შინაგან საქმეთა სამინისტრომ მარიხუანასთან დაკავშირებით საკონსტიტუციო სასამართლოს გადაწყვეტილების კანონში ასახვის მიზნით, კანონპროექტი მოამზადა, რომელიც პარლამენტში უკვე შევიდა.

აღნიშნული პროექტი კანონში ცვლილებას ითვალისწინებს, მათ შორის -ადმინისტრაციულ სამართალდარღვევათა და სისხლის სამართლის კოდექსში.

განსაკუთრებით აღსანიშნავია ის, რომ პროექტის მიხედვით, კანაფის ან მარიხუანას მცირე ოდენობით ფლობა, ასევე გადაზიდვა ან/და გადაგზავნა, ისევ 500 ლარით დაჯარიმას გამოიწვევს.

ერთი წლის განმავლობაში იგივე ქმედების გამეორება, ანუ მცირე რაოდენობით მარიხუანას თან ქონა სისხლის სამართლის დანაშაული იქნება და კანონის დამრღვევი ჯარიმით ან საზოგადოებისათვის სასარგებლო შრომით დაკავდება- ვადით 100-დან 160 საათამდე. ჯარიმის ოდენობა კი თითქმის გასამმაგდება...

საქართველოს კანონმდებლობით, გამომშრალი მარიხუანის მცირე ოდენობა 5 გრამამდეა, ხოლო ნედლის 10 გრამამდე. მცენარე კანაფისაც-10 გრამამდე. (70 გრამამდე მარიხუანის ფლობა ასევე სისხლის სამართლის დანაშაულია, თუმცა არ ისჯება თავისუფლების აღვეთით. 70 გრამზე მეტის აღმოჩენის შემთხვევაში კი კანონმდებლობა უფლებას იტოვებს კანონის დამრღვევს თავისუფლების აღკვეთა მიუსაჯოს).

პროექტის მიხედვით, ნარკოტიკული საშუალების მოხმარებად ჩაითვლება მისი მიღების პროცესი ან მისი მოსახმარებლად უშუალოდ მომზადების პროცესი.