სვანეთინიუსი 18.08.2019

ფესტივალი "სვანეთობა 2019"- 29 ივლისი

27.07.2019 18:46

29 ივლისს, მესტიაში სეტის მოედანზე ღია ცის ქვეშ ფესტივალი „სვანეთობა 2019“ გაიმართება. 

ღონისძიებაში მონაწილეობას ადგილობრივი ფოლკლორული ანსამბლები და ინდივიდუალური შემსრულებლები მიიღებენ. 

ფესტივალის ფარგლებში სეტის სკვერში 12:00 საათიდან გაიმართება ტრადიციული სვანური სამზარეულოსა და ხალხური რეწვის ნიმუშების გამოფენა - გაყიდვა. 

მთელი დღის განმავლობაში ადგილობრივ მოსახლეობას, ჩამოსულ ქართველ თუ უცხოელ სტუმრებს, შესაძლებლობა ექნებათ ფესტივალის მიმდინარეობის დროს მესტიის მუნიციპალიტეტის ტერიტორიული ერთეულების პავილიონებთან დააგემოვნონ სვანური ტრადიციული სამზარეულო, ასევე დაათვალიერონ  წარმოდგენილი ხალხური რეწვის ოსტატების ნამუშევრები. 

17:00 საათზე კონცერტს გამართავს სპეციალურად ამ დღისთვის მოწვეული  მუსიკალური ბენდი ,,blu sail"

ღონისძიება 19:00 საათზე ნინო ბაშარულის სოლო კონცერტით დასრულდება. 

ფესტივალი ,,სვანეთობა 2019" მესტიის მუნიციპალიტეტის მერიისა და მერიის ა(ა)იპ კულტურისა და ხელოვნების ცენტრის ორგანიზებით ხორციელდება.

როგორ ჩატარდა "სვანეთობა 2018" იხილეთ მოცემულ ბმულზე:

https://m.facebook.com/story.php?story_fbid=1401970066627411&id=936209819870107

GE EN RU