20 აგვისტოს, 16 საათზე, მესტიის მუნიციპალიტეტის საკრებულოს საკონფერენციო დარბაზში ადგილობრივ მოსახლეობასთან ქალთა მიმართ ძალადობის მონიტორინგის პროექტის ფარგლებში შეხვედრა ჩატარდება.
პროექტის მიზანია ადამიანის უფლებების დაცვა, გენდერული თანასწორობის ხელშეწყობა და საზოგადოების ინფორმირების გზით ცნობიერების ამაღლება ქალთა წინააღმდეგ ჩადენილი დანაშაულის შესახებ.
ამავე პროექტის ფარგლებში შეხვედრები ჩატარდება ბეჩოში კვირას, 19 აგვისტოს და მესტიის ახალგაზრდულ ცენტრში - 21 აგვისტოს.
პროექტი ხორციელდება ევროკავშირის მხარდაჭერით. ორგანიზატორია "საქართველოს საზოგადოებრივ საქმეთა ინსტიტუტი".