მესტიის მუნიციპალიტეტში ბერი ანდრიას ფონდის ორგანიზებით „სიცოცხლის ფესტივალი“ მიმდინარეობს. ღონისძიება უკვე მეორე წელია ტარდება.
სექტემბერი ბავშვთა კიბოსთან ბრძოლის თვეა, ამიტომ ფესტივალის ფარგლებში მოხდება 9 წლიანი ისტორიის ამსახველი ფოტო-გამოფენა.
მესტიის ცენტრში გასაყიდად გამოფენილია ხელნაკეთი ნივთები, ჩანთები და აქსესუარები, შემოსული თანხა სრულად მოხმარდება საქველმოქმედო საქმიანობას.
დღეს 14:00 საათზე, მესტიის მუნიციპალიტეტის მესტიის საკონფერენციო დარბაზში გაიმართება ბერი ანდრიას ცხოვრების შესახებ წიგნის პრეზენტაცია. ღონისძიება მესტიის მუნიციპალიტეტის მერიის მხარდაჭერით ტარდება.