სვანეთინიუსი 12.12.2018

ახალი წლიდან მესტიას წყლის გამწმენდი ნაგებობა ექნება

19.09.2018 10:20

ტურისტულ ზონებში წყალმომარაგების სისტემის მასშტაბური სამუშაოები აქტიურად გრძლედება. მესტიაში მიმდინარე წყლის გამწმენდი ნაგებობის მშენებლობის პროცესს რეგიონული განვითარებისა და ინფრასტრუქტურის სამინისტროს გაერთიანებული წყალმომარაგების კომპანიის დირექტორი, ეკატერინე გალდავა და მოადგილე, ირაკლი ურუშაძე ადგილზე გაეცნენ.

თანამედროვე სტანდარტების შესაბამისი ობიექტი მესტიაში მცხოვრებ 3000-მდე ადამიანსა და იქ ჩასულ ტურისტებს უწყვეტი, ხარისხიანი წყალმომარაგებით უზრუნველყოფს.

პროექტის ფარგლებში აშენდა რეზერვუარები და წყლის მაგისტრალური მილსადენი. ამ დროისთვის, სამუშაოების 90% შესრულებულია.

საკურორტო ზონაში წყლის ინფრასტრუქტურის მოწესრიგება, ხელს შეუწყობს ქვეყნის ტურისტული პოტენციალის გაზრდას და ადგილობრივი ბიზნესის განვითარებას.  

სამუშაოები აზიის განვითარების ბაკმა 21 956 496 ლარით დააფინანსა. პროექტის ფარგლებში 100-მდე ადგილობრივი მოქალაქე დასაქმდა. სამუშაოების დასრულება მიმდინარე წლის ბოლოსათვის იგეგმება.

GE EN RU