ისევ ქართველ მოკრივეს დარჩა, მექსიკელი კი სამშობლოში წელცარიელი დაბრუნდება.