მესტიის მუნიციპალიტეტის ბეჩოს თემში სოფლის მხარდასაჭერი პროგრამის ფარგლებში რიგით პირველი შეხვედრა გაიმართა. თითოეულ ბეჩოს თემში მცხოვრებ მოქალაქეს საშუალება ჰქონდა ჩართულიყო თავისი სოფლისთვის ყველაზე საჭირო და მნიშვნელოვანი, სახელმწიფოს მიერ გამოყოფილი თანხის ფარგლებში ამა თუ იმ საჭირო პროექტების განხორციელების განხილვაში.
დღეს დილიდან მოსახლეობა მსჯელობდა, რომელი პროექტის განხორციელება იყო ამ ეტაპზე ყველაზე მნიშვნელოვანი საკუთარი სოფლისათვის.
საბოლოოდ ბეჩოს თემში არსებული სოფლების მაცხოვრებლები შეთანხმდნენ, რომ სახელმწიფოს მიერ სოფლის მხარდასაჭერი პროგრამის ფარგლებში გამიყოფილი თანხით თავიანთ სოფლებში გაკეთდება:

1. სოფელ ტვებიშში დამონტაჟდება წყლის რეზერვუარები.დაიგეგმა მინერალური წყალის კეთილმოწყობა.

2. სოფელი მაზერში მოწესრიგდება სასმელი წყლის მიწოდება.

3. სოფელი ჭოხულდის მოსახლეობამაც თავისი სოფლისათვის სასმელი წყლის მიწოდების  მოწესრიგება არჩია.

4. სოფელ ბაგვდანარში მოწესრიგდება შიდა საავტომობილო გზები.

5.სოფელი ნაშთქოლის მოსახლეობამაც ამ ეტაპზე შიდა გზების მოწესრიგება არჩია.

6.სოფელუ უშხვანარის მაცხოვრებლებმა გადაწყვიტეს სტადიონის კეთილმოწყობა და სკოლის შემოღობვა.

7.სოფელი ცხეკვანის მოსახლეობამ გადაწყვიტა ამ თანხით სტადიონი გააკეთოს.

8.სოფელ ჭკიდანარში შემოღობავენ სასაფლაოებს.

9.სოფელ გალაში ეს თანხა სოფლის შიდა საგზაო სამუშაოებში დაიხარჯება.

10.სოფელი დოლის მაცხოვრებლებიც მიიჩნევენ, რომ ამ ეტაპზე გამოყოფილი თანხა სასმელი წყლის კეთილმოწყობას უნდა მოხმარდეს.

11. დოლასვიფის მოსახლეობის აზრი ორად გაიყო, ამიტომ უახლოეს მომავალში კენჭისყრის შედეგად გადაწყვეტენ თანხა კლუბის კეთილმოწყობისთვის გამოიყენონ თუ სასმელი წყლისთვის.

12.სოფელი ლანხვარის მოსახლეობა ამ თანხით ეკლესიის შემოღობვასა და მიმდებარე ტერიტორიის მოწესრიგებას გეგმავს.

13.სოფელი ქართვანის მოსახლეობა ამჯობინებს, რომ გამოყოფილი თანხა თავიანთ სოფელში არსებული ტაძირს კეთილმოწყობაში დახარჯოს.

შეგახსენებთ, რომ სოფლის კრებები მესტიის მუნიციპალიტეტის თითოეულ სოფელში მიმდინარე წლის 4 თებრვლიდან გაიმართება.
 თანხა კი განაწილდება დასახლების ზომის მიხედვით:
• 200 კაცამდე- 5000 ლარი;
• 400 კაცამდე - 6000 ლარი;
• 1000 კაცამდე - 8000 ლარი;
• 1000 კაცზე მეტი - 10000 ლარი. 
 საქართველოს მთავრობის დადგენილებით განსაზღვრულია კატეგორიები, რომლებსაც გამოყოფილი თანხა მოხმარდება. ესენია:
• სასმელი წყლის გაყვანილობა;
• სარწყავი სისტემები;
• სანიაღვრე არხები;
• ნაპირსამაგრი სამუშაოები;
• გზები;
• ხიდები, ცხაურები, ხიდბოგირები, გადასასვლელები;
• გარე განათება;
• სკოლების მიმდებარე ტერიტორიების კეთილმოწყობა;
• სკოლამდელი დაწესებულებებისთვის შესაბამისი ინვენტარი;
• ამბულატორიული შენობების რემონტი;
• კულტურის ოებიექტების კეთილმოწყობა;
• სპორტული ინფრასტრუქტურა, მოედნები და მოედნების ინვენტარი;
• სკვერები და სველი წერტილები შესაბამისი ინვენტარით;
• წისქვილების რეაბილიტაცია და შესაბამისი ინვენტარი;
• სასაფლაოს შემოღობვა;
• თავშეყრის ადგილები, მოსაცდელების კეთილოწყობა.

ხვალ, 5 თებერვალს სამუშაო ჯგუფი ეცერის თემს ესტუმრება.