თბილისში, ბერი გაბრიელ სალოსის გამზირზე, ერთ-ერთ ბინაში ხანძარი 2 აგვისტოს გაჩნდა, რის გამოც კორპუსიდან მოქალაქეების ევაკუაცია განხორციელდა. 24 წლის ალექსანდრე შუკვანმა საცხოვრებელი კორპუსიდან მცირეწლოვანი ბავშვი გამოიყვანა. ხანძრისა და დაკვამლიანების შედეგად არავინ დაშავებულა. დაიწვა საოჯახო ნივთები და 30 კვადრატული მეტრი.

გმირი მაშველი ალექსანდრე შუკვანი 24 წლისაა, თუმცა უკვე 5 წელია საგანგებო სიტუაციების მართვის სამსახურის თანამშრომელია და 19 წლიდან ხალხის სამსახურშია. 

თვითმხილველთა თქმით, გაბრიელ სალოსის ქუჩაზე, საცხოვრებელ სახლში ძლიერი დაკვამლიანების გამო სამაშველო სამსახური დღეს დილით გამოიძახეს.

ალექსანდრე შუკვანი ხანძრის დროს მომხდარ დეტალებს იხსენებს:

“ხანძარი მეორე სართულზე იყო, მესამე, მეოთხზე და მეხუთე სართულებზე კი ძლიერი დაკვამლიანება შეინიშნებოდა, ძალიან შავი ბოლი იყო, მაგრამ აირწინაღებით მოვახერხეთ საცხოვრებელ ბინებში შესვლა და ბავშვების გამოყვანა.მამა ყვიროდა, მე-6 სართულზე არის ბავშვი დედასთან ერთადო. დედა ტიროდ შეშინებული. მამა ზევით ვერ ადიოდა, ძალიან შავი ბოლი იყო. ცდილობდნენ ასვლას, მაგრამ ვერ შეძლეს, ძალიან ცუდი ვითარება იყო.ერთი პატარა მე გამოვიყვანე, ერთი სხვებმა ადაარჩინეს."-ამბობს ალექსანდრე.

ადგილობრივების თქმით, ალექქსანდრე შუკვანმა საკუთარი სიცოცხლის რისკის ფასად, პატარა ცეცხლმოდებული საცხოვრებელიდან უვნებლად გამოიყვანა. არც პატარას და არც კორპუსში მცხოვრებ სხვა პირებს საშიშროება არ დამუქრებიათ.

საგანგებო სიტუაციების მართვის სამსახურის ინფორმაციით, ადგილზე მობილიზებული იყო 4 სახანძრო-სამაშველო ჯგუფი. მეხანძრე-მაშველ ალექსანდრე შუკვანს კი ფულადი ჯილდო გადაეცემა. მათივე თქმით ალექსანდრე შუკვანს კვალიფიკაციის ამაღლების მიზნით საზღვარგარეთ სასწავლო კურსით გაგზავნიან.