სვანეთინიუსი 18.08.2019

ჭუბერში სტიქიით დაზარალებული 17 ოჯახიდან, 14-მა კომპენსაცია მიიღო

16.01.2019 17:45

სამეგრელო-ზემო სვანეთის გუბერნატორის მოადგილის ნინო ვიბლიანის ინფორმაციით, გასულ წელს ჭუბერში სტიქიით დაზარალებული 17 ოჯახიდან, 14-მა კომპენსაცია მიიღო. 

ნინო ვიბლიანის თქმით დარჩენილ სამ ოჯახს ზარალი 20 იანვრამდე აუნაზღაურდება. 

„მათ პრობლმური რეგისტრაციები ჰქონდათ, რის მოგვარებასაც დრო დასჭირდა. მომდევნო სამი-ოთხი დღის განმავლობაში კომპენსაციას ისინიც მიიღებენ“, - აღნიშნა მან. 
მისივე ინფორმაციით, საკომპენსაციოდ 500 ათასი ლარი საქართველოს ფინანსთა სამინისტრომ გამოყო, 539 ათასი ლარი კი - მესტიის მუნიციპალიტეტმა. 

შეგახსენებთ, რომ ჭუბერში სტიქია 2018 წლის 5 ივლისს მოხდა. ადიდებულმა მდინარე ნენსკრამ საცხოვრებელ სახლებთან ერთად, გზები და ხიდები წაიღო, რომელთა აღდგენა ჯერ კიდევ არ დასრულებულა.

BM.GE

GE EN RU