სვანეთინიუსი 18.08.2019

ჭუბერში და ხაიშში სიმშვიდეა, თუმცა მოსახლეობა სპეცრაზმის გასვლას ითხოვს

26.06.2018 14:51
ჭუბერსა და ხაიშში ამ დროისთვის სიმშვიდეა, თუმცა სპეცრაზმი ადგილზე რჩება. შემოწმების მიზანი უკანონოდ მოჭრილი ხე-ტყის ამოღება იყო. რასაც მოსახლეობასთან დაპირისპირება მოყვა. ადგილობრივების თქმით, ხე-ტყის ბიზნესის გარდა, არანაირი საარსებო წყარო არ აქვთ. პროტესტის ნიშნად გადაკეტილი სვანეთთან დამაკავშირებელი ცენტრალური გზა. 
ადგილობრივებს უკვე შეხვდა სამეგრელო-ზემო სვანეთის სამხარეო პოლიციის მთავარი სამმართველოს უფროსი ნიკოლოზ დიასამიძე და აღნიშნა, რომ მიმდინარეობს მოკვლევა. ფინანსთა სამინისტროს საგამოძიებო სამსახური - ხე-ტყის უკანონო მოპოვების ფაქტების შემოწმებას ყველა რეგიონში ახორციელებს. მათ შორის იმერეთის, აჭარის, კახეთის, გურიის, რაჭა-ლეჩხუმი ქვემო სვანეთის, შიდა ქართლის, სამცხე-ჯავახეთის და სამეგრელო-ზემო სვანეთის რეგიონებში. ფინანსთა სამინისტროს საგამოძიებო სამსახურის ცნობით , გატარებული ოპერატიულ-სამძებრო ღონისძიებებისა და საგამოძიებო მოქმედებების შედეგად, მიმდინარე წლის ივლისში, ყალბი საგადასახადო დოკუმენტების გამოყენებით ხის მასალის უკანონო რეალიზაციის ფაქტზე, სისხლის სამართლის პასუხისგებაში მისცეს და დააკავეს 15 პირი.

შეგახსენებთ, რომ   შსს-ს ინფორმაციით, ადგილობრივი მოსახლეობა ხელს უშლიდა გამომძიებლებს, ხაიშსა და ჭუბერში ხე-ტყის უკანონო ჭრასთან დაკავშირებული საგამოძიებო მოქმედებების ჩატარებაში, ამიტომ ისინი იძულებული გახდნენ ადგილზე სპეც დანიშნულების რაზმი შეეყვანათ.
GE EN RU