სვანეთინიუსი 18.08.2019

პრემიერი: მომავალი წლიდან დაგეგმილია მესტიის და უშგულის განახლების პროექტები

12.12.2018 02:52

11 დეკემბერს მსოფლიო მთის საერთაშორისო დღეს აღნიშნავს, თუმცა საქართველოში ეს დღე წელს პირველად აღინიშნა.

ამასთან დაკავშირებით საგამოფენო ცენტრ „ექსპო ჯორჯიაში“ საქართველოს მთავრობამ მაღალმთიანი რეგიონების განვითარების 2019-2023 წლების სტრატეგიის მთავარი მიმართულებები წარადგენა.

საქართველოს პრემიერ-მინისტრის, მამუკა ბახტაძის განცხადებით, მომავალი წლიდან დაიგეგმება მესტიისა და უშგულის განახლების პროექტები. მისივე თქმით, გრძელდება უშგულის თემის სოფელ ჩაჟაშში კოშკებისა და მაჩუბების აღდგენის პროცესიც.

"მთა და მთის კურორტები უნდა განვითარდეს თანამედროვე მოთხოვნების შესაბამისად, რათა ქვეყანამ მოიპოვოს საერთაშორისო სპორტული ტურნირების ჩატარების პოტენციალი"-განაცხადა ბახტაძემ.

GE EN RU