სვანეთინიუსი 18.08.2019

მესტიის სასწრაფო სამედიცინო დახმარებას ორი ავტომობილი შეემატა

02.06.2018 05:02
მესტიის სასწრაფო სამედიცინო დახმარების ავტოპარკს, სპეციალურად რთულ რელიეფზე გადაადგილებისთვის, 2 სპეცმანქანა შეემატა. შრომის, ჯანმრთელობისა და სოციალური დაცვის სამინისტროს ინფორმაციით ახალი ევროსტანდარტების შესაბამისი სამედიცინო წესით აღჭურვილი ავტომობილები რაიონულ სამსახურს საგანგებო სიტუაციების კოორდინაციისა და გადაუდებელი დახმარების ცენტრის დირექტორმა, ავთანდილ თალაკვაძემ, ოკუპირებული ტერიტორიებიდან იძულებით გადაადგილებულ პირთა, განსახლებისა და ლტოლვილთა მინისტრ სოზარ სუბართან და მესტიის მუნიციპალიტეტის მერ კაპიტონ ჟორჟოლიანთან ერთად გადასცა. მათივე ინფორმაციით, ახალი სპეცმანქანები ყველა სირთულის რელიეფზე გადაადგილებისთვის არის გათვალისწინებული. მესტიის მუნიციპალიტეტში 160-მდე სოფელია, რომელთაგან 90-ზე მეტი - რთულად მისასვლელ ადგილებშია. დღეიდან კი განახლებული ავტოპარკის საშუალებით სასწრაფო დახმარების გაწევა ყველა წერტილში, ოპერატიულად იქნება შესაძლებელი.
GE EN RU