მესტიის მუნიციპალიტეტის მერია მყინვარ ლეხზრის ნაწილის ჩამოშლასთან დაკავშირებით განცხადებას ავრცელებს, რომელსაც "სვანეთინიუსი" უცვლელად გთავაზობთ:
"გუშინ ღამე, საგანგებო სიტუაციების მართვის სამსახურმა მიიღო ინფორმაცია მყინვარ ლეხზრზე მდინარის დაგუბების შესახებ. საფრთხეების პრევენციის მიზნით დროებით ჩაიკეტა ხეობაში შესასვლელი გზა.
მდგომარეობის შესწავლის მიზნით, მესტიის მუნიციპალიტეტში ოპერატიულად ჩამოვიდნენ საგანგებო სიტუაციების მართვის სამსახურის და გარემოს დაცვის ეროვნული სააგენტოს თანამშრომლები.
საგანგებო სიტუაციების მართვის სამსახურმა, მყინვარის ტერიტორიაზე ინფორმაციის მიღების თანავე, წუხელ, ღამის საათებში მიავლინა ადგილობრივი სამაშველო ჯგუფი, რომელებმაც გადაიღეს ფოტო და ვიდეო მასალა არსებული მდგომარეობის შესახებ.
პირველადი ინფორმაციით საფრთხეები უკვე აღარ არსებობს და „ლეხზრის“ მყინვარზე წყალი აღარ არის დაგუბებული. ხვალიდან გაიხსნება სამანქანო გზა და გაგრძელდება მესტიაჭალაზე მიმდინარე სამუშაოები.
აღნიშნული პროცესების შესახებ, საბოლოო დასკვნა, გარემოს დაცვის ეროვნული სააგენტოს მიერ უახლოეს მომავალში დაიდება.
აქვე გვინდა მგახსენოთ, რომ გავრცელებული ინფორმაცია მსხვერპლის არსებობის შესახებ, სიმართლეს არ შეესაბამებ"-ნათქვამია განცხადებაში.
განცხადებას ავრცელებს ასევე გარემოს ეროვნული სააგენტო:
"გარემოს დაცვისა და სოფლის მეურნეობის სამინისტროს გარემოს ეროვნული სააგენტოს ინფორმაციით, მყინვარ ლეხზირზე არსებული სიტუაციის შესწავლის მიზნით სააგენტოს სპეციალისტები ადგილზე იმყოფებიან. სავარაუდოდ საქმე გვაქვს გლაციოლოგიურ პროცესებთან (წლის თბილ პერიოდში მყინვარის ინტენსიურ დნობასთან ) , რომელიც ბუნებაში ხშირად ხდება.
ამ ეტაპზე დროებით ჩაკეტილია ხეობაში შესასვლელი გზა, ვიდრე სპეციალისტებისგან ინფორმაცია არ გვექნება.