სვანეთინიუსი 20.10.2019

სვანეთის მუზეუმი საქართველო-ისრაელის ქირურგთა საერთაშორისო სიმპოზიუმს უმასპინძლებს

03.08.2018 17:20

 9 და 10 აგვისტოს, სვანეთის ისტორიისა და ეთნოგრაფიის მუზეუმი საერთაშორისო პრაქტიკული კონფერენციის ფარგლებში უმასპინძლებს ივანე ჯავახიშვილის სახელობის თბილისის სახელმწიფო უნივერსიტეტის 100 წლის იუბილისადმი მიძღვნილ საქართველო-ისრაელის ქირურგთა საერთაშორისო სიმპოზიუმს: ,, კუჭ-ნაწლავის ტრაქტის დარღვევათა აქტუალური პრობლემები“.

აღნიშნულ სიმპოზიუმში, ქართველ და ებრაელ ქირურგებთან ერთად მონაწილეობას მიიღებს რამდენიმე ქვეყნის წამყვანი უცხოელი სპეციალისტი.

ღონისძიების ფარგლებში 11 აგვისტოს, ასევე ჩატარდება ჰუმანიტარული აქცია ადგილობრივი მოსახლეობისთვის - პაციენტებს გაუწევენ უფასო კვლევა -კონსულტაციებს მსოფლიო და საქართველოს წამყვანი სპეციალისტები შემდეგი მიმართულებებით:

კარდიოლოგია, გასტროენტეროლოგია, ექოსკოპია, 
ჰეპატოლოგია და ქირურგია.

ღონისძიების ორგანიზატორები არიან: საქართველოს ექიმთა ასოციაცია, ივანე ჯავახიშვილის სახელობის თბილისის სახელმწიფო უნივერსიტეტი და მესტიის მუნიციპალიტეტის მერია.

პაციენტების მიღება მოხდება მესტიის საავადმყოფო ამბულატორიულ გაერთიანებაში

მის: ი. გაბლიანის ქუჩა #13

GE EN RU