სვანეთინიუსი 18.08.2019

სამეგრელო-ზემო სვანეთში დანიშნულების ადგილის მართვის ორგანიზაცია დაფუძნდება

12.12.2018 12:05

სამეგრელო-ზემო სვანეთში დანიშნულების ადგილის მართვის ორგანიზაცია (DMO-დი-ემ-ოუ) დაფუძნდება.

ორგანიზაციის დაფუძნების მემორანდუმს, ხელი USAIS Zrda პროექტის ხელმძღვანელმა ბრაიან კინგმა, საქართველოს ტურიზმის ეროვნული ადმინისტრაციის ხელმძღვანელმა გიორგი ჩოგოვაძემ, სამეგრელო-ზემო სვანეთის გუბერნატორის პირველმა მოადგილემ ირაკლი ჯიქიამ,მესტიის მუნიციპალიტეტის მერის  მოადგილემ ირაკლი ქურდიანმა, მუნიციპალიტეტების მერებმა და ადგილობრივი ხელისუფლების სხვა წარმომადგენლებმა მოაწერეს.

DMO-ს მიზანია სამეგრელო-ზემო სვანეთის რეგიონის ტურიზმის განვითარების მოდელის შექმნის ხელშეწყობა და მისი პოპულარიზაცია.

DMO-ს დაარსებით, Zrda და საქართველოს ტურიზმის ეროვნული ადმინისტრაცია ერთობლივად განსაზღვრავენ რეგიონში ტურიზმის განვითარებასთან დაკავშირებულ გამოწვევებსა და პრიორიტეტებს.

DMO ჩაატარებს რეგიონში ყველა ტურისტული ღირსშესანიშნაობის არსებული მდგომარეობის ანალიზს, მოიძიებს და დანერგავს ახალ მიდგომებს, რაც ხელს შეუწყობს რეგიონის ეკონომიკურ ზრდას და დასაქმებას.

პარალელურად, Zrda და საქართველოს ტურიზმის ეროვნული ადმინისტრაცია თანამშრომლობენ სამცხე-ჯავახეთის DMO-ს დაარსების მიმართულებით.

პროექტი საქართველოს ტურიზმის ეროვნული ადმინისტრაციის და USAID/Zrda-s ინიციატივით და სამეგრელო-ზემო სვანეთის ადმინისტრაციის მხარდაჭერით ხორციელდება.

GE EN RU