2018 წლის 28 ივლისს 16:00 საათზე საქართველოს ეროვნული მუზეუმი / სვანეთის ისტორიისა და ეთნოგრაფიულ მუზეუმში, გაიმართება გამოფენა სახელწიდებით ,,თამარისი'', რომელიც ეძღვნება მონაზონ თამარის ( ერისქალობაში ეთერ უროტაძე) ხსოვნას.

გამოფენის ორგანიზატორები: პროფესორი იზოლდა მელიქიშვილი, ლიანა ანიაშვილი, დარიკო ჩიხლაძე. ექსპოზიციაზე წარმოდგენილი იქნება ოქრომკედით და ვერცხლმკედით ნაქარგი დაფარნები, რომელსაც მონაზონი თამარი სიცოცხლის ბოლო წუთამდე ქარგავდა.

ასევე მისი მოსწავლეების სამების სამრევლო სკოლის ნატიფი ხელოვნების კურსდამთავრებულების და ამავე სკოლის პედაგოგის ელისაბედ ჩაჩანიძის მოსწავლეების ნამუშევრები.

წმ.კეთილმსახური მეფე თამარის სახ. სკოლა-პანსიონის ( დირექტორი მირიან სამხარაძე, კახაბერ ვარდუკაძე) სასწავლებელში შექმნილი, ქართული ეროვნული სამოსი. ( პედაგოგი რუსუდან არჯევანძე. ასევე გამოიფინება მეფე თამარის სახ. ქარგვის სახელოსნოში ,შროშანი''( სახელისნის დამფუძნებელი და დამფინანსებელი, მეცენატე ქ. მარინე წიკლაური) შექმნილი მეფე თეიმურაზ მეორის სამეფო სრული შესამსელი და საფლავის ქვის საფარებელი. ნამდვილი ოქროს ძაფით ( ,, თმა'' ასე უწოდებენ წერილობით წყაროებში) შესრულებული სამუზეუმო ნივთების ასლები. ასევე ფერიცვალების დედათა მონასტის სახელოსნოში მოქარგული ვახტანგ მეექვსის სრული შესამოსელი და საფლავის ქვის საფარებელი. მცხეთის წმ. იოანე-თორნიკე მთაწმინდელის სახ. დედათა მონასტერში შესრულებული სამუზეუმო ასლები. ჯვრის მამის დედათა მონასტრის ქარგვის სახელისნოსში შექმნილი საეკლესიო ნივთები. წარმოდგენილი იქნება ხაშურის  წმ. მარინეს სახ. მონასტერთან არსებული სამრევლო სკოლის, ოქრომკედით შესრულებული ნამუშევრები. ( პედაგოგი ელმირა სტეფანოვა. ასევე, ხალხური ტრადიციული რეწვის უნიკალური ნიმუშები.

ავტორები: ლიანა ანიაშვილი, ნელი ლომსაძე, ნანა ამბოკაძე. ქეთევან ლომძე, უძველესი ჭედურობით, ლითონში შესრულებული სამუზეუმო ნივთების ასლები, რომელიც დაცულია საქართველოს სხვადასხვა მუზეუმებში. ავტორი: ნანა აზიზიანი.                                             დეკორატიულ-გამოყენებითი ხელივნების ნიმუშები. ავტორები ნელი არაბული, ეკატერინე მინდაძე.

ხელოვნებათმცოდნეობის დოქტორი პროფესორი იზოლდა მელიქიშვილი, ხელოვნებათმცოდნე დარიკო ჩიხლაძე და ლიანა ანიაშვილი გამართავენ ლექციების კურსს თანამედროვე ქართული ნაქარგობის აღორძინების, ჯვრული ნაქარგობისა და ოქრომკედით ქარგვის  ტექნიკისა და ტრადიციების შესახებ. ჩატარდება მასტერკლასები, მოეწყობა გასართობი პროგრამა ბავშვებისათვის.