სვანეთინიუსი 20.10.2020

ნოდარ ბერიანი ევროპის უნივერსიადას გამარჯვებულია

26.07.2018 00:05

22 წლის ქართველმა სპორტსმენმა-ნოდარ ბერიანმა  მორიგი წარმატება მოიპოვა და კიდევ ერთხელ გაგვახარა  გულშემატკივარები.

მან პორტუგალიის ქალაქ კოიმბრაში ევროპის სტუდენტურ თამაშებში მიიღო მონაწილეობა. მან ძიუდოში, 100 კილოგრამ წონით კატეგორიაში ბელორუსიელი მოჭიდავის დამარცხება შეძლო და ევროპის უნივერსიადას გამარჯვებული გახდა.

შეგახსენებთ, რომ ნოდარ ბერიანი არის გურამ თავართქილაძის სასწავლო უნივერსიტეტის ტურიზმის ფაკულტეტის მესამე კურსის სტუდენტი და საქართველოს უნივერსიადა უკვე ორჯერ, 2016 და 2017 წლებშიც აქვს მოგებული.

არის ახალგაზრდებში საქართველოს ორგზის ჩემპიონი, 23 წლამდელთა ასაკის  საქართველოს ჩემპიონი, ორჯერ საქართველოს ჩემპიონატის პრიზიორი დიდებში, ორჯერ მეორე დონის საქართველოს ჩემპიონი, ევროპის თასის პრიზიორი და სამბოში საქართველოს ჩემპიონი! ✊

GE EN RU