სვანეთინიუსი 26.03.2019

როგორ დავიცვათ თავი ვირუსული დაავადებებისგან

11.01.2019 12:49

ზუგდიდის რეფერალურ ჰოსპიტალში გრიპისთვის დამახასიათებელი სიმპტომებით 51 ადამიანია მოთავსებული, მათგან ერთი მართვით სუნთქვაზეა.

"სვანეთინიუსი" დაინტერესდა, დაფიქსირებულა თუ არა H1N1 ვირუსის მქონე პაციენტი მესტიის მინუცუპალიტეტის საავადმყოფოში.

როგორც საავადმყოფოს პერსონალი აცხადებს, H1N1 ვირუსის მქონე პაციენტი მათთან არ დაფიქსირებულა, თუმცა მსგავსი შემთხვევებისთვის ისინი მზად არიან. ჯანდაცვის სამინისტრომ მესტიის მუნიციპალიტეტს საჭირო მედიკამენტები უკვე გადასცა.

დაავადებულთა აბსოლუტურ უმრავლესობას გრიპის დროს მხოლოდ მოსვენება, ბლომად სითხე და სიმპტომური საშუალებები სჭირდება. ამავე დროს ყველამ კარგად უნდა დავიმახსოვროთ საგანგაშო ნიშნები და რაც შეიძლება სწრაფად დაუკავშირდეთ ექიმს.

ეს ნიშნებია:

- სუნთქვის გახშირება ან გაძნელება;

- ტკივილის ან სიმძიმის შეგრძნება გულმკერდის ან მუცლის არეში;

- უეცარი თავბრუხვევა;

- ძლიერი ან შეუკავებელი პირღებინება;

- გრიპისმაგვარი სიმპტომების შესუსტების შემდეგ სიცხის ხელახალი აწევა და ხველის გაძლიერება.

რჩევის სახით "სვანეთინიუსმა" მოიძია ექიმთა რეკომენდაციები, თუ როგორ უნდა დაიცვას ადამიანმა თავი ნებისმიერი ვირუსული დაავადებისგან.

1. ხშირად დავიბანოთ ხელები საპნით და კარგად გავიმშრალოთ.

2.არ მოვისრისოთ თვალები, ცხვირი და ხელი არ მივიტანოთ პირთან.

3.გაანიავეთ ოთახები. მაგიდები, კარების სახელურები და ა.შ გაწმინდეთ სპირტით.

4.ხალხმრავალ ადგილებში ან ვირუსის მატარებელ ადამიანთან ერთად ყოფნისას ატარეთ პირბადე და მოერიდეთ ახლო კონტაქტს.

5.მიიღეთ ცე-ვიტამინი. (ლიმონი, დრაჟე) იმუნიტეტის გასაძლიერებელი პრეპარატები, თაფლიანი წყალი. აირჩიეთ ჯანსაღი საკვები და ჯანსაღი ცხოვრების წესი.

6.სახლში დაბრუნებულმა მიიღეთ შედარებით ცხელი შხაპი.

7.არ არის მითი, რომ ნიორი ვირუსისგან გიცავთ, ამიტომ ღამით 1-2 კბილი ნიორის მირთმევა სასარგებლოა, თუმცა ყველა ზემოთ ჩამოთვლილი წესების დაცვით!

8.ხშირად აკონტროლეთ ტემპერატურა. გულისრევის, თავის ტკივილისა და 37° ტემპერატურის გადაჭარბების შემთხვევაში დაუყონებლივ მიმართეთ ექიმს.

9. თუ თვლით რომ გაციების სიმპტომები გაქვთ, გაიკეთეთ ნიღაბი, ამით სხვის ჯანმრთელობას დაიცავთ.

10. დაიცავით ყველა ზემოთ ჩამოთვლილი წესი და ვირუსი არასდროს გაგეკარებათ

GE EN RU