კინტრიშის ხეობის საგანმანათლებლო  ბანაკში,  მესტიის მუნიციპალიტეტიდან მონაწილეობა მიიღო 50-მდე ახალგაზრდამ, რომლებიც ჩართული იყვნენ სხვადასხვა შემეცნებით, კულტურულ, სპორტულ აქტივობებში. კონკურსის ტიპის თამაშებსა და აქტივობებში ასევე მონაწილეობდნენ სხვა მუნიციპალიტეტების წარმომადგენლები. მესტიის მუნიციპალიტეტის ლიდერმა ბავშვებმა ნაყოფიერად და წარმატებულად გაართვეს თავი ყველა დავალებას და მიიღეს ყველაზე აქტიური ნაკადის წოდება, ასევე მოიპოვეს საგზური ბაკურიანის ზამთრის ბანკში.

ა(ა)იპ ,,დამოუკიდებელ ბავშვთა და სტუდენტთა გაერთიანებამ“ და სტუდენტურმა პარლამენტმა“  მესტიის მუნიციპალიტეტის მერიის მხარდაჭერით  განახორციელა  დამოუკიდებელ საქართველოს ისტორიაში ყველაზე მასშტაბურ საგანმანათლებლო საზაფხულო ბანაკი ,,I see you”, სადაც 63–ვე მუნიციპალიტეტიდან ჩართულია  10000 სოციალურად აქტიური ახალგაზრდა. მათთვის შექმნილია უსაფრთხო და ხელსაყრელი გარემო, შემეცნებით–შემოქმედებითი პოტენციალის ასამაღლებლად, ჯანსაღი ცხოვრების წესის პრაქტიკაში დასანერგად და მნიშვნელოვანი სოციალური უნარების გასაუმჯობესებლად. ახალგაზრდებს მიეცათ საშუალება გამოევლინათ საკუთარი ნიჭი და მოეხდინათ თვითრეალიზაცია თანატოლებთან ურთიერთობაში, განევითარებინათ კომუნიკაციური უნარები და  დამოუკიდებლად გადაწყვეტილებების მიღების უნარი.

მესტიის მუნიციპალიტეტის მერია წარმატებებს უსურვებს  ახალგაზრდა თაობას!