სვანეთინიუსი 29.11.2021

მარტიდან საქართველოში სურსათის ეტიკეტირების ახალი წესი ამოქმედდა

02.03.2019 13:50

1 მარტიდან საქართველოში სურსათის ეტიკეტირების ახალი წესი ამოქმედდა. როგორც სურსათის ეროვნულ სააგენტოში აცხადებენ, რეგულაციის მიზანია, მომხმარებელმა მიიღოს დეტალური ინფორმაცია სარეალიზაციო ქსელში განთავსებული სურსათის შესახებ, რაც ადამიანის ჯანმრთელობისა და უფლებების დაცვისკენ არის მიმართული.

ახალი რეგულაციით, გაიზარდა ეტიკეტზე დასატანი სავალდებულო ინფორმაციის ჩამონათვალი. კერძოდ, ეტიკეტზე განთავსდება ინფორმაცია სურსათის უვნებლობისა და კვებითი ღირებულების შესახებ, რადგან გარკვეულ შემთხვევებში, სურსათის შემადგენლობა შესაძლოა საზიანო იყოს სპეციფიკური მომხმარებლისათვის. გარდა ამისა, დღეიდან ალერგენებთან დაკავშირებული ინფორმაცია უნდა განთავსდეს განსხვავებული ფორმით, რაც განსაკუთრებული კვებითი რეჟიმის მქონე მომხმარებელს სწორი არჩევანის შესაძლებლობას მისცემს.

ამასთან, მათ შორის რეგლამენტით განისაზღვრა: ეტიკეტზე განთავსებული ინფორმაციის შრიფტის ზომა და სურსათის შესახებ ინფორმაციის ფორმა და ადგილი და ა.შ.

C- PalitraNews

GE EN RU