გიორგი მუსელიანმა და კიდევ ორმა ჯარისკაცმა ორი მცირეწლოვანი ხანძრისგან დაღუპვას გადაარჩინა.

შემთხვევა რუსთავში მოხდა, როდესაც ჯარისკაცები გასამართ ღონისძიებაზე მიდიოდნენ. მათ გზიდან შეამჩნიეს, რომ ფანჯრიდან კვამლი გამოდიოდა, ადგილზე მისულებს კი ბინაში ძლიერი ხანძარი დახვდათ.

სახლში ამ დროისათვის  2 მცირეწლოვანი იმყოფებოდა. მეზობლების თქმით ბავშვების მამა გარეთ იყო და სახლში ვერ შედიოდა.

ძლიერ ხანძართან ერთად იყო დაკვამლიანება, ამიტიმაც ოთახში შესვლას ვერავინ ბედავდა თუმცა სამმა ჯარისკაცმა საკუთარი სიცოცხლის რისკის ფასად ოთახში შეაღწია და 2 მცირეწლოვანი ალმოკიდებული სახლიდან გამოიყვანა. 

მაღალი დაკვამლიანების შედეგად სამხედროებმა მძიმე ინტოქსიკაცია მიიღეს. ერთ-ერთი მათგანი ინგოროყვას კლინიკაშია გადაყვანილი, ხოლო ორს, კლინიკა "რუსთავში" შესაბამისი სამედიცინო კვლევები უტარდება.

კლინიკა "რუსთავის" გადაუდებელი დახმარების დეპარტამენტის მორიგე-ექიმი მანანა გაბაშვილი ამბობს:

"კლინიკაში შემოყვანილია ორი ჯარისკაცი. შემოყვანისას ორივე უჩიოდა თავბრუსხვევას, ყლაპვისა და სუნთვის გაძნელებას. გაიარეს ტოკსიკოლოგის კონსულტაცია. ამჟამად მდგომარეობა შედარებით გაუმჯობესებულია, მიმდინარეობს დაკვირვება".

სამხედროების ვინაობა გარკვეულია, ესენი არიან: 26 წლის დავით კვიწინაძე და 34 წლის ალექსანდრე ჯანიაშვილი, მესამე ჯარისკაცი კი გიორგი მუსელუანია, რომელიც შედარებით მძიმედ იყო და ინგოროყვას სახელობის კლინიკაში გადაიყვანეს.

შეგახსენებთ, ხანძარი მეგობრობის გამზირზე საცხოვრებელი კორპუსის მესამე სართულზე, დილის საათებში გაჩნდა.

იხ: ვიდეო-

Inforustavi.Ge